جبت عمرك تبتعد وانا اقترب
وذاب روحي بحجة يضحي اليحب
ومستغلني وبيّة مابيّة اعتنيّك
اطلب هدوم ومواعيدك چذب .
_متابعة للحساب
_تصويت للقصة
_تعليق بين الفقرات
الكاتبة بنين أيتان
القبلة المحرمة
~•~••~•~•~•~•~•~•~•~•~
علي:
من رجعت من خالة جميلة ثاني يوم الصبح
دورت ع معالج نفسي
وصرت ابحث واشوف شهاداته اقتنعت بواحد حجزت يمه
جهزت نفسي العصر ورحتله بدون مااحد يعرف
وصلت دخلوني بسرعة لان حاجز:
_تفضل
كعدت للدكتور سولفتله قصتي والشي الي اعاني منه
وهو يستمعلي وأحياناً يسجل كلمات بسيطة بدفتر
علي:دكتور قصتي ومابيها انا بعمر ال7 سنوات واخوي 9
والدي كان ضابط بالجيش العراقي واغلب وقته بدوام
بيوم من الايام والدي نزل مجاز وامي ماتدري بهذا اليوم نزلته فـ وصل للبيت لگاها هي وعشيقها السابق
بيته دتخونه ع فراشه ابوي ماكدر يلزم اعصابه وبشاعة المنظر الي شافه سحب مسدسة قتل عشيقها وقتلها ولان كان يحبها لحد الجنون وماتحمل الموقف
ضرب نفسه من جهة البطن والرصاصة لان قريبه عبرت ع الظهر للعامود الفقري تمركزت بي
احنه امي جانت دازتنه للمنتزه الي بالمنطقة نلعب ويا اصدقائنه انا اجيت اركض اريد ادخل للحمام
توقفت ع صوت ابوي يصيح ويغلط عليهم
ضليت اراقب بيهم من بعيد لحد ماابوي قتلهم وقتل نفسه
انا ماكدر ادافع عن امي خفت لا يضبرني وياها
وماكانت اعرف شنو ديصير بوقتها طفل ماعرف حته الخيانة شنو
امي نازعت الموت كدامي وابوي طاح من طوله كدامي
رحت صحت لاخوي مفزوع اجه اخوي شوية اعرف مني
راح صاح لعمامي بشارع الثاني قريبين علينه
نقلو ابوي للمستشفى واحنه ضلينه يم ابوي
اما امي وعشيقها مانعرف منو اخذهم وين دفنوهم
ضلينه يم ابوي لحد ماصار زين بس نشل وخسر مهنته
ضلينه نداري بي لحد يومك هذا
وغيرنا محافظتنه بطلب منه هو ماراد يضل كدام العالم ذليل
حته اخوته مارادهم ولا ضل يمهم
اخذنه من اربيل جابنه لبغداد
وبدأنا حياة جديدة جاب مساعدين اله والنه بالبيت عائله
كاملة رجل ومرته وابنه
بس ابوي مافديوم سكت كل الوقت يحذرنه من النسوان
ويكول الكل خاينات ومايحبن بس نفسهن
وزرع الكره والحقد تجاه النساء بداخلنه انا واخوي
خلانه مانثق بكل بشر ع وجهه الارض
الكل صارو خاينين وغدارين بنظر ابوي
وزرع هلشي بينه
واحنه ماتأثرين بكلامه كلش
لحد مااخوي كسر هذا التأثير وحب بنت ويا بالمعهد التدريسي
وتزوجها برغم رفض ابوي القاطع وطرده من البيت راح تزوج بغير منطقة عنه
وگاله هي تختلف عن النساء وانا اثق بيها انت معليك بينه
وحاول يبني حياته بعيداً عن خرافات ابوي
بس مع الاسف كلام ابوي طلع صح وزوجة اخوي خانته وتكرر نفس الموقف الي صار قبل سنين لابوي
صار لاخوي
وهم اخوي ماتحمل بشاعة المنظر بس ماقتلها حته لا ابنه ينذل مثلنه من نذلينه من ابوي قتل امي وضلينه مشردين ببيوت عمامي كل يوم بيت
عافها ع خيانتها وراح ركب سيارته يمشي بيها 400 سرعة
ودخل بالحايط هو والسيارة صارت عبارة عن قطع صغيرة
واخوي ماطلعنه منه بس جنسيته الباقي كله نمرد بالسيارة
سوا هيج لان ماكدر يتحمل لوم ابوي اله
والناس والعار الي مايخلص لانه احنه عائله منحوسه
لعنة الخيانة تفتر ورانه
