خلي عينك بعيني
وأبد لا تحچي أنه أحچيلك
شناقصني وأنعاف بوكت؟
رادوني أعوفك كل هلي !
ولاگوني جاي أدعيلك
خليني أذكرك بالمضى بميلادي
كلهم صفگوا
شعلوا شموع وهلهلو
وبدموعي طفيت الشمع
ساعتها چنت ابچيلك .
_متابعة للحساب
_تصويت للقصة
_تعليق بين الفقرات
الكاتبة بنين أيتان
القبلة المحرمة
~•~•~••~•~•~•~••~•~•~
نفس:
شفت نور تتعارك بالكلام هي وغيث بعد ماسمعته كلام قاسي عافها وراح،،سحبتها وصحت بيها:
_شبيج نور هو هذا اسلوب
_خلي يولي شكو جاي لهنا نوب لاحگنه
عفتها ورحت نزلت ورا غيث اريد اعرف شيريد جاي
ونقهرت عليه لان طردته نور
نزلت الدرج كله وصلت للبوابة وصحت غيث اوكف
هو وكف واندار عليه
_روحي ارجعي خلص ماكو داعي تعتذرين بدالها
_شكو صاير شي
_لا بس شقتي الحنفية طگت بيها والمجاري طفحت
وصاحب الشقة طردني منها كلها
وضليت حاير بهذا الليل وين اروح فـ اجيت يمكم
كلت بلكي تأجرولي غرفة حته لو بالصالة بس اكضي الليلة
وباجر اشوف شقة غيرها
صفنت عليه شوية افكر بالموضوع براسي
ماهان عليه اعوفه بشارع يدور ع شقة ودنيا ليل
ولا كدرت ادخله الشقة واحنه بنات وحدنه
تجي عليه حجاية او يسمع علي يتخبل
قاطع تفكيري صوته وهو ضايج:
_لا تفكيرين نفس ولا يمهج هسه ادور ع مكان انام بي لحد مايصير الصبح
عافني وراح مشى مسافة وصحت وراه:
_غيييث تعال
التفت عليه واجه تقرب:
_ها
_اكضي الليله هنا وباجر روح دور ع شقة
مادام سبت وعطلة
_تمام ثانكيو يعمري ماقصرتي
اجه وراي دخلنه للشقة شافته نور تخبلت
صارت تحجي عليه اخذتها ورحت للغرفة نتناقش بهدوء لايسمعنه عيب يعتبر ضيف
_انااا ماعرف الهدوء وماريد ضيوف شنو جايبته يمنه نفس يصير مايصير شنكول للعالم
_مانكول شي ماعليها العالم الولد بس الليله هنا باجر يدور ع شقة ويكعد
_شني ماكو فنادق يروح يكضي الليله بي
_نور نجبي دخيلك تعبتني
_اذا سمع علي يفضحنه فضيحة
_مايسمع اذا انتِ ماكتلي ماراح يمسع
_شنو يعني
_يعني ماراح تكولين شي ولا نخلي يجي لهنا
هو اكيد مايجي مشغول ويا ست الحسن نسرين
_بس الليلة عبريها دخيلج
سكتت ماجت وضلت مطنكرة وكاعدة بالغرفة ماطلعت منها بعد
انا انطيت فراش لغيث نام ع التخم
رحت لغرفتنه انا ونور دخلت وقفلت الباب الحذر واجب
الصبح كعدت طلعت من الغرفة لكيته ماموجود
عبالي راح يدور ع شقة تالي شوية ورن الجرس
فتحت الباب غيث جايب علاليگ ويا:
_صباحو يعمري
اخذهن وراح للمطبخ يحضر بالريوك
طلع اجبان وكيمر ومربى من العلاكة رتبهن بالصينية
والجاي مخدرة وعايفة ع نار هادئة طفه عنه النار
وجاب الصينية واجه حطها بالارض وكعد
_يلا تعاي والله خوش ريوك يفوتج
