کێ بکوژە(وەرزی یەک کۆتای هاتووە)

²²|خەونێکی خۆش

دەتوانی هەموو شەوێک بێیتە خەوم؟

گـێـڕانـەوە لـەلـایـەن ســــارا

______________________

ئەو لێرە بوو لەبەردەمم ڕوخسارە بێگەردەکەی لەبەردەمم بوو، دەستەکانم بەرەو ڕوخساری برد و دەستم لێیدا " جۆنگکوک!" فرمێسک لەچاوانم هاتە خوارە ماوەیەکی زۆرە هەستم بە ڕوخساری نەکردوە لەژێر دەستەکانم.

" سارا" بە دەنگە هێمنەکەی ناوی هێنام فرمێسکەکانی چاوم بەبێ وەستان دەهاتنە خوارەوە من چەندە بیری ئەوەم کردوە دیسانەوە ناوەکەم لەسەر زاری ببیستم "گیانی سارا، سارا فیدای تاڵ بە تاڵی قژت بێت، سارا فیدای لێوانت بێت" دەستەکانم نەیان دەتوانی لە ڕوخسارەکەی ببێتەوە.

" سارا بەسە و واز لەمن بێنە" دەنگی جیاواز بوو لەهەر جارێک کە قسەی لەگەڵ دەکردم ئەمجارە فەرمان بوو کە هەرگیز ئەم تۆنەی لەگەڵ من بەکار نەهێنابوو.

" بۆچی وا دەڵێیت جۆنگکوک؟ بۆچی دەڵێی وازت لێ بێنم ؟مەگەر بەوە ئاسودە نەبویت خۆت لەمن ساندەوە ؟ ئێستا بۆچی دەتەوێ لەدڵیشم خۆت بمرێنی ؟"

" سارا ئاوا مەکە و واز لە بیرکردنەوە لەمن بێنە" هاواری بەسەرم داکرد و هەڵسایەوە و خۆی لەمن نزیک کردەوە، بۆنەکەی بەناو دەمار دەماری جەستەم هاتوو چۆی دەکرد، من چەندە بیری ئەو بۆنەم دەکرد.

" ناتوانم جۆن تێدەگەیت ناتوانم من چۆن دەتوانم واز لە بیرکردنەوە لەتۆ بێنم، مەگەر من نەمووت تۆ تاکە کەسی کەمن هەم بێت لەسەر ئەو زەویە؟ بۆچی خۆت لەمن ساندەوە؟ بۆچی منت تەنها کرد مەگەر من کێم هەیە لەدوایی تۆ؟" فرمێسکەکانم نەدەوەستان و ئەویش هەر زۆر بەئاسایی سەیری دەکردم، دەستەکانی هێنایە نزیک ڕوخسارن و هەستم پێی کرد کە فرمێسکەکانمی دەسڕیەوە.

" تۆ دەبێ ئیتر ژیانی خۆت بژی سارا، ژیانێک بێ من، ژیانێک بێ بیرکردنەوە لە جۆنگکوک بژی ئیتر، من بخە کەلێنێکی بچوکی مێشکت و ئیتر بۆخۆت بژی و کەسێکی تر بدۆزەوە و خۆشەویستی لەگەڵ بکە، من بۆ تاهەتایە لەبیر بکە و هەرگیز گرنگی بە بوونی من...." نەمهێشت قسەکانی تەواو بکات بەخێرایی بەرزبوومەوە و لێوەکانم لەسەر لێوی ئەو دانا، بۆ ساتێک هەستم بە دەستەکانی کرد کە چۆن کەمەرم دەگرن و ماچەکە ئاڵوگۆڕ دەکا.