= أنتى.. أنتى هتتجوزى إبن ملك الجن.
ميرال بصدمة/ إية الكلام إللى بتقوله دة يابابا!! إزاى يعنى؟؟ دة حرام أصلا.
محمود بقلة حيلة/ جدك عشان يجبر الجن إنه مياخدنيش قربان عهد إن أول حفيدة هتيجى ليه هتكون زوجة الأمير أو ولى العهد (شيفا)
ميرال/ وطبعا أنا كنت أول حفيدة تيجى بعد الموضوع دة ماحصل فبقيت المعهودة حفيدة العاهد وحكاية قرايتى للكتاب مكانتش صدفة.
محمود/ بالظبط.
ميرال/ وأنا بقى مش موافقة على التخاريف والهبل دى.
محمود/ دة لا تخاريف ولا هبل ولا كابوس دة واقع أنتى عيشاه وشيفاه بعيونك.
ميرال/ يابابا أكيد فى حل للى أنا فيه دة مستحيل تكون دى حياتى أبدا، وأنا لو هموت مش هقبل أعمل حاجة تغضب ربنا.
محمود/ إهدى يابنتى عشان خاطرى وأنا هحاول أقابل الشيخ ياسين إللى كان ساعدنى.
ميرال/ هو لسه عايش؟؟
محمود/ أيوة عايش وأكيد عندة حل.
§§§§§§
§§§§§§
فى مكان أخر...
مكان ممتلئ بالنار والسواد الحالك وقفت ماهيتاب أمام كبير الجان منتكسة الرأس...
منذر/ أنا نبهتك قبل كدة ياماهى وقولتلك متتصرفيش من دماغك وتعملى المطلوب منك وبس حصل؟؟
ماهيتاب/ حصل وأنا معملتش أكتر من المطلوب منى.
منذر/ أنتى عملتى مصيبة كبيرة، أنتى عطيتهم مفتاح الخلاص لو إستغلوه وأتعرف كدة مش هيبقى لينا عليهم أى سلطة.
ماهيتاب بعدم فهم/ مش فاهمة!!
منذر/ زياد دة مفتاح السر ياغبية.
ماهيتاب/ بس دى كانت أوامر أنا بنفذها.
منذر/ أوامر من مين أنا معطتكيش أمر بكدة؟؟
ماهيتاب/ من شيفا.
منذر بغضب وقد إزدادت شعلة النار من حولة/ شيفااااااا
ظهر شيفا وقال/ أنا هنا ياملك.
منذر بغضب/ أنت إزاى تعطى أوامر زى دى لماهى بدون إذن منى؟؟
شيفا برفعة حاجب/ لأنى بحب التحديات وأنا مش من إللى بيقبلوا ياخدوا الحاجة ببساطة أنا لازم أحقق نصر وأفوز بالجايزة.
منذر/ مفيش فايدة فى تهورك وغباءك هتضيع كل إللى إحنا بنحاول نبنيه بقالنا سنين.
شيفا/ بالعكس أنا ببنى لينا وبهد ليهم كتير.
منذر/ زياد مش سلاح سهل زى ما أنت فاكر.
شيفا/ وأنا بحب المغامرة.
منذر/ يبقى تستحمل نتيجة تهورك ومتنتظرش منى مساعدة.
أختفى منذر بغضب تارك ورائة شعلات صغيرة شيفا/ برافو عليكى ياماهى أنا مبسوط منك أوى.
ماهيتاب/ شكرا يامولاى.
شيفا/ طول ما أنتى بتسمعى الكلام وبتنفذى الأوامر بدون أخطاء فأنتى بأمان لكن أنا مش زى الملك الغلطة عندى بالجيم كله مفهوم.
ماهيتاب بخوف/ مفهوم.
شيفا/ الخطوة الجاية إنك تقربى بين زياد وميرال بمعنى زى مازياد وقع فى حب ميرال هى كمان لازم تحبه.
ماهيتاب بإبتسامة/ بسيطة.
§§§§§§
§§§§§§
تانى يوم...
صحى محمود وراح على بيت الشيخ ياسين ودخل ليه...
محمود/ إزيك ياشيخ ياسين فاكرنى؟؟
ياسين بإبتسامة/ أهلا بالغالى إبن الغالى تعالى يامحمود أقعد.
