چا هاي تاليتي تبعدت..؟
تبتعد عني بوگت تعبانه نفسيتي
كلشي امتلكته الك واولها حريتي
وهذا النطيته الك مو وقتي عافيتي.
لاتنسون التصويت والتعليق بين الفقرات
الكاتبة بنين أيتان
القبلة المحرمة
•~•~•~•~•~•~•~••~•~•~•~
علي:
من بعد ما هجمو علينه عمامها
وطلبو منها تسحب الشكوى انا خفت عليها
اصريت عليها ماتسحبها بس هي شافت عمها فقدت عبالك امير الكويت اجاها
رحنه سحبت الشكوى
ومرت شهرين ع علاقتنه الوضع حلو وكلشي ماشي تمام
لا مشاكل ولا تعب ولا غيرة
قررت اعرض عليها الزواج لان بعد ماتحمل بعدها عني
واريد اخليها گبالي طول الوقت لان اخاف عليها من عمامها ع ساعة يأخذونها ويزوجها لجواد
فـ خليت الفكرة بالي رحت لامها اجس نبضها
قبل ماتبدي الامتحانات رحت لأربيل
وكلت بعد الامتحانات اعرض عليها الزواج حته لا اشتتها بالعرض وتالي تجيب درجات موزينه بسببي
رحت لخالة جميلة وصلت استقبلتني مثل كل مرة
دخلتني وقدمتلي ضيافة بديت احجي بالموضوع:
_خالة لنفترض بنتج تقدملها شخص مثلي توافقين؟
_ياااا يمة اتمنى هيج ربي يحبنه ويكرم علينه بكرمه انا وبنتي ويجيها واحد مثلك
اشو أدب واخلاق وشهادة وجمال كل شيم الرجولة بيك
بس وين يايمة عمامها ورانه ويطول غطانه
_انا اشكرج حبيبتي ان شاء الله يقدملكم الي بي خير
اريد اتقدم لحبيبتي اندعيلي توافق واجي اخذج تخطبيها رسمي
_ان شاء الله يحبيبي ربي يسعدك
بعد ما سمعت ردة فعلها عليه تطمنت هو انا اصلا متطمن من ناحيتها بس ردت اتأكد
بعد بقه بس نفس اذا عرضت عليها ووافقت فـ اخطبها من امها رسمياً
وبالعطلة نزوج
رجعت وانا افكار العرس والعرض ماتروح من بالي
اخطط هواي اشياء بالي
رحتلها للبيت شفتها اليوم كله ماشفتها
_مشتاقلج ينفسي
_وانا هم الكلية فارغة بدونك
سولفنه شوية وراحت تجيبلي شي اكله مددت ع التخم وماحسيت ع نفسي من غفيت
فزيت ع صوت تلفوني يدگ فتحت عيوني هي واكفه فوك راسي تشوف منو ديتصل
باوعت شفته احمد رديت عليه:
_ها خوية
_وين انت بعدك بأربيل
_لا رجعت وهسه يم نفس
_ها يلا اخذ راحتك لعد
سديته منه وشفت نفسي متغطي بشرشف:
_هاي شنو مغطيني فوگاها دكعدوني كليلي روح لبيتك
_ليش
_لا يروحي ماريد اجيبلكم حجاية
_ضل كمل نومتك شيرجعك هسه للبيت
نهضت اعدل بملابسي واحجي وياها:
_لا يبوية كليلي روح هم يلا انطي العلاج لابوي وانام باجر عدنا امتحان ووكفه طويلة
_ماشي الله يقويك ديربالك من الطريق
