تعال احجيلي شيحلها..
عيونك ماتحبني الفدوه اروحلها!
_تصويت للقصة
_تعليق بين الفقرات
_متابعة للحساب
الكاتبة بنين أيتان
القُبلة المحرمة
•~•~•~••~•~•~•~•~•~•~•~•
نور:
رحت لغرفة الاستاذ علي
_ها استاذ
_تفضلي
دخلت وسديت الباب كعدت ع الكرسي
_نور نفس وين تخلي فلوسها
_شلون يعني
_يعني بمكان تعرفي لو خاص بيها متعرفي
_لا استاذ بجرار گبالي
_ خوش حجي
طلع فلوس من جيبه وقدمهن الي:
_تحطين هذني ويا فلوسها بدون ماتدري
_واذا حست او سألتني
_ماتدرين..شني صعبة عليج
_استاذ هيج هواي تره لو تعرف بينه نفس بعد بخلقتنه متباوع
_قصدج بخلقتي لان اني الي داسوي انتِ معليج
بعد اصرار منه وافقت اخذهن وطلعت
من غرفته
رحت لنَفس لكيتها برا واكفة وتتلبد
اجيت عليها من ورا لزمتها من كتفها هي فزت
واندارت انطت ظهرها ع شارع واني دارتني وياها
_هاي شبيج شكوو
_اششش اسكتي ولاتندارين ابد
_ولج شكوو احجي
_جواد ابن عمي هنا
_شنووو عزة بعينج هذا شلون لگاج
_مادري بس ماشافني شلون هسه وين نروح
_ع هذا وضعنه وامشي من الطريق الثاني الي يطلع للكراج
ومناك نستأجر سيارة ونشرد
_يلا ترا اني تفكير ماعندي هسه نثولت
_كافي ترجفين راح تموتين مايسويلج شي شنو سايبة الدنيا
لزمتها بقوه من ايدها ومشينه من الطريق الثاني
الي يطلع للكراج
نمشي بسرعة ونتلفت ورانا خاف لحكنه هذا المجلوب
هستونه دخلنا للكراج طلعت بوجهنا سيارة كبيرة لون رمادي(رصاصي طوخ)
من وكفت احنه فزينه
بس من نزل الجامة وشفناه استاذ علي ارتاحينه
_شعدجن طالعات منا هذا بس كراج
_اااا اي استاذ علمود نأجر سيارة ونروح الشارع العام بعيد علينا
هو ماقتنع عرفها جذبة مني
باوع ع نفس شافها وجها اصفر من الخوف وتتلفت
رجع باوع عليه وهز راسة وغمز بمعنى شكو
سكتت اني ماجاوبته
_اصعدن اوصلجن
طفرت نفس وگالت:
نفس:لا لا احنه نروح شكراً
علي:شبيج كلت اوصلجن ماأكلجن اصعدن بوية
نور:لا استاذ مانريد نعذبك
علي:هسه انتن داتعذبني اصعدن وخلصني مابيه حيل
باوعت لنفس وهمست بأذنها:
_خلي نصعد ونسلم ع روحنه لا يلگفنه هذا الخبل
منو النه اجانه منقذ أستاذ علي
_مااااريد اورطه وياي لايشوفه ويبتلي ويانه نوب
_شني تصعدن لو تضلن تشاورن
_اي استاذ صاعدين
اخذت نفس اسحل بيها صعدنا ورا ثنينه
هو شغل السيارة ومشى بينه
يباوع بالمراية الي كدامه ع نَفس وهي ولا مهتمة اصلاً بالها مو يمه
بس هو اكلها بنظراته
لحد ماانتبهت عليه هو نزل عيونه ع المراية
رن تلفونه رد عليه كان صوت مرأة واضح:
علي:اي وصلت ومابية شي اتطمني يحبيبتي
