العشير

الجزء الثاني

نرجع لليوم الي انخطفو بي ابطالنا
اسد مرات ينعزل عن العالم وهو شاب ف محد حس بوجوده اله بوقت متاخر من الليل لان مرات يروح ويه ربعه وياكلون ويتعللون ويرجع هالمره ماكو دكو علي هيج حتى يطمنون دكت اخته الصغيره نور ماكو ميرد وراهه انغلق هنا حسو بخوف
.
ام علي الي هي ام اسد. امشي كومي صيحي على علاوي بغرفته لو خابري مرته تكله امي تصيحك
.
نور اخت علي الصغيره. يمه ماكو شي هسه يدك لتسوين هيج
.
ام علي. امشي صيحي لااشعل ابو ابوج هسه
.
نور صاحت. عليييي خويه تعال امي تريدك
.
علي. اي جيت جيت
.
نزل علي. ها يمه خيرج
.
ام علي. يمه اخوك لاحس ولاخبر وندك ميرد وراهه قفل جهازه
.
علي. يمه ع كيفج عادي تنحل هسه اني اخابر ربعه ونطمن
.
علي خابرهم كلوله احنه هم متفقين ومااجه وندك ميرد
علي كال لامه
.
علي. يم ربعه يمعوده ومخلص شحنه ومخلين الموبايلات بالسيارات ويمكن خالص شحنه يكول اشحنه وادك
اني موطفل. روحي نامي وارتاحي لتظلين توهوسين
.
طمن امه وراح اتفق ويه الولد يرحون للمركز يبلغون يعرفوهم ف اكيد مراح يطولون عليهم
راحو بلغو وكله باجر نتعقب الكاميرات من طلع من يمكم عالطريق لوين موصل ان شاءالله ونلكاه والحمدلله هم بمنطقه مرتبه ف كلهم مخلين كاميرات
وهم بلشو بحث خاف حادث سيارات لوتبليغ
وهم راحو للمستشفيات للمراكز هم
خابر علي مرته وكللها
.
على. هاهداوي شلونج
.
هدى. ها حبيبي وينك ظل بالي
.
علي. نامي يروحي اني طلعتلي شغله وماارجع يمكن صديق اسد بالمستشفى واحنه يمه
.
هدى. الله يشفي يارب ويقويكم ديربالك ع نفسك
.
علي. امين حبيبي. اذا سالت امي كليلها موجود ونمت والصبح طلعت من وكت طلعتلي شغله
.
لان علي عنده شركه مهمه مال تصنيع وتعليب اغذيه مثل مكتلكم هم يعرفون يستثمرون فلوسهم كلمن بمجاله ف شغله هواي وشركات وياهم وسفريات ومصنع وموضفين شويه شويه وكبرهه
.
المهم مر الوقت وتابعو الكاميرات ومن شافو راح لذيج المنطقه عرفو اكو انه لان مبيها كاميرات وناسها موزينين دايما الهم ايد بكل مشكله منطقه نائيه
ف بلشو تحقيقات وفتحو القضيه وبامر قانوني تابعو اخر مكالمه اله وحددو مكانهه وفعلا طالعه من هاي المنطقه بس الرقم ممسجل قانوني ومن كلامهم عرفو استدرجو ف بلشو بالقضيه علي رجع للبيت
.
علي. السلام عليكم شلونكم
.
ام علي. هايمه وين اخيك
.
علي. الحيوان طالعين سفره صديقهم حيزوج وتعال خلي نسوي توديع العزوبيه قفلو موبايلاتكم وانهزمو من نسوانكم والعزابيه فلتو بس بلغني اكلج
.
ام علي. موعساس صديقه بالمستشفى وبقيتو يمه
.
علي. لاجذب جنه بالمطار بس حلفني ماكوللكم
.
ام علي. والله هذا اخيك فدواحد فالت عباله كبر واهده
.
علي. يلا اني اروح اسبح وارتاحلي شويه
.
معرفو صدكه من جذبه بس مشكو بشي بس بلغ الزلم ومحجو للنسوان يعرفون النسوان ميكدرن ع لسانهن واذا سكتن يبين بوجههن
ف محجو
....
بيت ريحان
مثل كل مره يروح احد من ولدهم يجيبهه ف صعدلهه للمختبر ويا ريزو وبيتزا كال ناكلهن ونرجع لان بالبيت مسوين بيتنجان وبتيته وطماطه حمس وهو ميحبهن ف اخذلهم
هو محمد اصغر منها بالكليه بس اقرب واحد الها
راح لكى العالم هوسه والمختبر محد بي واكو شرطه يمهم راسا اجاه ابو الصيدليه يعرفه اخوهه كله هاك جنطتها وتلفونها لكيتهن بالمختبر وتعال وياي الشرطه يردون احد من اهلها ومنعرف ارقامكم
هو وكع الجيس من ايده وصفن تخيل انذبحت او شي موزين
.
محمد. خير سيدي شبسها اختي
.
الشرطي. اختك ريحان؟
.
محمد. نعم سيدي بس احجيلي والله بعد مابيه
.
الشرطي. اختك انخطفت اليوم من عصابه مجهوله
.
محمد. 😳
كعد بالكاع وصفن ودموعه تنزل ممستوعب وراهه كام يصيح وخابر اخو الجبير عباس ومكدر يحجي انطاه للشرطي وفهمه وجاب الولد وجوي
.
راحو للمركز وشافو كلشي بالكاميرات بس العصابه معرفوهه عبالك ناس عاديه وهم ماجريهم ضاحكين عليهم او هم وياهم بس ممغطين وجوهم ف اكيد ذوله ممهتميلهم لان مؤقتين ف شكو مثل كل العصابات تغري الي بالشوارع بفلوس سوو هيج وتورطهم