= هتفضل طول عمرك متهور ومغرور ياشيفا وغرورك دة إللى هيكون سبب فى نهايتك لأنك مش بتسمع لحد.
شيفا/ أنا مش فاهم أنت المفروض جاى دلوقتى ليه عشان تواسينى ولا تشمت فيا؟؟
منذر/ أشمت فيك!! مفيش فايدة مش هتتغير أبدا.
شيفا/ أنت كنت عارف من البداية إن الواد دة معاة ساتر ليه مقولتليش؟؟
منذر/ أنا كنت عارف إنة معاة سلاح ضدك وحذرتك منه وقولتلك بلاش تجمعة بيها لكن عنادك طغى عليك كالعادة لكن مكنتش أعرف إن ساتر هو إللى بيساعدة.
شيفا/ أنت لازم تتصرف وتمنع ساتر إنه يكمل فى مساعدته ليه.
منذر/ إزاى دة؟؟ أنت عارف كويس إن مفيش لينا عليهم سلطة عشان نقولهم إعملوا دة ودة لأ.
شيفا/ هددهم إنك هتلغى المعاهدة وترجع الحروب تانى.
منذر/ أة عشان تبقى نهايتنا المحتمة، إسمع ياشيفا إللى أنا جاى أقولة ليك، أنت إبتديت المشوار دة بالعند والخروج عن طوعى وإتحدتنى يبقى أنا مش هساعدك زى ما قولتلك.
شيفا بصدمة/ أنا إبنك إزاى هتتخلى عنى وأنت عارف إنى فقدت جزء كبير من قوتى؟؟!
منذر/ ماهو دة السبب التانى إللى أنا جاى علشانة إنزع التاج.
شيفا/ تاج!! تاج إية إللى أنزعة؟!!
منذر/ جه الأمر إن مش أنت ولى العهد، إتسحبت منك الإمارة.
شيفا/ إزاااااى!! أنا كنت بنفذ كل إللى بيطلبه منى بالحرف حتى فى عنادى قصادك كان بأمر من إبليس.
منذر/ إبليس بريئ من غبائك وتهورك وأنت المتحمل نتيجة أفعالك.
قرب منذر من شيفا إللى حاول إستخدام قوتة عشان يمنع أبوة إنه ينزع منه التاج لكنه كان أضعف منه بكتير وبمجرد ما إنتزع التاج قلت قوتة النص تقريبا.
شيفا بتوعد/ هرجع يامنذر وهتشوف إن شيفا مبيتقهرش أبدا وهندمكم كلكم.
§§§§§§§
§§§§§§§
عند زياد...
أول ماوصل على شقتة بدأ يقرأ الكتاب بتركيز شديد وخصوصاً الجزء الخاص بالسلسلة والرسومات وكان الجزء دة محتواة...
(وتهدى لرجل صالح مناع للأذى وهو منقذ ملك العلويين من المنفى فإذا أراد العون أعانته وإن لم أكن أنا الملك فولى العهد من بعدى وإسمة ساتر وقوة السلسلة تكمن فى صدق وقوة عقيدة مالكها بنفسه وبمن هو فى خدمته وبالتالى الخلاص من قوى الشر حولة والنصر الأبدى والسلام المرغوب)
إنتهى زياد من القرائة لكن مقدرش يفهم معنى الكلام عشان كدة أتصل على محمود وقالة/ أنا دلوقتى برضوا مش فاهم السلسلة دى إستخدمها إزاى؟؟
محمود/ لازم تتواصل مع الملك أو ولى العهد.
زياد/ إزاى؟؟
محمود: انت قرأت الكتاب كله؟
ذياد: لا الجزء الخاص بالسلسلة بس
محمود: طريقة التواصل مع الخدام موجودة ف صفحة من الصفحات الفاضية
ذياد باندهاش: يعنى هى صفحة فاضية انا هقرأها ازاى اسحرلها!
