بعد ماراح اشوفك وانتَ تدعيلي
ولا تتغزل بصوتي وتفاصيلي
هو الماخذك مو مايحبك حيل
ليش شوية منك مايبقيلي؟!..
لاتنسون التصويت والتعليق بين الفقرات
الكاتبة بنين أيتان
القبلة المحرمة
•~•~•~•~•~•~••~•~•~•~~•
علي:
بعد ماطلعت من الكلية واعصابي ناااار
بحيث عيوني من اغمضهن مثل الجمر من كلامها
صعدت بسيارتي وطرت بيها وجنت أتمنى لو اموووت بهل لحظة
بس ماحصل الي اتمناه مثل العادة
ربي كاتبلي عمر جديد
ماعندي مكان اهرب اله غير أمي جميلة
رحتلها وبعد ساعات وانا بالطريق اتذكر كلامها وروحي تسعر نااار
شلون گدرت تگلي هيج
كلشي سويته الها وقدمته هيج اتجازه
كل شوية انزل اغسل وجهي بمي بارد
واتنفس بقوة،، مختنگ الهوى الي بدنيا كله مامكفيني
كعدت ع المصطبة بشارع منزل راسي يم رجليه وحاط ايدي ع راسي
اجاني طفل يبيع جكاير،،
_عمو جكارة؟
رفعت راسي عليه وگلت:
_لا حبيبي مادخن
_جربها والله طيبة تريحك
_شنو انت مجربها
_شمصبرني ع هذا التعب لما هي
_انت بعدك طفل وهيج مهموم شبيك
_كلشي بيه عمو كلشي
_حبيبي الله يقويك ويحفظك
_هسه تشتري جكاير لو لا
_يلا مااكسر بيك
طلعت 10 الف وانطيته:
_هاي هواي عمو هو باكيت ب500
_اخذها هاي اليوم روح ارتاح لا تبيع شي،وانا ماريد جكاير مادخن حبيبي
_بس جربها عمو واندعيلي والله ترتاح.
فتح الباكيت وطلع جكارة وورثها وقدمها الي
اخذتها منه سحبت منها نفس بقوة يمكن نصها خلصت بنفس واحد
_مو هيج عمو تختنگ ع كيفيك
انا ماانصح بيها ولا راح امدحها وكانت تجربة فاشلة بس لحظه ضعف وجربتها
صرت اسحب مرة بعد مرة لحد ماخلصت
ذبيتها والولد راح
رحت ركبت بسيارة وكملت طريقي
وصرت كل شوية اورث وحده
لحد ما وصلت لبيت خالة جميلة المغرب هنا شوية احس روحي ترتاح
بس استحي اروحلها من اني مهموم
هسه تگول عليه بس من يضوج يجيني ويذب ضوجته يمي ويروح
ضليت شوية بسيارة اصفن
شفتها اجت من بعيد تمشي وشايله بأيدها علاليگ صغار
نزلتلها رحت شافتني الگاع ماوسعتها من الفرحة
عيونها صارت تلمع
وذبت العلاليگ من ايدها بالارض وفتحت ايدها تتلاگاني:
_يمه هلا بوليدي،،هلا بعزيز روحي
وصلت يمها نزلت عليها لمتني بحظنها انا الغصة صارت بلعومي
بستها من راسها ومن ايدها وهي باستني بخدي وگلتلي بحنية:
_شبيك يايمه؟
هي كلتلي هيج وانا الدموع تغلغلت بعيوني اريد احجي بعد مااكدر:
جميلة:يمةة عمت عيني هاي العيون الحلوة ذبلانة ومدمعة شبيك
طلعت الباكيت سحبت جكارة ورثتها:
جميلة:السالفة صاير بيها جكاير امشينه للبيت وتكعد تحجيلي
