أنا بيحصلى حاجات غريبة أنتى متعرفيش عنها حاجة ولما ربطت الأحداث ببعض حسيت إن فيه حاجة غلط عشان كدة أنا عاوز أسمعك وعاوز أعرف إية الدليل إللى قولتى علية جايز لو شوفت بعينى أصدق.
مريم/ أة قول كدة بقى أنت جاى تشوف الدليل عشان تقضى على فضولك مش أكتر.
مراد بتنهيدة/ والله قبل إللى حصل إمبارح كنت ممكن أقولك أيوة لكن أنا بجد عاوز أفهم إللى بيحصل.
مريم/ تمام يامراد خلينا نروح عندنا إحنا الشقة عشان التسجيلات هناك.
مراد/ أوك يلا بينا.
بالفعل أخدها مراد على لشقة عندهم ولما وصلوا قعدوا بالأنترية وإبتدت مريم تحكيلة كل حاجة من الأول لحد ماجابت التسجيلات من خديجة.
مريم/ أنا كنت ممكن أقول إن دة دجل وخدع بصرية لولا إللى شوفتة بعيونى وإللى أكدلى صدق خديجة دى حكايتك مع مليكة وإللى شوفته بعينى وبالنص أنت قولته ليا بلسانك غير السلسلة إللى أنت محتفظ بيها فى خزنتك هى نفسها إللى شوفتها صدقنى يامراد أنا مش بقولك أى كلام أنا بقولك الحقيقة مش بس أهلنا بخطر أنت كمان فى خطر وأصلا أنت المطلوب.
مراد بصدمة/ مش قادر أصدق أنا حاسس إنى بفيلم هندى!!
مريم/ ثوانى هجيبلك التسجيلات يمكن لما تشوف وتسمع تصدقنى.
دخلت مريم جابت التسجيلات وشغلتها على الشاشة ظهرت مليكة وحاولت تعطلها ومتشتغلش لكن هفاف تدخلت وهربت مليكة وأشتغلت التسجيلات وصدم مراد من إللى شافه قفلت مريم الشاشة/ ها لسه برضوا مش مصدقنى؟؟
مراد بصدمة/ أنا مش قادر أصدق بجد!!
مريم/ مراد أنت لو فعلا بتحب أمك وخايف علينا لازم تخلص من السلسلة هتتعب شوية ممكن لكن هترتاح للأبد.
مراد/ مش هقدر يامريم صدقينى مش هقدر أنا محتفظ بيها بقالى أكتر من 8 سنين بخاف عليها أكتر من روحى مش سهل عليا أعمل كدة.
مريم/ لازم تعمل كدة مليكة مش بتحبك، إللى بيحب مش بيإذى وبعدين دى روح مش بنى أدمة دم ولحم إللى عملته دة إسمة جنون.
مراد/ عملت كدة عشان حبتنى بجد.
مريم/ أنت بتقول كدة علشان تبررلها أفعالها يامراد إللى عملته دة كفر بالله أولا أنتحرت وبعدها عملت سحر عشان تفضل متمكنة منك فى حياتك وبعدها تخلص عليك دة حب بذمتك!! أنت شايف إن دة كدة حب؟؟
سكت مراد ومقدرش يجاوب فكملت مريم/ طب على الأقل أعمل كدة عشان أمك إللى ملهاش غيرك سيبك منى أنا وأمى وأختى لكن أمك ذنبها إية؟؟
مراد/ إية المطلوب منى يامريم؟؟
مريم/ تكسر السلسلة بإيدك أربع أجزاء وأنا هدفنها معاها بقبرها ودة هيكون بمساعدة خديجة.
مراد/ وياترى بقى مساعدة خديجة دى لله فى لله ولا فيه مقابل؟؟؟
مريم/ مفيش مقابل مادى.
مراد/ أومال إية المقابل؟؟
مريم/ لو المهمة نجحت الخادمة إللى معاها بتقوى وهى كمان بتتمكن أكتر.
مراد/ امممممم
مريم/ طب إية قولى هتعمل إية؟؟
مراد/ الأمر لله هعمل إللى أنتى عوزاة، هخلينى معاكى للأخر لحد ما أشوف النهاية هتكون إية.
مريم بإبتسامة/ هتكون خير علينا كلنا.
مسكت إيده/ وأنا جانبك ومعاك لأخر نفس.
مراد/ ماشى هنروح لخديجة دى أمتى؟؟
مريم/ بكرة لأن شكلك تعبان النهاردة.
مراد/ تمام أنا هنزل أروح العيادة عشان شغلى وهاجى أبات هنا مينفعش تفضلى لوحدك وياريت لو هتنزلى فى أى مكان تعرفينى مفهوم؟؟
مريم/ أوامرك يادوك.
