رحلتي إلى الموت

الحلقة 8

#رحلتي_إلى_الموت 💔 الحلقة 8
بعنوان ( نقاط على الحروف ) 👌🏻
#الكاتبة_خلود_شلابي
طول الطريق ساكتة نغلي
و طه يهدرز ... يقول:
شن الأجواء غادي ،، عاد ماكلة و خشرة و قرمة من زيكم البنْوُت 😅😋
قلت له :
ملّك جو ،، قلقت
تنفست الصعداء
و قلت شدي لسانك يا رغد خلنوصل للحوش ، و الا ما نقلبها على راسه قدام أمي ..
عقاب الوقت نتهزّب أني 😤 ؟؟ !!
🏵💎 روايــــات دمــــعتــي تـــــروي مــــــأســـاتــي 💎🏵
الكاتبة|:- 💜 خ ـــلـــود شــــــــــلابـــــي 💜
👑🎶Kd Sha La Bi🎶👑
قالي امالا خيره راقيلك
من ... قاطعنا صوت التليفون متعه
رد و قال ايه و يبتسم اوك تمام ،، ان شاء الله تو نوصل للحوش و نكلمك
أني عرفت ان هادي غزل
مش معقولة خلّت امها تكلمني و يا ريته حتى جت وقفت معاي على اغلاطها هيا ،، 🤷‍♀️
خلتني ف وجه المدفع بش تاخد راحتها و تشبح طه من البلكونة و تكلمه و لا قالت نسقدها و لا حتى حاجة..
قالي .. تي خيرك و انتي نفسية ارخي روحك 🤣
قتله .. غر درّس يا فرفوش و تو نتفاهمو قدام أمي و تو تشوف النفسية على اصووووولها ... 😡👌🏻
فتحت الباب متعفلقة و هو يقولي راجي
فته و نزلت للحوش رنيت عالجرس و لمياء تقول منو
قلتلها و اني نلعلع الجن الازرق .. تي افتحي 😡😡
رصت البطمة و انفتح الباب و طه يجري وراي بقولت شن فيه ؟؟ شن فيه ؟؟
خش وراي و سكر الباب و شدني لفتني من كتفي بقوة و
يكشخ قعد يقولي خيرك ؟؟
لقاني منهارة و نبكي دموعي على خدي ..
قالي .. تي من لي مضايقك خلي نمسحه من على وجه الأرض 🤬
شبحت لعيونه و اني فعيوني دموع
قتله : غزل و امها ؟؟ 😒
قعد ثواني يستوعب فالاسم ..
و قالي خيرها شن دارتلك غزل ؟
قتله توا نقعمزو بحدا امي و تو تسمع امها شن قالتلي بالزبط ..
قالي امي شن دخلها؟
قلتله .. امي دخلها و نص بش تحط عقلك في راسك 👌🏻
قالي .. امي مش ناقصة قصص خشي للمربوعة اهني و فهميني
ع نزلة لمياء تجري و امي وراها تقول خيركم .. خيره صوتكم للفوق😰
طه ... 🤦‍♂️
قعمزنا ف مربوعتنا الخارجية بش بوي ميسمع شيء ..
و حكيتلهم شن صار بالزبط
و قلتله توا اختار يا كرامتك ،، يا تكون مهزب ؟
قالي ..ادوي باهي توا منيش متحمل خفة دمك
••• محد يستغرب نبرتي مع طه ،، طه كان قريب ليا و نحكي معاه بدون قيود ✋🏻
أمي .. سألتك بالله فوتها فكنا مش مشاكلهم و من خوتها و الهى بقرايتك و بخدمتك
لمياء .. تي هيا حتى خطبة متبيكش تخطب بنتها مش معقولة عاد
قال.. شن دخلني ب امها اني نبي البنت و البنت تبيني
قتله .. و البنت هادي دارتلي المشاكل فجرتها خليها ع الاقل تتحمل مسؤولية افعالها مش ينادوني بش نتهزب ..
طه وجهه احمرر ومنفعل و هي تتصل و هو ميردش
امي .. هات نكلمها 😤
طه .. خليها يما تو نتفاهم معاها بعدين
امي .. أني حنكلم امها و نفهمها ...
