العشير

الجزء السابع والعشرون

فاتو وظلو سوالف وضحك وراحت سجى للحمام
من طلعت لكت يم المغسله محمد ديغسل اخو ريحان الي بالجامعه
.
محمد شافهه وراسا نزل راسه وراح من المغسله والمي مفتوح كام يكاسر بي ومتوتر
.
محمد. العفو خويه بس هسه اعدلج المي
. عدله وراح هي محجت شي ظلت مدنكه هو راح لغرفه ضلمه رد الباب ظل يباوعلها هي منحرجه تغسل وراهه اندمجت تباوع عالمرايه مركزه بوجهه وتعدل وتطبطب ع خدوده بمعنى اصحي وعدلت شالهه ونشفت ايدهه وراحت مبتسمه

الولد مصطفى الي بالاعداديه واحمد الخاطب متواجدين دايما بس محمد اغلب وقته دراسه للجامعه او يشتغل او بغرفته ف قليل نشوفه وهو جان طالع وفات من شاف الاوضاع دسمه قرر يفوت يسلم
.
محمد. السلام عليكم
وفات يسلم عليهم واحد واحد ابو علي وعلي واسد وسلم من بعيد ع ام علي الي هي ام اسد وماسلم ع سجى دنك وكال هلاخيتي شلونج واندار قبل لترد
.
ابوعباس. لالا منو منورنا اليوم ماصدك
.
ابوعلي. ههههههه والله لوماشفته بفتره الاختطاف وياكم حاير فلااعرفه ابنكم حتى انسى شكله عالصوت
.
محمد. والله عمو دراسه وشغل واحنه عباس اخذ حضورنه ولسانه صار هو وبس احنه منلحك علي هههههه
.
ابوعلي. لابويه بيكم الخير والبركه
.
سجى بكلبها اي عمو ودراسه شبقيتلي يحضي شهالكياته هاي لخاطر محمد
.
محمد ظل يحجي وياهم ويسولف بس براسه عاصفه يريد بس ينتهز فرصه ويباوع عليها عكسهه هي تشوفهم مندمجين ومحد يباوعلها ف صافنه بي
محمد انتهز الفرصه باوع لكاهه صافنه بي ومركزه ومبتسمه ومنسمه عالاخر راسا فتح عينه وتوتر واندار هي راسا فشلت ودنكت ضربت كصتهه بابتسامه
.
ريحان. شبيج
.
سجى. لاهيج اذكرت سالفه
.
ريحان. مممم
.
سجى. هههههه شبيج
.
ريحان اندارت ع حنين
.
ريحان. تكلج حنون الوضع ميطمن
.
حنين. فهمتج وماخذه احتياط ودااراقب وشفت حركه راقبي ومن نفضي نستلم الوضع
.
ظلو سوالف وضحك وفرشن للزلم بالديوانيه الاستقبال وللنسوان بالهول وحنين نامت وياهن وعباس وياهم ويشاقه ويه اسد
.
عباس. حرمتوني من مرتي ابويه من يجي خطار يكول عيب تعوف الزلم وتروح يم مرتك فشله
.
اسد. عبوسي اني من يجي خطار ماعوف اختك انام يمهه
.
عباس. اسد خليني محترمك
.
اسد. ليش غير اختك متنعاف
.
عباس. اسد انجب ههههه
.
اسد. دخلي تصير مرتي وحتى يمكم متبات

