رحلتي إلى الموت

الحلقة 4

#رحلتي_إلى_الموت 💔 الحلقة 4

خلو خمسة تعليقات قبل القراءة لان التفاعل مولي ضعيف مش معقولة نتعب و مستخسرين فيا كلام حلو يشجعني 😣💔 و معش حد يكتب تم منحبهااااااااااش

بعنوان ( زوبعة الأقدار )
هو صح مجرد لايك
لكن خلاّني فضولية و قررت نخش على " صفحته الشخصية " و قعدت نقصقص 😁
إيميل غريب
لا حاط صور ليه ،، و لا منزّل مسافر إلى ...))
رغم إن أكثر مخلوق يسافر عرفته ف حياتي لا مخلي الدول الأوروبية و لا العربية و لا الأسيوية حتى من جنوب أفريقيا ماشيلها 🙄
مش زي بعض الناس غر يمشي لتركيا و لا تونس بسس
تلقاه ف زحمة معيتيقة كلها مرفوس و مش محصل حتى كرسي يقعمز عليه و عاد حتى من طيارته موعدها متأجل ساعتين بسبب عملة هالطيران الليبي و مواعيدهم الزفتة و يقولك ادعولي نوصل بالسلامة 🤣
يا حنة هذا اللي بيداري على شمعته و لا بلاش 🤫
ايميله يا قصص و عظة و أذكار يا حاجات علمية و كورة ،،
قعدت انزل ف المناشير اللي ميفوتوش تلاتين منشور أصلا ..
نتصفح لقيته مداير مشاركة لشركة هندسة بنائية و تصميم ديكورات
و شكله هادي شركته
كان فالبوست حفل تكريم ليه بحكم مداير مشروع كبير فالبلاد و من صفحته خشيت لصفحة الشركة
كانو يصورو ف أعمالهم و ديكوراتهم و كان عاطي بضهره ميبانش و صوته بس اللي يتكلم
خشونة صوته ،، و طوله ،، وقفته ،، خودة السيفتي متع الحماية كيف لابسها على راسه و هو راكب فوق السطح و البناء قاعد قيد الأساس و يشرح بكل تفاني ٠٠ 🙈❤
كان بش مهندس بكل ما تعنيه الكلمة ..
قعدت نعاود ف صوته مرة و تنين و عشرة
و بعدين تفكرت داسة شكلاتة ف دولاب المطبخ نضت نجري و لا صار من صوته و لا من جو الجفاف اللي أني فيه ..
طلعت لقيت بوي و أمي و جداي و هشام يهدرزو و لمياء معاهم و طه
كان واضح ان فيه موضوع كبير و الجماعة منفعلة
أني كالعادة باردة .. شنو فيه خيركم مرقدتوش ؟ 😶
حسيتهم كلهم يشبحولي ب غل غلهم 😑
فتتهم و خشيت فتحت الدولاب طلعت الشكلاتة و قعدت ندوّر على حكة العصير ..
طلعتلهم و في فمي شكلاتة نمضغ و هما قاعدين يتناقشو .. تي من خدا حكة عصيري ؟؟😡
بوي .. حكة العصير هادي عارفها بتجي فوق راسك 😠
أني لملمت كرامتي و خشيت للدار قداش ليا معش ريت بوي راقيله زي توا
كملت شكلاتة و طلعت بنقصقص ،، عاد كيف مجتمعة العيلة و أني لا
خشيت بينهم بهدوء و قعدت نسمع
هشام .. مفيش الا الحل هذا و زيد فكر يا بوي
بوي .. اللي درته غلط
هشام .. منخليش الاثم يركبني نشبح الخنبة و الاختلاس يصير قدامي و منتكلمش و يبوه يمشي بتوقيعي اني ..
بوي .. تبيهم يجونا اهني و يقتلوك قدامنا أني و أمك ؟؟
