کێ بکوژە(وەرزی یەک کۆتای هاتووە)

³⁴| درۆزن بوون

خۆشی واتا تۆ لە نزیکی من.

پۆڤیـ'نوسـەر

___________

" چی بکەین ئاوا بڕوا دەمرێ لەبرسا" یونگی بە خەمەوە وای بە جۆنگکوک وت کە بەیەکەوە لە هۆڵەکە دانیشتبوون، جگە لەوان سیۆکجینیش لەوێ بوو، کوڕەکانی تر هەموویان چووبونە سەر کارەکانیان " نازانم منیش نازانم" جۆنگکوک بە سەرلێشێواوی لەهۆڵەکە دەهات و دەچوو، سارا لە دوایی ئەوەی یونگی هەموو شتێکی باسکرد حاڵی تێک چوو، دوو ڕۆژە لەژورەکە خۆی بەند کردوە، تەنانەت ناهێڵێ خزمەتکارەکانیش بچنە ژورەکە، جۆنگکوک چەند جارێک ویستی بچێتە لای و ئارامی بکاتەوە بەڵام سارا وەک گڕکانێک لەتوڕەیدا دەتەقیەوە و هەرچی لەو ژورە بوایە بۆ جۆنگکوکی فڕێدەدا، جارێک خەریک بوو جۆنگکوک کوێر بکا بەو پارچە شوشەیەیی بۆی فڕێدا.

"بابمرێت باشتر بۆچی خەمی لێ دەخۆن" سیۆکجین بە بێزاریەوە وای وت کە خەریکی موبایلەکەی بوو، جۆنگکوک نیگایەکی تیژی پێدا " سوێند بەخوا ئەمجارە ناڵێم لەمن گەورەتری بۆت یەم و دەم و ددانت دەشکێنم تێگەشتی" جۆنگکوک بە توڕەییەوە هاواری بەسەر سیۆکجین دا کرد "چیە لەسەر ئەو کچە گەمژەیە بەنیازی لەو برایەت بدەی کە چەندان ساڵە لەلاتە؟" سیۆکجین بە تۆنێکی بێزاریەوە قسەی کرد، ئەو لەگەڵ ئەو ڕقەی کە بۆ سارا هەیەتی گەورە بووە، بۆیە گۆڕانێکی لەناکاو بۆ ئەو سەختە.

" جوان قسە بکە ئەو هاوسەری منە" جۆنگکوک ددانەکانی جیڕ کردەوە و بە توڕەییەوە وەڵامی دایەوە " هاهـ بە پێکەنینم مەخە، کام هاوسەر ؟ تۆ چوار ساڵ ئەوت هەڵخەڵەتاند"

" ئەوە ڕابردوو بوو هەرچیەک بێت سارا هاوسەری منە تێگەشتی؟" جۆنگکوک و سیۆکجین خەریک بوون لەو ناوە بیکەنە شەڕ" ئەرێ دە بوەستن خۆ منداڵ نین ئاوا دەمە دەمتانە؟ کاکە سیۆکجین ئەی تۆ هەموو شتێک نەبینی؟ بۆچی هێشتا ڕقت لە خوشکەکەمانە" یونگی دەیویست ئەو گرژیەیی نێوان ئەوان چارە بکات، سیۆکجین خۆشی نەیدەزانی بۆچی سەرەڕای ئەوەی زانی کە سارا هیچ تاوانێکی نەبوە هێشتا ڕقی لێیەتی، بەبێ ئەوەی وەڵام یونگی بداتەوە لە هۆلەکە هەڵساو بەرەو ژورەکەی چوو.