محمود : لا بس كل واحد بيملك الكتاب ده بيكون ليه صفحة بتتملى ليه هو وبس وهو الوحيد اللى قادر يشوفها ويقرأها فهمت
ذياد: ايوة بس الكتاب مش ملكى هيظهرلى ازاى؟
محمود: لا انت واحد من مالكيه بدليل جزء السلسلة اللى معاك خلى بالك الكتاب مكنش مع ابويا وانا وميرال وبس لا كان مع اسلاف كتير قبلنا وخلى بالك انت المالك الاخير
ذياد: معليش ي عمى مش فاهم يعنى ايه المالك الاخير؟
محمود: انا كنت صاحب الصفحة اللى قبل قبل الاخيرة وانا الوحيد اللى قرأت الصفحة والصفحة اللى قبل الاخيرة دى كانت لميرال وقرأتها اما الصفحة الاخيرة دى بتاعتك انت وبعدها مش هيكون فيه ملاك للكتاب ولا قصص تانية مع اجيال جاية
ذياد: فهمت ماشى ي عمى شكرا لحضرتك واسف ع ازعاجك مع السلامة
فتح ذياد صفحات الكتاب البيضا كانت اكتر من ٤٠٠٠ صفحة معقول ٤٠٠٠ شخص كان ليهم قصة جوة الكتاب وكمان متأكد ان جده كان واحد منهم! فضل يقلب بالصفحات البيضا لحد ما وصل لاخر صفحة وفجأة كل الرسومات اللى كانت ع السلسلة طارت ودخلت ع الصفحة وبعدها ظهرت جمل وكانت
(وعندما تريد الخلاص ويأتى الميعاد عليك النداء وطلب العون من ولى العهد ساتر فعليك أن تقص السلسلة إلى نصفين متساوين ووضع أحدهم فى منتصف الكتاب تماما والجزء الأخر حول معصم اليدين وبعدها ضع يدك على الكتاب وقل ثلاث مرات ساتر وسيحضر ف الحال)
بالفعل قام زياد وقص السلسلة نصين وطبق الكلام حط إيدة على الكتاب وهو بيحاول يتكلم بثقة وقال بصوت واضح تلات مرات/ ساتر .. ساتر .. ساتر.
فجأة خرج من الكتاب نور قوى خلى زياد مقدرش يفتح عيونة وفضل مغمضها لفترة لحد ماسمع صوت/ فى الخدمة ياصاحب الخدمة.
فتح زياد عيونة وشاف ساتر قصادة وكانت ملامحه بشرية شديدة الوسامة والبشاشة...
زياد/ أهلا.
ساتر/ أهلا ياصاحب الخدمة.
زياد/ أعتقد أنت عارف أنا جيبتك ليه وأظن إنك هتساعدنى.
ساتر/ أكيد.
زياد/ عاوز أخلص ميرال من العهد وأنهى وجود شيفا للأبد.
ساتر/ كدة كدة شيفا خلاص يعتبر أمرة منتهى ومنهم فيهم لكن حربك الجاية مع ولى العهد.
زياد/ طب ماهو شيفا دة هو ولى العهد!! لو مش هو أومال كان بيظهرلى ليه؟؟
ساتر/ هو كان ولى العهد قبل مايفقد قوتة بس لما بقى كارت محروق عوضوة بولى عهد جديد وقوتة أضعاف قوة شيفا.
زياد بخوف/ يارب دة أنا ماصدقت وقولت خلاص كدة الحدوتة خلصت تطلعلى واحدة تانية وأصعب.
ساتر/ خلى بالك يازياد سر قوتك الحقيقية هى ثقتك بنفسك وفيا، لو يوم الخوف سيطر عليك لا أنا ولا أنت هنقدر نقف بوشهم.
زياد/ وياترى بقى مين الأمير الجديد؟؟
ساتر/ إسمه مارد وأما بيظهر لشخص بيجيلة فى شكل أفعى ذو قرنين وأكيد هيجيلك قريب لأنة لبس التاج.
زياد/ طب هما عاوزين ينفذوا العهد دة أوى كدة ليه؟؟ ليه مش عاوزين يستسلموا للخسارة؟؟
ساتر/ هو دة السؤال إللى كان لازم تسألة من البداية، لأن ميرال المعهودة البشرية إللى هتجيب ليهم حاكم الأرضين السبعة.