.
عباس. اسد حكوم ادبج بمصارينك
.
بعدهم يدابلون والزلم نايمه لان تاخر الوقت كام محمد لكى ريحان وسجى بالمطبخ ديحجن لان حنين وام علي شخرنهه وديسولفن وريحان دتسوي اندومي ومحضره ويا ببسي وحلويات وكرزات
.
محمد. احممم احمم
.
ريحان. هامحمد
.
محمد لكاهه فرصه. والله ريحان جوعان بكني تصوفر وشميت ريحه اندومي هبالي بس انتي
.
ريحان. تعال سجى هم اختك اكعد
.
محمد. اي اتشرف بيهه
.
سجى. مدنكه وردت. شكرا اني اشرف والله
.
محمد وريحان 😳وطكوهه بضحكه وراسا سدو حلكهم وظلو يضحكون ويذكروهه وينسون هي ضلت خجلانه وصافنه بيهم مستغربه
.
سجى بهمس. شكووو شبيكم
.
محمد. لاهيج غلسي اني شبعت رايح انام
راح يضحك
مراد يبقى وتبقه فشلانه عرفهه توترت
.
سجى. شبي هذا اخوج النازوكي
.
ريحان. لج يكولون اليه الشرف شنو اني اشرف قصدج انتي اشرف منه وهو موشريف
.
سجى. ياعزا منتبهت والله ماعرف ارد اني لساني شاطح
.
ريحان. ولايهمج بس شنو نازوكي
.
سجى. يكول عمو وادرس وبابا وحجيه كيوت
.
ريحان. هههههههه ولج هذا لشوفي لوعصب يفرج فر بس هو هيج احنه نحجي مومثلكم بالجنوب بس مونازك بالعكس
.
سجى. ديلا يلا صدكت
اكلن وسولفن كلمن وحياتها وعيشتهم ونامت للصبح دك بابهم قوي
.
كعدو جفلانين وراحو الولد طلع سعد يركع بالباب بحديده
يسكتون بي يصيح فضحهم بالمنطقه
فات جوا فوتو ويصيح يريد يحجي ويا ابو عباس مينطي مجال وينتر محمد فقد اعصابه حسدته سجى
جره من ياخته مال قميص وطلعه للطرمه هو طويل ومعضل وسعد مربع ههههه بايد وحده جره
خلاه جوا ايده متمدد وهو فوكاه لازمه من ياخته مثبته
والبنات من شباك المطبخ متخبلات وريحان مصدومه وخايفه يخربها
.
محمد. لك كلب صار شكد محترمك لخاطر ابويه بس مال تنتر بي كدام خطاره وتفضحنه بالمنطقه ادفنك هنا بطرمتنا زباله مومال حشيمه وتقدير عبالنه ادمي كبرناك اصلا اني اذا قبلو ارفض ولو تموت ماجنت اخليك توصلها الخايس
.
سعد. انجب لك انت لوعندك غيره متخلي يبات يمكم وهو لامزوجهه ولاشي لافين العرب يمكم
.
رااسا محمد ضربه بوكس بوجهه بس ابوعلي عاط بي ووخر
كلهم مندمجين بابوعباس وسعد يحجون وسجى الوحيده صفنت بمحمد شلون وجهه دم ودماراته برزن ويتلفت بالكاع ولوب ويفتر ومخنزر ووجهه معصب يريد يسكت يقاوم وميضربه ويعض بايده اخر شي فات جوا هي راسا رلحت ركض اخذت ثلج من الفريزر وراحت لان شافت ايده بيهه دم من ضربهه بالحايط وهم يحجون وانتبه الها بيهه دم وفات ومحد انتبه الها صافنين بالهوسه البرا فاتت علي
.
سجى. عزا محمد هاي شبيهه ايدك
.
محمد. هاااا😳✨
.
سجى جابت ثلج وخلته بشالهه لفته وجرت ايده بسرعه وخلته عليها وتحجي بعصبيه
.
سجى. شجاك هيج سويت ماعفتهم هم يربو لتدخل
.
محمد ابتسم. موشالتني الحميه اكو ناس كالو نازوكي
.
سجى. ياعزا سمعتني
.
محمد. لا عصافير كلولي
.
سجى. اسفه والله جنت اشاقه
.
محمد. لااشاقه اني ماسيطرت ع روحي والله
.
سجى. اي واضح
.
محمد. جيبي الثلج وفوتي لحد يشوفج
.
اشرتله براسهه اي وراحت
هو ظل مبتسم ومستغرب من تصرفهه تريد تتقرب منه لو خافت وردة فعل لو يعرف ببنات الجنوب بنات نخوه وعدهم اصدقاء ابوهم هناك من يروح يلتمون زلم ونسوان بسفره ف عادي لو اعتبرت نفسهم عائله وحده لو شنو براسهه