طه .. لالا فوتيها توا خليني نكلم البنت و نفهم منها اللي صار و بعدين تو نقولك
قتله .. صار تبي تفهم منها اللي صار !! شن اني نكذب ؟
قالي.. مقتلكش تكذبي اني نبي نسمع من الزوز و نشوف وجهة نظرها بلكي امها مش قصدها ؟؟
قتله مية مية .. اني معش دخلني بطبيختكم و نضت خليتهم
للدرجة هادي خوي تملكاته ؟؟
للدرجة هادي بدا معمي معش يشبح ف شيء ؟
قصدي الحب مش للدرجة هادي الواحد يتنازل عن مبادئه و كرامته و يقعد في كر و فر ..
ركبت خشيت للتواليت لقيت حكايتي ....... قعدت نقول هذا علاش جنابي يسطرو فيا ؟؟
درت دوش و جففت شعري بالفرشة و لبست بيجامة مريحة و درت زمالطو مداما حكايتي متسمحليش نصلي ..
و كل ما نفكر ب عملة منذر يرقالي و يزيد يرقالي من امه و اخته 💔
فشيت غلي ف اهتمامي بنفسي و درت سكراب و مرطب وع شعري كارونة شادة قصتي بش متتلبزش بالماسكات ..
زعما منذر شن قصده ب حركته ؟ هل يحبني بجديات زي ما قال؟
و قعدت نقول كيف يقرب مني و يتخطى حدوده للدرجة هادي ضعف قدامي؟
باه كيف حيكون وجهي قدامه بعد اللي صار و الله بنموت مالحشمة 😢
خشيت لقيت امي دايرتلي نعناع و قرفة شربتها و قعمزت بحدا بوي و اتكيت على كتفه ...
قعد يهدرز معاي و يسأل فيا على اجواء حوش غزل قتله ماشية ..
و دقيقة وراء دقيقة هفت عليا الوجع
و أمي حطتلنا العشاء كان قلايا كبدة و بطاطا مقلية و سلاطة مشوية و بابا غنوج و سلطة .. و فطيرة
حي يا حي ..
قداش ليا معاش كليت و تبننت ..
طحت فاها ماكلة و شوره تخلطت عليا جوع مع فشان غل و مسحت بالمشروب 🤭 ...
لمياء .. سعدودك يا وخيتي تاكلي و متسمنيش
قلتلها .. غر قرايا و امتحانات شنو نسيتي كرشتي كيف كانت و لا كيف .. انتي اللي مشاء الله تاكلي و ميطلعش عليك .. ركزيلي فاها الكلمة هادي عاد اني قلت مشاء الله مش زيك تشهقي 😕
لمياء .. نيتي صافية مناخدش بالعين ..
بوي .. كولو نبيكم بصحتكم و مينقصكم شيء ..
امي .. خيره طه مجاش تعشى اتصلت بيه اني ..
لمياء .. قال متحسبونيش
امي قعدت سارحة و تخمم و أني قعدت نشبحلها و سكتت ..
ضمينا الحوسة او بالاصح لمياء اللي تغسل و اني نمسح و هربت لداري 😆 ..
درت معجون اسنان .. و غيرت جدول المدرسة و ملحقتش لا نكتب واجب و لا نحضّر للشفوي ..
درت كريم لي يديا و رجليا و كأن أني العروسة مش لمياء 😅 ..
تلوحت عالسرير و فتحت تليفوني ،، ملقيتش و لا حاجة من منذر ..
فكرت نعاتبه أو نقوله ليش درت هكي و تحشمت ..
موقف بايخ .. المفروض ان هو لي يكلمني بعد هالموقف ...
خش عليا طه و قعمز بحداي يهدرز و قالي عاودتلها مقفل ..
قصدي شن ناقصني بش ترفضني أمها 😔
كان متأثر و حكايته متلخبطة و حتى عشاء متعشاش .. و بنزيد ننزل فيه تاني ؟؟
مرضيتهاش عليه الحق 🥺 اني ما صدّقت اللي خوي طلع حي و بدا مونّس حوشنا ❤
قتله تعرف شني ؟؟
قالي شني
___________☆خلود K••Sh شلابي☆___________