دعيت الله وگلت ياربي فدوه
خليلي بطريقي اشياء تسوه
ورا يومين شفتك حاجي وياي
معرفتك نتيجة دعوة حلوة..
لاتنسون التصويت للقصة
والتعليق بين الفقرات
ومتابعة لحسابي
تشجيعاً الي حته استمر وياكم بالنشر...
~•~•~••~•~•~•~••~•~•~
نفس:
وصل يم طاولتنا وگف ع راسي
وضرب بأيده ع الطاولة بقوة انا فزيت نشلت ونركعت
نزل راسة حطه بوجهي وصار يباوعلي وعيونه كلها حقد وكره
_بكل هدوء مثل الشاطرة كومي امشي وياي
ضليت بمكاني ماتحركت
_مووو جاي احجي وياج كومي لاتخليني اسويج فرجه لامة محمد
نهضت نور من مكانها دفعته عني وگالت:
_ماتولي منا لانخليك احنة فرجه لامه محمد
نتر بنور وخنزر عليها:
_ولييي لاتدفعين لااكسر ايدج ساقطات امهات الكليات
رجع عليه وسحبني من مكاني
واني دموعي صارت تنزل اباوع بالوجوه استنجد بالي موجودين اريدهم يساعدوني
ماريد اروح ويا اموووت وماروح ويا
نور تفتر وراي وحايرة شلون تخلصني منا
نور:
الهوسة گابة بالنادي نَفس وابن عمها يتعاركون
يريدها تجي ويا تطلع من الكليه بس هي قافله
متقبل تروح ويا
والعالم التمو علينه يردون يعرفون شكو ومنو هذا
وهو يصيح ويهوس والدنيا گلبها
بهاي الاثناء دخل الاستاذ علي شافه هيج يسحل
بنفس تخبل اجه عليه يركض
دفعه منها وتعارك ويا بالكلام وهذاك صار يفشر ويغلط ع علي
ونَفس تبجي منهارة،،وانا افتر وراها
علي يسحبها منه وهو لازمها بقوة مايقبل يهدها ومانحس غير
رفعه عن الارض ايد لازمه من ياخه قميصه والايد الثانية من حزام بنطرونه
وشمره ع الجام تفلش الجام بي ووگع جواد بالارض
يجري دم من كل جهات جسمه
نفس والكل صارو يصيحون بصوت عالي من بشاعه المنظر
كان صدمة بالنسبه النه
اجو الحراس والاستاذه الكبار
حاوطو استاذ علي وهو يلهث ويتنفس بسرعة وكل وجهه متعرق
ومخنزر عيونه ع جواد يريد يرجع عليه يضربه
اجه عليه صديقة لزمه وصار يحجي عليه بعصبية:
_علييي شسويت هو هيج
دفعة عنه وصيح عليه:
_وخررر عني متشوفه يريد يأخذها
والله اكسر ايد
يحجي بهستريا وعصبيته مو معقولة يعني مو مال استاذ جامعي
الحراس محاوطينه ولازمي من ايده ثنينهن
وجواد ممدود بالارض ودمايته تجري وهو بعده متحلف بي
انا واكفه يم نفس وحاظنتها وهي ترجف وتبجي
تباوع ع علي
دخلت الشرطة والاسعاف للنادي
الاسعاف راحت لجواد شالته من الارض حطته بالسدية
والشرطة اجت للاستاذ علي يردون يكلبجو
هو نتر ايده منهم وگال بعصبية:
_انا امشي وحدي