محمود/ ربنا يعطيك الصحة ياشيخنا أنا جايلك قصدك فى معروف أرجوك ساعدنى.
ياسين/ سبحان الله كأن الزمن بيعيد نفسه وكأن أبوك إللى قصادى، جه وقالى نفس الكلمتين دول عشان أنقذك.
محمود/ والنهاردة أنا جاى واقع فى عرضك تنقذ بنتى منهم أنت أكيد فاكر العهد مش كدة؟؟
ياسين/ أيوة فاكرة وعارف إنهم بدأوا فى تنفيذة مع بنتك.
محمود/ طب والحل إية؟؟
ياسين/ شوف يامحمود النار متخمدهاش إلا المياه والضلمة متزيلهاش إلا النور وكذلك الكراهية ميخمدهاش إلا الحب.
محمود/ مش فاهم يعنى إية؟؟
ياسين/ يعنى هم عطوا لبنتك مفتاح الخلاص بإيدهم لكن لا بنتك ولا المفتاح نفسه يعرفوا قيمة بعض.
محمود/ ياشيخ ياسين بالله عليك أنا كدة إتلخبطت أكتر فهمنى يعنى إيه الكلام دة؟؟
لكن فجأة ظهر شيفا قدام ياسين وخنقه حاول يتكلم لكن مقدرش، إنخض محمود وندة على الموجودين دخلوا بسرعة ببخاخة الربو لكن للأسف ياسين مات وأختفى شيفا.
إبن ياسين الكبير/ لا إله إلا الله إنا لله وإنا إليه راجعون.
محمود بصدمة/ ماااات!!!!
إبن ياسين/ أيوة.
محمود كان حاسس بوجودهم وتأكد إنهم هم إللى موتوة عشان ميقولش على الحل، فضل موجود لحد الدفنة والعزا وبعدها رجع على البيت وكانت ميرال بإنتظارة.
ميرال/ خير يابابا قابلتة؟؟
محمود بتعب/ أيوة.
ميرال/ طب وصلت معاة لحل؟؟
محمود/ كل إللى قالة إن الحل معاكى وأنتى والحل مش عارفين قيمة بعض.
ميرال/ حل إيه دة إللى معايا؟؟
محمود/ للأسف معرفتش.
ميرال/ طب ليه؟؟
محمود/ لأن الشيخ ياسين تعيشى أنتى.
§§§§§§
§§§§§§
عند مروان...
كان خارج من الشغل ومروح فخبطة موتسيكل ووقع على الأرض رجلة إنكسرت نزل واحد من عربيته جرى...
= يا أستاذ أنت بخير؟؟
مروان/ رجلى مش قادر.
= طب إتسند عليا لحد ما أوصلك للمستشفى.
بالفعل أخدة الشخص على المستشفى وإتجبست رجلة وبعدها صمم إنة يوصله للبيت.
مروان/ هو البيت إللى على اليمين دة.
نزل الشخص وهو بيسند مروان وحاسس إنه شاف المكان دة قبل كدة لكن مش قادر يتذكر أوى طلع لحد باب الشقة وخبط فتح محمود الباب وأنصدم...
= مروان مالك ياحبيبى فى إية؟؟
مروان/ ندخل بس الأول يابابا وهقولك.
محمود/ معليش متأخذونيش إتفضلوا أدخلوا.
دخل مروان والشخص وقعد على الكرسى...
= حمد لله على سلامتك إبقى خلى بالك وأنت بتعدى الطريق بعد كدة.
مروان/ أكيد إن شاء الله أنا متشكر جدا يا... هو أنت إسمك إية؟؟
= إسمى زياد.
مروان/ أهلا يا أستاذ زياد أنا مروان ودة والدى الحاج محمود إتفضل أقعد.
زياد/ لا معلش لازم أستأذن حالا أصل عندى ميعاد مهم.
محمود/ والله لا يمكن لازم تقعد تشرب حاجة ميرال .. ميرال.
خرجت ميرال/ نعم يابابا؟؟
محمود/ شوفى الأستاذ زياد يشرب إية
ميرال/ حضرتك تشرب...
إنصدمت لما شافتة وقالت/ زيااااد!!!!!!!!!!!
