من گلت احب عينك
گلت حاجو بربه بدينهَ
شتحبهن شتحبهن،،يطرك فلك
الشايل عيونك ولك هم تحلى عين بعينه؟..
هذا الشعر أيضا من اختيار الاستاذ علي..
واضح حبه للعيون مو؟
_تصويت للقصة
_تعليق بين الفقرات
_متابعة للحساب
الكاتبة بنين أيتان
القُبلة المحرمة
~•~•~•~••~~••~•~•~•~••~•~•
علي:
_انا راح احجي العرض واطلع بس متأكد قبل لا اطلع
راح توافقيني
هي صفنت بوجهي وسكتت ماحجت منتظرتني اگول العرض:
علي:العرض هوَ ترجعين تدوامين بالكلية وكأنو كلشي ماصار
نَفس:واذا ماداومت؟
علي:سجلج يقفل بالشمع الاحمر اخلي بعد كل كلية ماتلفيج
زين عيني فـ ترجعين هسه احسن الج
طولت نظر بوجها وبعيونها وبعدين صحت لنور:
_نووور
اجت نور بسرعة:
_ها
_باجر تجيبها وياج والا ادز بأيدج سجلها تعلكي هنا گبالها بالحايط
_صار استاذ
_يلا تصبحون ع خير
_بسلامة استاذ
نفس:
گال هذا كلامه واني صافنة عليه
هذا امكانية بفرض رأيه وتنفيذه شحجي ويا هسه بله
كمل كلامه ويا نور وباوع عليه
لثواني وطلع
التفتت ع نور وگلت بتعجب:
_هذا شنوو منين طلعلي
_تعاي حضري محاظرات اليوم
وباجر حته نداوم
_بعد اكو أمر تفرضو عليه؟
سكتت ماجاوبتني
تعشينه وخلصنه وطلعنا الملازم والكتب
وكعدنا ندرس
اني ونور
اليوم التالي...
كعدنا الصبح اني ونور بدلنا
وطلعنا مانسوي ريوگ نتعاجز وحدة تذبها ع اللخ
رحت ع مصرفي طلعت منه 7 الف
ورجعته اخاف عليه يخلص
اجتي نور شافتني احسب بيهن:
_هاي شنو رجعيهن اني انطيج من تحتاجين
_ماتنجبين شنو احنه اطفال بمدرسة
كلمن تصرف ع نفسها واذا تحتاجين انتِ كليلي انطيج
_ع كيفج عيني يلا انطيني 15 الف
_هسه ماعندي من يصير عندي انطيج تدللين
_ههههه جلبة هي كوه يلا امشي تأخرنا
طلعنا من الشقة شفنه عمو امين
سلمنه عليه
ومشينه للشارع العام حته نأجر كيه توصلنه لان التكسي غالي
الكيه ارخصلنه.
وصلنه للكلية
دخلنا افترينا بالسنتر اني ضجت اخذتها ورحنه
لشعبتنه
كعدنا بمكانه وصرنا نسولف
اندار علينه ولد كاعد بالمقعد الي گدامنه:
_سوري سمعت حديثكم بالغلط انتو اقسام؟
ردت عليه نور بنتر:
_لا مو اقسام شقة
