أمر الله عصيته والك نفذته..
وعصيت امي علمودك
وانتَ ذاك انتَ)؛
_تصويت للقصة
_تعليق بين الفقرات
_متابعة للحساب
الكاتبة بنين أيتان
القُبلة المحرمة
___________________________
ملاحظة/حبيباتي الابطال من الغربية(محافظات الشمال)
يعني لهجتهم تختلف عن لهجتنه و(لهجتي)بذات واني كلشي ماعرف بلهجه اهل الغربية مع احترامي الهم والكل ع راسي
فـ لحته مااظلم اللهجه واقلل من قيمتها اتفقت ويا الابطال السرد راح يكون بلهجتي اني
حته اني افتهم وانتو تفتهمون وحلاً للنزاع
اتمنى لكم قراءة ممتعة❤️
__________________________
نفس:
بيوم كان ممطر ومغيم وبرد
كعدت ع صوت امي وهي تصحيني حته اروح اول يوم دوام بالكلية
طبعا بهذا اليوم اني فرحتي ماتنوصف
والدنيا ماواسعتني
_يلا يايمه نهضي وراج طريق طويل شوكت توصلين
نهضت واني اتمغط ماشابعه نوم
_هاي سوالف نور ليل كله تلغي وياج وماتنامين من وقت
_ماما نور شعليها اني وياها كنا دنتفق شنو نلبس وين نلتقي
_نفس يمه الشقة الي اجرتنها أمان يمه تره اني گلبي يضل نار عليجن
_اي ماما خالة ام نور هي تكفلت بالموضوع تعرفين بنتها هم وياي وتخاف عليها
وكلشي يصير ويانه حارس البنايه يتواصل وياها
شنو سالفة
تره امان الدنيه
_مادري احس خايفة عليج گلبي ماينطيني اعوفج وحدج بمحافظة غريبة عليج وماكو عرف النه بيها
_هو وين اكو النه عرف بمكان حته يكون النه بالمحافظات
عافتني وطلعت اني رحت سبحت وبدلت
شسورت شعري هو قصير واصل لنص ظهري
لبست طقم لون رصاصي(ستره وكيلوت) وجواه بدي لون اسود
وحذاء رياضي اسود
ماحب الكعب
واكسسورات عاديه بسيطة
وشعري نثرته ع اكتافي وظهري للعلم(انا مو محجبه)
تعطرت ترست الدنيا بالعطر واخذت جنطتي وغراضي
وطلعت
لكيت ماما تحضر الريوك
كعدت اكلت شويه وهي تسولف وياي
_هذا مصرف الج مال اسبوع شوفي يكفيج
قدمته الي حاطته بظرف
اخذته منها فتحته لكيت بي 50 الف
باوعتلها هي مستهضمه لان قليلات
رجعتهن الها واردفت:
_ماما منيلج هذني انتِ شغلج يادوب يطلع 10 الف باليوم
_الله موجود اخذيهن وسكتي
_ماما مااخذهن الا تكولين منيلج
_نَفس اخذيهن ولا تسأليني شي افتهمتي معليج منيلي
_مااخذهن ولا اروح للكلية بطلت
نهضت من الاكل اريد ادخل للغرفة گالت:
_ام نور عدها صديقتها موظفه وياها
تريد تنظف وتفرش البيت مالتها فراش شتوي
وهي متلحگ فـ رايده منها وحده امينة تنظفلها مقابل مبلغ بسيط
وام نور گايلتها عليه المرأه قبلت
ورحت نظفت بيتها البارحة وانطتني هذا المبلغ
