مُنذ البداية
كُنت اعرفُ أنني سأحبك ..
وهـا أنا الأن -
امرأة يفَيضُ الحُبّ مـن عَينيها .
لاتنسون التصويت والتعليق بين الفقرات
الكاتبة بنين أيتان
القبلة المحرمة
حسابي الانستا baneen_etan
~•~•~••~•~•~•~•~•~•~•~•~•~•
نور:
من بعد اصرار نفس الكثير حته تروح للعزاء مال عمها
وافق علي تروح بس هو يأخذها
وانا اروح وياها
اخذنه ورحنه الطريق كله هي تبجي ع عمها وعلي يسكت بيها
بعد ساعات طويله واحنه بطريق وصلنه لشاعرهم وگف علي بعيد عن بيتهم وگال:
علي:راح ننزل انتظرج بالباب 5 دقايق تسلمين ع جدتج وعماتج وتجين واذا صارت 5 وثانية يانفس تره اطب لجوه واطلعج بأيدي گدام العالم
نفس:اذا دخلت والله ماتخلص مني
علي: لعد ع اتفاقنه
هزت براسها بمعنى اي
حرك السيارة ودخلنه لشارعهم كان متروس سيارات وجادر منصوب دخل السيارة مالته بيناتهم والكل صارو يباوعوله
وقف السيارة ونزل منها يباوع بوجه الكل وهم مخنزرين عليه
هو مامهتم اجه ع جهة نفس فتح الباب نزلت فتح الباب الي نزلت
حجه ويا نفس بصوت ناصي وصاها ع نفسها طلع تلفونه اتصل عليه استغربت باوعتله گال:
_افتحي خط وخلي مفتوح لحد ماتطلعن
هزيت براسي بمعنى اي واخذتها ودخلنه هو ضل واكف برا يم السيارة
استقبلنه نسوان بالطارمة ديطبخن
دخلنه للاستقبال نفس لزمت ايدي وكفنه باب الاستقبال
الكل صارن يباوعلنه
شافتنه وحده من بعيد ونهضت عسريع اجت يمنه تصيح:
_شجابج لهنا شلون عيون صلفة امشي اطلعي امشييي
نفس:عمه اجيت...
قاطعتها وگالت بنتر:
_عمه العماج امشييي اطلعي
نفس:جدتي وين اريد اعزيها واطلع
_ماكو احد راحو للدفن
نفس:انتظرهم عادي
بعدهن ديحجن دخلت مجموعة نسوان يصيحن ويلطمن
دفعنه ودخلن للاستقبال راحت نفس لجدتها الي كعدت بنص الاستقبال والنسوان حولها
راحتلها دنگت عليها بوستها وحجت وياها هي الجدة ساكته بس تباوعلها بتركيز
كملت نفس كلامها ونهضت اجت يمي:
_يلا نطلع
لزمتني من ايدي ودافعنه ويا النسوان وطلعنه
حطيت التلفون ع أذني وحجيت ويا علي:
_استاذ احنه طلعنه
_ماشي يابة
وصلنه للباب البيت هو مفتوح نريد نطلع فزينه من صار بوجها جواد
مركز عيونه بشرانيه ع نفس دخل وسد الباب
نفس لزمت ايدي بقوه وصرنا نرجع ليوراوهمست بأذاني:
نفس:احجي شي خلي يسمعنه علي ويجينه