أبتسم مراد وسابها ونزل
مريم بإرتياح/ وأخيرا أيامك أصبحت معدودة يامليكة.
§§§§§§§§§
نزل مراد ركب عربيتة وهو سايق لقى إنه بيسوق غصب عنه لمكان مجهول حاول يوقف العربية أكتر من مرة لكن مقدرش لحد مالقى نفسه وصل على الطريق الصحراوى والعربية وقفت شاف شبح مليكة واقفة قصادة على بعد، فتح عيونة بصدمة وغمضها وفتحها أكتر من مرة وبرضوا كان بيشوفها نزل جنب العربية لقاها بتلف وشها وماشية فقرر يمشى وراها لحد مادخلت كهف وأختفت، حس إن الدنيا بتضلم وكمان الأكسجين بيقل فجه يجرى لكن فجأة صخرة كبيرة سدت الكهف ففضل يجرى زى المجنون لكن مفيش مخرج وفجأة قلب من نار أحاط بيه وهو فى النص وظهرت مليكة بشكل مرعب وصرخت فى وشه فوقع علة الأرض من خوفة.
مليكة بصوت مرعب،/ أنت ملكى أنا يامرادى وعملت كل دة عشانك أنت تقوم تخونى وتوافق على كلام بنت خالتك؟؟
مراد/ يعنى .. يعنى مريم كان عندها حق؟!!
مليكة/ كنت هخلص عليها زى ماعملت مع رهف بالظبط ووقتها كنت أنت هتعيش لكن هى إتحدتنى ومش بس كدة عليها جن أنا مش قادرة أحاربة فأنت لازم تموت عشان تكون معايا وللأبد يامرادى.
مراد وهو بيرجع للخلف/ لا .. لا مستحيل مش هسمحلك تعملى كدة.
مليكة/ خلاص ياحبى وقتك جه تيك .. تك.
أختفت مليكة من قصادة وجات من وراه/ تحب تموت إزاى ياحبيبى، أختار أنت شوفت أنا عادلة إزاى؟؟
مراد كان قلبة هيقف من الخوف لحد ما أستجمع شجاعتة بعد ماسمع صوت الأذان وبدأ يتلو آيات من القرآن وأيضا قوله تعالى/ وجعلنا من بين أيديهم سدا ومن خلفهم سدا فأغشينهم فهم لا يبصرون.
وهنا صرخت مليكة صرخة مفزعة وأختفت والنار كذلك وإنفتح الكهف فطلع مراد يجرى بسرعة ركب عربيته ورجع البيت عند مريم، كان قلبة بينبض بخوف.
مريم بخوف علية/ مالك يامراد فى إية؟؟
حكى ليها إللى حصله وبص ليها وقال بندم/ أنا أسف على كل مرة كذبتك فيها وعاملتك وحش بس دة غصب عنى مفيش إنسان عاقل ممكن يصدق إللى بيحصل.
مريم/ متقلقش أنا معاك هنخلص من كل دة مع بعض قوم يلا عشان نتغدى.
مراد/ لا مليش نفس.
مريم وهى بتمد بوزها/ أنا جعانة خالص ومأكلتش من بدرى يرضيك كدة يعنى؟؟
مراد/ لا ياستى ميرضنيش حاضر هاكل معاكى.
قاموا أكلوا وقعدوا مع بعض لحد الليل كل واحد دخل غرفة ونام وتانى يوم كلمت مريم خديجة وحكيت ليها عللى إللى حصل.
خديجة/ طب الحمد لله إن دة حصل عشان مراد يصدقك ويوافق.
مريم/ بس صعبان عليا أوى، أنتى متعرفيش كان شكلة عامل إزاى.
خديجة بضحك/ ميصعبش عليكى غالى ياحنينة.
مريم بكسوف/ طيب يكسر السلسلة أمتى؟؟
خديجة/ لازم أقابلة الأول، لازم يتحصن ونحاول نحميه من أذاها ع قد مانقدر.
مريم/ طيب نتقابل أمتى؟؟
خديجة/ دلوقتى لو تحبى.
مريم/ طيب كمان ساعة على ما أصحيه ويفوق ونفطر ونيجى ليكى على طول.
خديجة/ فى إنتظارك.
أوقظته مريم وفطروا ونزلوا راحوا لخديجة...
خديجة بإبتسامة/ مبسوطة إنك أقتنعت أخيرا يا دكتور مراد ووافقت تخلص نفسك وأهلك من أذى مليكة.
مراد/ لولا إللى شوفتة بعيونى وحصلى مكنتش صدقت.
خديجة/ فين السلسلة؟؟
مراد/ فى البيت عندى زى ماهى.
خديجة/ تمام هتجيبها ونتقابل فى المقابر الساعة 12 بليل عند قبر مليكة...
