عشت من زغر سنك،ويهلك
اليحبك ليش يتعذب،ويهلك
اغار عليك من تمشي ويا اهلك
لچن ويا الغريب شلون بيه..
لاتنسون التصويت والتعليق بين الفقرات
الكاتبة بنين أيتان
القبلة المحرمة
~•~•~••~•~•~•~•~••~•~•~
علي:
الليلة الي نمت بيها بيوم الخطوبة كانت من اجمل الليالي بحياتي
كل ثانية بيها كانت حلوة وتمنيتها ماتخلص
يارب الكل يعيش شعور فرحتي ويأخذ الانسان الي يحبه ويرتاح ويا
اتصفح بالصور مال الخطوبة وعيوني الفرحة تشع منهن
وگلبي احسه يزهر بكل دگة
اليوم التالي...
كعدت الصبح متحمس اتصل عليه ابو العقارات
متفق ويا قبل بساع علمود محل أيجار بمنطقة الي ساكنين بيها نور ونفس
_ها حجي
_عمي لكيته محل لقطة مايتعوض بس شوية اجارة غالي
_مايهمني السعر عمي بس كون عليه رجل ومرغوب حته يشتغل
_ان شاء الله الرزق ع الله
_جايك انا عمي
نهضت سبحت وبدلت ورحتله شفت المحل وعجبني كلش موقعه ومكانته بنص السوگ يعني يصير عليه حركة بالسوگ
رحت لبيت نفس دكيت الباب طلعلتي خالة جميلة:
_صباح الخير
_صباح العافية
_شلونج حبيبتي
_بشوفتك نعمة تفضل يمه
دخلت كعدتها بصفي وبديت احجيلها ع مخططي:
_خالة انا بالي مشروع يفيدنا احنه ثنينه
انا من كنت صغير احب الطبخ وهسه طبخي طيب وشاطر بكم اكله شعبية
وانتِ معروف عنج بنفسج الطيبة وطبخج فـ انا تركت وظيفتي الي بالكلية وقررت افتح مطعم صغير
اطبخ بي الاكلات الي اعرفها وانتِ وياي هم تطخبين كم اكله ونمشي السوگ ونعيش انا بأذن الله
_يمه انا بيتي هناك ومعاميلي شلون اشتغل هنا
_حبيبتي بعد شعندج راجعة لهناك البيت يصل من البرد وخرابة طينة والمحلات بعيدة عليج
هنا بنتج دتدرس وعايشة وياها هسه انتِ
وانا يمج هنا نشتغل والشغل بغداد زين كلشي تشتغلين تربحين وهسه اكثر شغلتين ماشيات المطعم والملابس
فـ شتكولين ياامي؟
_والله هذا العرض فرصة ماتتعوض بس انا متعودة ع هذيج المنطقة
_متعودة ع الوحدة؟؟ خالتي يصير مايصير انتِ مرأه وحدج وبس نفس تكمل هلسنة نتزوج ونعيش هنا بعد منو الج هناك بالغربة هسه ضلي شعبي من بنتج
وانعل ابو التعويد وين ماكان فتره وتتعودين
نروح نصفي كلشي هناك ونبدي حياة جديدة هنا
يم وليدج وبنتج
ابتسمت براحة وگالت:
_هاي هي انا وراك شتفصل البس وثقتي بيك وبنجاحك كبيرة
_ياروحي انتِ الداعم الاول الي بكلشي متفائل بيج انا
اخذتها ورحت للمحل شافته وعقلت ع كم شغلة نعدلها بي
رحت جبت عمال ينظفو ويرتبو رحت تسوگت اغراض ميز وكراسي كم وحدة
جبت كلشي احتاجة للمطبخ
