رحلتي إلى الموت

الحلقة 2

#رحلتي_إلى_الموت 💔 الحلقة 2
بعنوان ( صدفة )
خلي خمسة تعليقات قبل متقري
و بعد القراءة اكتبي كومنت اعطينا رأيك فالحلقة بش تطلع لأكبر عدد ممكن مش تكتبو تم و بس منحبهاش الكلمة هادي و اللي متابعني من قبل يعرف طبعي 😁 بالله عليكم تبو نستمر قيمو القدر
••••••▪▪▪▪▪▪▪▪
خشيت لبدت ف حجر بابا
و نقوله عمي ضربني كف
و اني رفعتني شروق لجردينة قتلي نقطفو عنب 😭
و عمي و بنته وراي
شروق تقوله تكذب هيا مشت و اني نقوللها متبعديش
عمي قعد يقول ......
و الله الا عيب يا سليمان
متجيش يا راجل
بوي قاله  عادي صغيرة شن تعرف هيا،،  الزوز طلعو يلعبو برا
حمزة عمي ،، بنتي ما ادير هالعمل
جداي قالت توا مش معقولة يتعاركو الكبار على خاطر الصغار خلاص عمها و كشخ علاها عادية ..
امي تشبح و عيونها شرار بحكم الكف مكانه احمر على خدي .. لكن خايفة من بوي متبيش تتدخل
و بوي حس ان الدوة مش حتجيب نتيجة سكت و خلاص و قعد شاد وجهي يشبح لخطوط الاصابع المطبعة على خدي
خدتني امي قدام عمي و هو يشبحلي بعيونه بنظرات السم ..
و دخلتني لمطبخ جداي
عطتني مية و أني نتنهد و تقولي خلاص اسكتي
و اني فيا الشهقة
قتلي خيره قفطانك مقطّع
قلتلها فيوكتي نحتهالي شروق قتلي لما تنحيها تجيك فيوكة كبيرة
و سروق حتى هيا خشت تقصقص قعدت تقول كذب و الله الا كذب اني مقطعتلهاش قفطانها
ناضت مرت عمي لي هيا امها تقول توا كله بتطلعيه ف شروق ؟؟ 😡
بالله يا هنيدة شدي بنتك و اني تو نشد بنتي و تعلي ف صوتها بش تسمّع البرا و خش راجلها حمزة يقول شن فيه شن فيه
كتر الصوت العالي و امي حست ب شعور اخي يمكن لانها برانية أو فيه حقد كبيررررر  فوسط الصبايا و باقي نسوان عمامي
قامتني امي و طلعت من المطبخ راقيلها مقالتش ولا كلمة
بوي خيره شن فيه
جداي خلاص قعدت على اعصابها  ،، لا حول و لا قوة الا بالله
طلعو مرت عمي و عمي حتى هما ورانا و قعدو يقولو خيرها هادي
احني مقلنالها شيء 😏
و ناضت تحكي فالموقف كيف ان اني نتبلى على بنتها و انها مظلومة مقطعتش قفطاني
و بلا بلا بلا ....))
ثواني حتى اختفي صوتهم لان طلعنا فالجنان و ركبنا لحوشنا الدور الثالث
لحقتنا لمياء
و خش بوي يهدّي ف امي
اكتر ما عجبني ان بوي متدخلش ف تصرف امي و قعد نازل فيها قدامهم بالعكس
لا جي مع هذا و لا هذا
مع ان المفروض كان يدير ردة فعل لكن مكانش يبي يركّب روحه الغلط من كتر زياراتنا ماهو !! 😶
و اتضح و من هذا السياق
ان كان فيه حساسية فالمطبخ بيناتهم كلهم
وحدة مقعمزة و وحدة تلوي فالحنك
و وحدة جاي الكيد علاها
امي : توا معقولة احني جايين من فجر ربي و تعبانين تقولولي عصبان ؟؟؟
اني منبيه العصبان
رجليا خلاص و ياريته حتى يديرو معانا
كله جاي عليا اني و مرت لطفي
بوي يرقّع ،، ماهو فرحانين بينا جايين
و الله يا سليمان نعرف اللي فرحان بيا مدامني كيف جاية ضيفة اني اللي نبي نقعمز
مش هما المقعمزين و فوق منها يضرب بنتي كف ان شاء الله تنكسر ايده هالمريض
من توا قصة التطييب مع بعض انهيهالي مش زي كل مرة
بننزل لعمتي العشية و لما بنطلعو نتفسحو نطلعوها معانا
اما نسون خوتك منبيش نحتك ب ولا وحدة و لا نتغدو مع بعض و لا نتعشو مع بعض
جيبلي خضرتي و لحمي و امك على عيني و راسي
اما الزحمة و صغارك و صغارهم تشبح فيا عطلة و ضغط مدرسة معاد عندي جهد
بوي ،، اللي يريحك حبيبتي سامحيني و حقك عليا تحملي معاي هادو اماليا الله غالب
امي ،، ان ش.... و كملتش كلمتها
فجأة
خش طه فرحان يجري قال ضربت احمد ولد عمي حمزة  ضربت احمد     زعميتا انتقم و هرب هههههه
بوي شد راسه 🤦‍♂️
لمياء تضحك
قتلي نوضي ندوشلك و نبدلك
قلتلها باهي
طه كان اقرب حد ليا مكانش يرضى فيا دقة الشوكة
دوشت و لبست طرحة مليحة
و قعدت جداي اتضبح علينا ننزلو نتغدو 💔