تي تشبح فاها البلاد على قرن ثور كلها حكم مليشيات يا راجل ..
طه .. خلاص زي ما قال مافيش حل الا انه يتزوج عالسريع و يمشي يقعد البرا لين تصفى الحكايا ..
بوي .. و شن بيقولو علينا الناس .. تزوج ف يوم و ليلة و سافر اكيد مداير فالطة و بيبدو يدوو على مرته
خشيت فالموضوع .. عادي نقولولهم فاتحة بس لان بيسافر عمل و منقولوش بيرفعها معاه نقولو بتلحقه بعدين بدير عرسها ..
كلهم شبحولي و كان كلامي منطقي هههه
لكن كالعادة لازم نتحمس و نجيب آخرتي 🤭و قلت لهشام خلاص برا توكل أمتى بترفعنا بنخطبو كنتنا 😍😁
و جاني التكشيخ من حيث لا ادري من بابا
بالله درقي وجهك من عليا خير ما نرتكب فيك جريمة 😡😡
طه يضحك
و جداي .. خليها البنية تبي تفرح بخوها
هشام من بعيد يقولي بري لدارك 🤣🤣
وجعتني التكشيخة محرها 😭😭
ع خشة لمياء ..
خيرك تعيطي
قلتلها خيرك شن مسمعتيش بابا كيف كشخ عليا مرتين 😭
لمياء .. تستاهلي الف مرة مقايليلك معش تخشي ف دوة الكبار ..
تي انتي غر افهمي الموضوع و بعدين ادوي
قلتلها و اني خشمي مسكر و نمسح فيه بالمنديل هو قال بنخطب شجعته شن فاها يعني 😢😢
لمياء .. هذا خوك خاش ف طبيخة كبيرة و ربي يستر و خلاص
قلتلها .. علاش طبيخة شنو ؟ خيره من مهدده؟
قتلي .. مداير ملفات و يفضح فالمسؤولين اللي يختلسو و متهمين بالفساد و يعطي فيهم لصفحة نظام التك و اولاد عيسى يقرقزو بيهم فالنت
أني استغربت .. قلتلها و كيف عرف ان زبطوه ؟
قتلي .. جاه واحد صاحبه قاله راه مفرمطين فيك الجماعة و عندك مهلة تلات ايام تمشي تسافر فيهم قبل ما نقول ان انت اللي تبعت للصفحة و نعطي التقرير للمسؤول
قلتلها .. تحليل الفاتحة امتى بيلحق يديره ؟
قتلي .. داره هو ووياها .. معاهم خوها فراس هذاكا صاحبه لي ديما يجينا 😶
هزيت براسي .. صار اخت فراس اللي 24 ساعة و هو لاصق فينا ديرو قهوة ديرو شاهي حطولنا عشاء ☹
نسمع ف امي تنادي علينا مشينالها
لقينا بوي مهناش فالتقعميزة ناض بعد ما قريب رقاله الضغط مسيكين 🤭
امي .. اسمعي انتي ووياها ، غدوة طه بيرفعنا لحوش الناس نتعرفو عليهم و بنتفاهمو عالتفاصيل
هشام بيتكلم .. امي قتله انت اسكت
اني .. مبارك يا عريس 😁😍
امي .. خيرك متشعفيش انتي؟؟ تبي طريحة نباش القبور
هشام .. خلوها مسيكينة هادي الناس اللي عايشة بالله 😅
قتله .. شن اسمها 😍
قالي .. حياة ..
امي .. تزيدي حرف تاني الا ما اناديلك بوك
اني .. لالا خلاص سكتت 😢😢
قعمزنا و امي دارتلنا خطة عسكرية
خطة حتى هتلر متجرأش يدير زيها ف حياته 🤣
و اتفقنا منقولوش لحد من العيلة عاد الله سافر بروحه و تزوج البرا بعدين ،، المهم نتهنو عليه كيف يوصل برا البلاد بس