مـَو تعَودني عَليك و تمشي منيَّ
خَـل أگُلك كُلشي عني
آنه طيَب مـا أنام مـَن أسمع حچايه تغثني چي وفي محد فهَمني
آنه يمَكن رقَم واحَد بلـَ حزن بـَس جاي اكَابر
الوطَن خلص شَبابَ المَنطقه و خلانيّ حَاير.
_متابعة للحساب
_تصويت للقصة
_تعليق بين الفقرات
الكاتبة بنين أيتان
القبلة المحرمة
~•~•~••~•~•~•~••~•~•~•~
نَفس:
اخذت تلفوني وكعدت بالبالكونه اتصفح بي
دخلت ع الواتساب شفته حاط ستوري
صورته وكاتب عليها شعر هو يحبه وكل مرة يكوله بنبرة حلوة كلها احساس:
(خايب يامتعبني تدري الفرحة بيهَ شلون من المثلك يحبني؟!)
وقفت الصورة ضليت صافنة بيها شوية
لابس تشيرت نص ردان لونه اسود وفوكاه قميص لون سمائي مفتوح ازراره
وبنطرون اسود
وواگف يم سياج حديد وحوله شجر بيت اهله
الصورة كلش حلوة
سويتلها سكرين حفظتها يمي ورجعت قريت الشعر
هل مرة بدون تدخل مني
تصرف گلبي بالموضوع وانا مطاوعته بتصرفه
رديت ع الستوري كتبتله وانا ايدي ترجف:
_أحبكَ أني.
دزيت الرسالة وضليت ارجف ومتوترة گلبي يدك سريع
فتح الرسالة قرأها بس مارد عليه
طلع من الواتساب اصلاً
انا هنا تعصبت وفار دمي
دخلت للشقة تعاركت ويا نور:
_كله من وراج خليتي اعترفله وتالي لبسني
وين كرامتي بله دوريها جوه الجرباية
_شبيج هيوو شكو
_اعترفت لعلي كتله احبك وهو شافها ومارد عليه
_عليج الله صدك
_اي
_ليش ماكتيلي
_ع شنو
_انو تحبي جا غير تعرفيلي انا بالاول نوب تبدين بعلي
_شنو انتِ ناصبة عليه جاي اكلج علسني مارد وانتِ تكولين ليش ماكتيلي
نهضت من مكانها حضنتني وباوستني:
_فرحانتلج بكد الدنيا تستاهل كل الحب والخير
_حبيبتي انتِ،،بس شنو فايدة مارد عليه بعده ضايج مني
حجيت هيج وبوزت شفتي السفلية ودنگت راسي
هي رفعت راسي وگالت:
_لا مستحيل علي مايسويها اكيد مصدوم هسه لو فقد الوعي من الصدمة بس يكعدونه يرد عليج
_ههههه ماريده يرد عليه اصلا مدري شلون راح اداوم باجر بدي الف نفسي بطانية واروح حته مايشوفني
_حته يگلج ملثم من تمر ماعرفك تريد
ويسحب البطانية عنج وتصير فضيحتنه فضحية الموسم
ضحكت وسكتت عنها رجعت هي تدرس
انا كعدت يمها كل شوي اباوع لرسالة وتلفوني ع أمل يرد عليه
