اكبر خط علي بخطوطنه الحمره
علي مراية محمد وتربية جبريل
يفرق ع المري ماكو اسود بضهره
ضاجوا بسمه محلف حقهم اسمه هواي
نحلف بالطيور العده بالحضرة
هذا الشعر من اختيار استاذ علي:
(رسبت بكل الأشياء وتخرجت بحب علي)
لاتنسون التصويت والتعليق بين الفقرات
الكاتبة بنين أيتان
القبلة المحرمة
~•~•~•~•~•~••~•~•~•~•~
علي:
طلعت من بيت جميلة
لليل وصلت للبيت لكيت احمد كاعد برا ويخابر بنور
اجيت كعدت يمه سده منها وصار يسولف وياي:
علي: انا اسف خوية صيحت عليك قبل كم يوم بس والله من عصبيتي ماشوف گدامي بعد
احمد:لا يخيي ماازعل عليك انا واعرف وضعك
والله كاسر ظهري انت يخوية
دنگت راسي وسكتت ماحجيت شي
ضرب ع رجلي بخفة وگال:
_تنسي وتصير سوالف وعيونك
_ياريتها بهل سهولة هاي
عفته ورحت دخلت لغرفتي سبحت وبدلت
وتمددت ع الجرباية اتصفح بتلفون اتصل عليه رقم غريب رديت عليه
_الوو
_هلو
_منو
_استاذ ممكن احجي وياك بموضوع
_منو انتِ
_انا اطياف
_وشكو تتصلين عليه بهيج وقت اطياف منين جبتي رقمي
_ع كيفك استاذ شدعوه قابل اجيتك للبيت
_هم عايزج والله،،المهم احجي تريدين شي
_اريدك انت
_شون عيني؟
_انا معجبة بيك وماكدر اسيطر ع مشاعري من اشوفك
وبعد هذا الكلام الي كتله اتمنى تبادلني نفس الشعور
لان بعد مستحيل اضل اداوم بالكلية وبمحاظرتك وانا معترفتلك
_خلصتي؟
_اي نعم ومتحسمة لردك
_روحي تغطي زين ونامي هاي احلامج نص اردان لان تنامين مكشفة زين عيني يلا بتي يلا
_استاذ ....
قاطعت كلامها وحجيت بعصبية:
_اطيااااف حجي زايد ماريد وراح اعتبر نفسي ماسمعت هيج كلام حته لاتنحرمين من دراستج
_لا خاف انا احرمك من دراستك
_جربي وخلي ارويج شخصياتي المخفية شتسوي
ثقي واعتقدي شاربي مو عليه اذا خليتج تحطين عينج بعين احد
ديربالج مني لاتشوفيني سبورت واضحك عبالج خنيث
خوفج من البحر الهادئ
_دتهددني حضرتك
_اعتبري تهديد حته بعد ماتجرأين وتجبرين واحد يحبج غصبن وبتهديد
سديته وشمرت التلفون ع جهة ومادري شوكت نمت
كعدت الصبح رحت ركضت شوية رياضة من الصبح
رجعت سبحت وبدلت وطلعت للسوگ اشتريت كتب
وخلصت العطلة اغلبها انا بالبيت اقرأ كتب
اجه الاسبوع الثاني والمفروض اروح بي لخالة جميلة
بس مارحت لان نَفس هناك
مرت الايام وانا اغلب وقتي بالبيت التفكير يأكل بروحي عقلي متشوش مااتقرب يم كل بشر ولا احجي ويا كلشي مامتقبل بحياتي تعبت منها
خابرتني خالة جميلة تسأل عني كذبت عليها كتلها مشغول
وانا بالاصح ماريد اشوف نفس انهااار واضعف وكلشي يصير بيه بأن واحد
