کێ بکوژە(وەرزی یەک کۆتای هاتووە)

¹|مردنی جیۆن جۆنگکوک

«هەموو شتێکیش چا ببێتەوە
ئیتر من نابمەوە کەسەکەی جاران»

کچەکە چاوەکانی بەهێواشی کردەوە و سەیری ژورەکەی کرد، ژورێکی سپی و پاک، سەیری دەستی کرد کانولایەکی پێیەوە بوو، لەلای ڕاستی ئامێرێکی دڵ لێدانی لێ بوو،. کە هێڵەکانی دڵی کچەکەی نیشان دەدا ماوەیەک سەیری ژورەکەی کرد و لەناکاو دکتۆرێک هاتە ژورەکە " خاتوو جیۆن! وادیارە بەهۆش خۆت هاتیتەوە، ئێستا هەست بەچی دەکەی؟" دکتۆرەکە بە خەندەوە وای بە کچەکە
وت کە بە خاتوو جێۆن بانگی کرد.

کچەکە دەمی کردەوە تا قسە بکات " سەرم، وا هەست دەکەم بەچەکوشێک لێی دەدەن" کچەکە
بە ئازارەوە قسەی بۆ دکتۆرەکە دەکرد

دکتۆرەکە سەری بە ئەرێنی لەقاند " باشە ئەمە تا ئاستێک ئاساییە، چونکە تۆ  توشی ڕوداوێکی قوڕس بویتەوە" دکتۆرەکە وای وت ." ڕوداو؟" کچەکە بە سەرسوڕماویەوە وای وت.

" بەلێ تۆ توشی ڕوداو بویت هیچت لەیادە سەبارەت بەو شەوە؟ لەبیرتە ناوت چیە؟ تەمەنت چەندە؟" دکتۆرەکە دانە بەدانەی پرسیارەکانی لەکچەکە دەکرد.

" نـ نازانم هیچ ڕوداوێکم بەیاد نایەتەوە بـ بەڵام من ئەوانیترم لەیادە" کچەکە وای بە دکتۆرەکە وت و دکتۆرەکەش هاتە نزیک کچەکە دانیشت.

" باشە چیت لەیادە بۆمی باس بکە "

" مـ من ناوم جیۆن سارا'یە و تەمەنم 26ساڵە، و وە هاوسەرگیرم لەگەڵ جیۆن جۆنگکوک کردوە لە 20/2/2023 " کچەکە بۆ دکتۆرەکەی ڕوون کردەوە، دکتۆرەکە سەری بە ئەرێنی لەقاند

" باشە کەواتە ئەمڕۆ چەندی مانگە؟" دکتۆرەکە پرسیاری لە سارا کرد  ، سارا کەمێک لەدیوارەکە
ڕاما دواتر سەیری دکتۆرەکەی کرد و وتی  " 4/1/2027؟؟"

" نا ئەمڕۆ 28/1/2027 ئەو بەروارە ئەو ڕۆژەیە کە ئێوە توشی ڕوداوەکە بوونەتەوە ئەمە سێ هەفتە لەمەوبەر بوو، ئەو ڕۆژەت لەبیرە؟ " دکتۆرەکە لەسەر خۆ بۆ سارا'ی ڕوون کردەوە و دواتر پرسیاری لێ کرد ." بەیانیەکەی جۆنگکوک وتی کە ناچێتە کۆمپانیا، وتی کە بەیەکەوە بچینە گەشتێکی ناو دارستان، وە ئێمە لەوێ کاتێکی خۆشمان بەسەر برد و  ئێوارەکەی وتی دەبێ بگەڕێینەوە کارێکی بەپەلەمان بۆ دروست بوە، من تەنها ئەوەندەم لەیادە کە سەرکەوتمە ناو ئۆتۆمبێلەکە، ئـ ئەی کوا جۆنگکوک؟ لەدەرەوەیە؟ " سارا بۆ دکتۆرەکەی ڕوون کردەوە و پاشان پرسیاری جۆنگکوکی لە دکتۆرەکە کرد.