نرجع لجماعتنا
ابوعباس. سعد اني تحملتك لخاطر ابوك بس بعد ياسعد لااني عمك ولااعرفك عباس خابر عمك يجي
.
سعد. اي طبعا انت موبحالي هسه تغطي فعايل بنتك
.
هو حجى هيج واجه علي اسد وملخه كتل ويفككون بينهم وهي يضرب بي ويصيح
.
اسد. بنته اشرف منك ومن عشيرتك ساقط ديوث هاي شرفك وعرضك بنت عمك تطلع حجي عليها عبالك محد وراهه ابن ال.... ابن ال.....
.
كوه وخروهم من بعض فوتو اسد واهله ويتعذىون بالاستقبال وفوتو سعد بالهول وترخصو منهم

راحت ريحان اخذت مي وفاتت للاستقبال بحيره وخوف
قدمتلهم وتتعذر من عمهه وعلي وترجف ومكدرت تكمل

حست روحهه دايخه راسا خلت الصينيه مال مي عالطبله ورجعت عالتخم قبل لتوصله اجاهه اسد لزمهه من خصرهه وايدهه وكعدهه هي راسهه يروح يمنه ويسره وتغمض وتفتح

وراهه فقدت وعيهه من الخوف والتوتر وكام يصيح اسد. جيبولي كلاص المي بسرعه عصره بيده قوي وفتحهه وكع ع هدومه وايده ويرش ع وجهه ويضرب بيهه ويصيح عبااااااس

جوي ركض لكوهه فاقده حاولو يكعدوهه مكدرو وهي كعدت ع هبطه من نومهه وجسمهه رست تخبل اسد بس لا انتكست مثل ذيج الفتره وتفوت بغيبوبه تخبل حار شيسوي

راسا شالها وطلع هو وعباس وكللهم عباس ابقو احنه وياهه
راحو للطوارىء وطول الطريق عباس يمهه يحاول يصحي ومتصحى واسد يسوق بسرعه وعباس يدلي بي وين يروح وهيج

وصلو عباس شالها لان جان بصفهه واسد راح يركن السياره فات ركض لكى عباس مفوتهه ع سرير ويمهه دكتور ديحاول وياهه والممرضه دتجيك ضغطها
.
الممرضه. عيني هاي ضغطها مصفر ٨ العالي والناصي ٤
.
الدكتور. يلا شدولها مغذي وفهمهم شيسوون.
.
ضل يصحي بيهه وهي تفتح وتغمض وتلوب براسهه يمنى ويسره وتحجي بصوت يجي ويروح راسي حينفجر

اول مافتحت راسا رفعت نفسهه وتقيأت كامت تبجي هي وتتقيأ
جتي الممرضه ساعدتهه وغسللها عباس ببطل المي وغسل وجهه

وهي دموع وروحهه تطلع من تتقيأ بصعوبه مابيهه حيل
كملت وتكله. عباس بعد ماكدر نفسي تلعب شوفلي علاج مابيه

.
اجه ممرض حاول يشد كانونه وايدهه ناعمه والاورده ضعيفه حاول مكدر وهي تلوب من الوجع واسد ع اعصابه

جانت اضافرهه مصبغتها وردي نود فاتح وايدهه بيضه وهو يفرهن يمنه ويسره ولازمهن

وهي حسره يلزمهن وهذا يكمكش براحته اخر شي راح صاح واحد مبين خبره وقديم اول مااجه ريحان حجت بكل صعوبه وبطيء دكت.. ور انيي اوردتي ضعيفه اله كانونه اطفال صفره يلا لان هي هم ام مختبر مثل متدرون وتعرف بهالسوالف

عباس كمل كله ترا هي بالمختبر هم تحليلات ف كله اي اعرفهه دكتوره ريحان كل فتره ترسللنا تحاليل زرع ونتواصل ويه مختبرهم واعرف الوالد سلملي علي وهيج وراح

شكل مغذي وهي كل شويه تتقيأ وترجع واسد يلوب يريد يمهه يلزم ايدهه يفرك جتفهه او يحسسهه بوجوده وخجلان من عباس لحد ما

عباس اجاه اتصال من ابوه واشرلهم وطلع

راسا اجاهه اسد و