طب أخلص من السلسلة دى إزاى نهائى ومن شرها؟؟
هفاف/ لازم تندفن مع مليكة بعد ماتنكسر 4 أجزاء وبشرط لازم مراد إللى يكسرها بإيدة وأنتى إللى تدفنيها.
مريم/ طب .. طب إزاى هعمل كدة؟؟ إزاى مراد مش هيوافق يعمل كدة؟؟
خديجة/ سيبى الموضوع دة عليا هخليه يعمل كدة وهو نايم مغناطيسى.
هفاف/ لأ هو لازم يعمل كدة بكامل إرادتة وإلا مش هيتخلص من السحر أبدا بالعكس هيفضل ملازمة مدى الحياة.
مريم بدموع/ ياااارب والنبى خليك جانبى مليش غيرك.
خديجة/ إهدى يامريم كل حاجة هتتحل إن شاء الله.
هفاف/ بمجرد ماتنتهى من السحر هكون أنا أتحررت للأبد دة وعدك.
مريم/ وأنا هنفذة.
خديجة/ مريم غمضى عيونك ومتفتحيش.
بدأت خديجة تقول الكلام الغير مفهوم وبدأت هفاف تتبخر وتدخل لجسم مريم من جديد لكن بخدمة جديدة مختلفة تماما وبعد أن إنتهت... خديجة/ عدى للعشرة وفتحى عيونك يامريم.
بالفعل فتحت مريم عيونها وهى حاسة إن جسمها متكسر.
خديجة/ مالك حاسة بإيه؟؟
مريم/ حاسة بتقل فى جسمى ومتكسر.
خديجة/ معلش هترتاحى دلوقتى مهمتك الصعبة بجد بدأت وهى إنك تقنعى مراد يكسر السلسلة.
مريم/ هقنعه إزاى بس؟؟
خديجة/ إستعينى بالله وإن شاء الله كل حاجة هتتحل بس أنتى قولى يارب.
مريم/ يارب أنا لازم أمشى دلوقتى لأنى إتأخرت أنا هحتاجك جانبر خليكى معايا.
خديجة بإبتسامة/ وأنا مش هسيبك لحد ماتخلصى من الموضوع دة تماما.
مريم/ شكرا بجد بس أنا مسألتكيش المقابل إية يعنى هتاخدى فلوس؟؟
خديجة/ لا مش فلوس ومتقلقيش مش محتاجة مقابل لأن المقابل باخدة عد ما المهمة تنتهى.
مريم/ مش فاهمة؟؟
خديجة/ يعنى لو نجحت أخلص من إللى أنتى فيه الخادمة اللى معايا أنا بتقوى وقوتى بتزيد أكتر فهمتى؟؟
مريم/ أها فهمت عن إذنك.
خديجة/ تمام خلى بالك من نفسك.
خرجت مريم من مكتب خديجة وهى شاردة ركبت الباص ورجعت على البيت ملقيتش حد موجود فمسكت فونها ورنت على أمها لكن ردت نادية وصوتها متغير/ أيوة يامريم أنتى فين؟؟
مريم/ فى البيت ياخالتو أنتوا فين؟؟
نادية/ فى المستشفى خليكى عندك هبعتلك مراد ياخدك.
مريم/ فى إية ياخالتو مرام كويسة؟؟ أنتى مخبية عنى حاجة؟؟ صارحينى بالله عليكى.
نادية/ يابنتى مفيش.
مريم/ طب ماما فين مردتش عليا ليه؟؟
نادية/ مريم بطلى التحقيق بتاعك دة مراد هيجى ياخدك وهتفهمى كل حاجة لما تيجى.
قفلت مريم ونزلت تحت لحد مامراد وصل...
مريم/ مراد هو فى إية؟؟
مراد/ أمك دخلت فى غيبوبة زى مرام وبرضوا محدش من الدكاترة عارف إية السبب.
مريم بذعر وتلعثم/ مم مم .. ماما .. ماما ليه؟؟
مراد وقف عربيتة ومسك إيدها/ إهدى يامريم إهدى إن شاء الله هيكونوا بخير لازم تكونى قوية.
لقت مريم شبح مليكة واقف ورا مراد بتبتسم وهى بترفع بإيدها رقم إثنين ففهمت مريم إن مليكة هى إللى ورا إللى حصل لأمها فردت...
مريم/ وعد منى هكون قوية وهخلص الدنيا كلها من شرك.
مراد/ من شرى أنا!! أنا عملت إية؟؟
مريم/ مش أنت يامراد، مش أنت ودينى على المستشفى عاوزة أشوف ماما.
راحوا على المستشفى وحاولت مريم تبان قوية دخلت على الغرفة وشافت أمها وأختها وهما جنب بعض فدمعت عيونها غصب عنها، جريت عليها نادية حضنتها/ متخافيش يامريم هيكونوا بخير.
مريم/ إن شاء الله ياخالتو أنا واثقة إنهم هيكونوا بخير.
عدى الوقت ورجعت مريم على شقة خالتها دخلت على لسرير وإترمت علية بتعب ولاحظت وجود علامات زرقاء بجسمها لكن مفكرتش كتير وأستسلمت للنوم.
§§§§§§§§
تانى يوم صحيت مريم ونزلت راحت على المستشفى إطمنت على أمها وأختها وبعدين راحت لخديجة وحكت ليها على إللى حصل وقالت/ مليكة السبب.
خديجة/ أيوة عشان أنتى إتمكنتى من الخادمة بتحاول ترهبك عشان تمنعك تكملى.
مريم/ والحل إية؟؟
خديجة/ لازم تحاولى تخلصى من الموضوع دة فى أقرب وقت ممكن لأنها هتحاول تإذى الباقى منكم
مريم/ لازم أثبت لمراد الكلام دة، بقولك إية مش أنتى عندك تسجيلات؟؟
خديجة/ أيوة.
مريم/ عاوزة كوبى منها أسمعها لمراد دة الحل الوحيد.
خديجة/ تمام.
أخدت مريم التسجيلات ونزلت وهى بتجرى فإتفاجئت بمراد واقف تحت وبيبصلها بغضب/ أنتى بتعملى إية هنا ووو...
