يابساطتها الأحبك..
ويا ثگلها باب شفتي..
اربع حروف وبعدها
لو أعيش العمر وحدي
لو تشاركني بغرفتي)؛
_تصويت للقصة
_متابعة للحساب
_تعليق بين الفقرات
الكاتبة بنين أيتان
القبلة المحرمة
~•~~•~••~•~•~••~•~•~
نور:
كعدنا ع صوت المنبة جهزنا نفسنه
نفس هلمرة اهتمت كلش بملابسها هي صح كل لبسها أنيق بس اغلبه ترانشكوت تظلم بي جسمها
اما هل مرة لبست كيلوت جينز عريض شوية وقميص ازرق هاڤ
وعليه جاكيت جينز بلون الكيلوت
وحذاء ابيض وشالت شعرها بعشوائية بزر وجهه ورگبتها
كل مرة تعوفه مفتوح يغطي ع شكلها
طلعت تجنن تعمدت تلبس ملابس بلون عيونها حته تسطر علي فوگ ماهو مسطور
سحبت بالعطر وطلعنا
أجرنا سيارة ورحنه للكيلة وصلنه
رحنه افترينه شوية وصار وقت محاظرتنه
دخلنه استاذ الانكليزي محاظرته مملة كلش
ساعتين يلا خلصت
طلعنه منتهين،،رحنه للنادي
نور:انا راح اروح شوية واجيج
نفس:وين اجي وياج
نور:لا ضلي اطلبي اكل وانتظريني
نفس: تمام حبيبتي
رحت لغرفة علي دكيت الباب ودخلت
هو مدنك يكتب رفع راسه شافني عاف الكتابة وگال:
_تفضلي يابة
دخلت وسديت الباب تقربت امسح اديه ببعضهن كعدت ع الكرسي:
نور:استاذ انا اسفة
علي:ع شنو
نور:لان ماسمعت من عدنا بموضوع غيث ماحبيت تسمع منه هو بس...
قاطعني وگال:
_حصل خير بوية صار الي صار
_انت مازعلان مني مو
_ماخذ شوية ع خاطري ولو ماعزج ماشيل بخاطري منج
_الله يعزك وانا لو ماعزك مااجي خجلانه منك ع الي صار
بس صدكني هو الي اصر يضل يمنه وصار يعوي(يبجي)وهي فطيرة نقهرت عليه
بس بعد مااعرفت انت هي طردته وتندمت كلش
_عندج بعد شي تكولي لو خلصتي
_شنو يعني
_يعني غير هذا الموضوع عندج شي
_لا اجيت تأاصلاحكم انت ونفس
نتر بوجهي وگال:
_لااا نور رجاءاً خليج بعيده عن هذا الموضوع
استغربت من رفضة وسايرته وكتله تمام وطلعت
من الغرفة
رحت لنفس لكيتها طالبة اكل
كعدت اكلت ورحت يم احمد وهي راحت استاذ الانكليزي طلبها
اتفقت ويا احمد نصالحهم سوا
گتله ع خطتي هو وافق بس لمن نخلص محاظرات بعد عدنا ثنين
واذا تصالحو وحدهم بعد احسن
اخذنا محاظرة فيزياء
وبعدها الاحياء الي هي محاظرته
دخل علينه عيونه ماباوعت لنفس عكس كل مرة اول مايدخل عيونه عليها لحد مايطلع
شرحنله الموضوع الجديد بسرعة وخلقته مگلوبة
سأل الطلاب اذا وصلهم الملخص مال الموضوع جاوبو بنعم
هي تباوع عليه بلهفة ومركزة ويا بس هو ابد ماباوعلها
وحته عيونه ماتجي بأتجاهه مقاعدنا خاف يباوعلها بالغلط
ماشايفة انا هيج كبرياء
