انه نطيتج وعد واخذي كلمتي
مهما صار احط بيدج حلقتي
زلمة وماانثي حجايتي عگال
اكشخي وكولي ابو بيتي ولزمتي
جبت عمري ولا اهتم لليروح
بس يمج ولا اضحي بفرصتي
الظروف تهون بس لا دمعج يهون
مهما صار احط بيدج حلقتي...
لاتنسون التصويت والتعليق بين الفقرات حبايب قلبي
الكاتبة بنين أيتان
القبلة المحرمة
~•~••~•~•~•~•~••~•~•~•~•
نَفس:
طلعنه من الجزيرة مشينه مسافة علي توتر
وصار يباوع ع المرايات والسيارة طارت
سألته گلي ماكو شي
باوعت ليوره شفت سيارتين كبار ولمحت بيها عمامي
وولدهم
انا شفتهم لو تخبلت اريد اسيطر ع نفسي واحجي بعد ماكدر
لزمت ايد علي وشديت عليها بقوة وصحت بصوت مفزوع وخايفة:
نفس:علييي هذول عمامي وولدهم راح يأخذوني ماريد اروح وياهممم لاتوكف فدوه.
هو سمعني كلت هيج اندار عليهم شافهم
ورجع باوعلي تغير لون وجهه وتوترت بالزايد:
علي:لاتخافين بوية يمددوني جثة بالارض يلا يأخذوج
غيرج هيج ماكو واحد خلقة الله يمد ايدج عليج
نفس:ماتكدرلهم علي ماتكدر امشي حيل ضعيهم حباب
هو طاير بسيارة دخل بشارع كله عثرات تخضخضنه بي
طلع موبايله خابر ع احمد:
احمد:علي وين انت بيكم شي
علي:لا مابينه شي
احمد:وين انت خلي اجيك
علي:لا لتجي اخذ نور وروح
احمد:مخبل انت تكلي وين لو اتصرف وحدي
سده علي منه وخابر ع الشرطة وصفلهم المكان
بعده يحجي وياهم حاوطتنه السيارات من جهتين
يريد يطلع بعد مايكدر
نزلو منها ولد عمي اربعة رفعو اسلحتهم علينه
ونزلو عمامي ثنين اجو بأتجاهنه
فتح الچكمچة الي يمي وطلع منها مسدس سحب اقسام
ونزللهم وانا ضليت بالسيارة قفلها عليه
رفع مسدسه بأتجاهم وصار يصيح عليهم
انا ضليت الوب وجسمي كله يرجف
التمو كلهم حوله وهو وحده بنصهم رافع المسدس مصوبة ع عمي ويحجي وياهم
بعصبية وشرايين كصته ورگبته بارزات
اجه عليه ايهاب(ابن عمي)وحط الرشاشة ع جامة السيارة
علي التفت عليه وصوب المسدس بأتجاهه وگام يصيح وراد يجي عليه يبعده عن السيارة
بس هم اندارو عليه ولزمو من اديه ثنينهم
ماسمعت شنو حاجاهم فلتو اديه واجه بأتجاهي
فتح الباب ولزمني من ايدي نزلني من السيارة:
علي:نزلي بوية لاتخافين انا يمج
انا لزمت ايده راح الخوف مني حسيت نفسي بأمان صدك
لاذني وراه حطني ولازم ايدي بقوة والايد الثانية بيها المسدس
هم اجو عليه بتهجم رفع المسدس عليهم وصاح:
علي:ارجعععع ارجعع لمكانك لا افرغه براسك
احجي من بعيد
صاح عمي عليهم كلهم وكفو:
_احنه اجينه لهنا مو بحالج ولا نريد نرجعج يمنه
لان وحده ساقطة مثلج بعد ماتشرفنه نخاف ندخلها بيتنه تعلم بناتنه مثلها
