سِدْرَةِ:شلونك ؟
بالتراب شلون كَاضيها ؟
هيج بصُورتك ضليت احاجيها .
المفروض الوَرد يندفن بالبُستان .
شجابك للكُبور شَعرفك بيها ؟
يَابو ضحكة الحلوه هِاي تاليـها.
لاتنسون التصويت والتعليق بين الفقرات
الكاتبة بنين أيتان
القبلة المحرمة
~•~•~•~••~•~•~•~••~•~•~
نور:
وصلنه للمشتشفى دخلت جسمي كله يرجف وعيوني تتنقل بالمكان اريد اشوف علي لو احمد
رحت للأستعلامات سألتهم دلوني بالمكان
اجيت لخالتي لزمتها من ايدها بقوه وجبتها واجيت
دنمشي بالممر شفت احمد كاعد ع رجليه وحاط راسه بين رجليه ويبجي واكفين بمسافة عنه شرطة
اجيتله اركض نزلت بمستواه وصرت ارفع بوجهه اريده يحجيلي شصار:
_احمددد احجي شصاررر نفس وين عليي وين
رفع وجهه باوع لخالتي واجه يمها لزمها بقوه وكلها:
احمد:البقية بحياتج يمه بنتج نفس انتقلت الى رحمة ربها
بهتت ملامح خالتي وصرخت بصوت رج كلوبنا رج
ولطمت ع وجها وعيونها:
جميلة:يمةةةةةة،،،يمةةةة
كالت هيج واغمى عليها بحضن احمد وكعت صاح للممرضين يجيبون سدية
ونقلوها للغرفة
مادري شصار بيها بعد
انا فاصلة عن العالم صوت احمد يرن بأذني من كال لخالتي
حسيت روحي راحت
رجليه بعد متحملني ماصدكت بي مامعقولة كلت نفس ماتعوفني ماتعوف اخيتها وحيدة
مقابيلي صايرة غرفة عمليات بابها مفتوح واكفين يمها شرطة
ركضت عليها دخلت ووگعت ع ركبي انهاريت بالبجي من شفت نفس مددة ع السدية والاجهزة مفصولة عنها
ومغطين وجها بشرشف ابيض
ومدد بصفها علي طول بطول ومغطي وجهه ونص جمسه وياها بالشرشف ويبجي ويناشغ صوت البجي مالته يفطر الحجر
حطيت ايدي ع حلگي وصرت اصرخ:
نور:لااااااا لاااا ولج شلون تعوفيني
شلوننننن انا منو الي هنا عفت كلشي وراي واجيت وياج
ليششش تعوفيني
عفت امي وابوي ومنطقتي وجبت عمري كله رجلي ع رجلج
انا وحيده ماعندي اخت انتِ اخيتي
شلوننننن نطاج كلبج تعوفيني
صار صوت بجي علي واضح ويحجي وياها وهو نايم بصفها:
علي:دتسمعيها كومي بوية لخاطرها نور شلون تكدر تكمل بدونج انتِ مو تحبيها كومي بوية لاتلوعينه كومي
بعد مابيه نهد حيلي
انا من سمعته نوب زدت بالبجي وملخت روحي دگ ولطم وصياح
اجاني احمد لزم اديه وانا ادفع بي واضربه بس هو ماحجة شي ولا وخر عني ضل لازمني وانا انتهيتتتت
دفعت احمد مني وگمت رحتلها وهي مدده ع السدية
وخرت الشرشف من وجها وصرت اهز بيها اريدها تكعد:
نور:جبت امج واجيت تريد تشوفج كومي يحبيبتي هاي امج وياي كلساع تكول كلبي طاگ ع بنيتي اريد اشوفها
ولج خليتنه كلنه وحيدين انا وامج وعلي
المن عفتينه منو النه احنه بعد
