my little alien : our home

My little alien 2.3

ဆောင်းဟွန်း ကော်ဖီဆိုင်ထဲတွင် ခြေချိတ်၍
ထိုင်နေစဉ် သူ့ရဲ့ အရှိန်အဝါက ဘေးမှလူများ
ကိုပဲ အဝေးသို့ချဲသွားနိုင်စေသယောင်ရှိသည်။

ဆိုင်မှ တီဗွီထဲတွင်တော့ သတင်းတင်ဆက်သူ
အမျိုးသမီးက သူ့တာဝန်ကို သူကျေပြွန် စွာ
လုပ်ဆောင်နေလေ၏။

" Kim group ရဲ့ တည်ထောင်သူ ဆုံးပါးသွား
ပြီးနောက် မှာ ဖခင်နေရာကို ဝင်ရောက်တာဝန်
ယူထားတဲ့ executive director ဂင်ဆန်းဝန်း
ဟာ အချက်အလက်အတု လုပ်ယူမှု၊ တရားမ
ဝင်ရန်ပုံငွေကိုင်ဆောင်မှုဖြင့် စွဲချက်တင်ခံထား
ရကာ ယခုအချိန်မှာ ထွက်ပြေးနေဆဲလို့သိရပါ
တယ်။ ကုမ္ပဏီနှင့် ဒုတိယအကြီးဆုံးရှယ်ယာ
၃၀% ကိုင်ဆောင်ထားသည့် ညီဖြစ်သူဂင်မျိုး
ရိုးကလည်း ပျောက်ဆုံးနေဆဲဖြစ်ပြီး လစ်လပ်
သွားသည့် နေရာကိုတော့ အခုထိ မဆုံးဖြတ်နိုင်
သေးဟု သိရှိရပါတယ်.."

ဆိုင်တံခါးပွင့်လာချိန်တွင် တစ်ဖက် မှလူအား
လက်လှမ်းပြလိုက်တော့ ထိုသူက သူ့ကိုအရိုအ
သေပေး၍ ရှေ့တွင်ဝင်ထိုင်လာသည်။

ထိုသူက ဆန်းဝန်း၏ တရားစွဲဆိုမှုကိုခံရကာ
ဆရာဝန်လက် မှတ် အသိမ်းခံခဲ့ရသည့် သူပါ
ပင်။ ဆောနူ၏ ကိစ္စကို ဆက်ပြီးစုံစမ်းကြည့်
ရာမှ ထွက်လာသည့် တစ်ခုတည‌်းသောသဲလွန်
စဟုလည်း ပြော၍ရနိုင်၏။ ထိုလူ အထိုင်ကျသည်နှင့်ဆောင်းဟွန်းစာအိတ်တစ်ခုကို ထုတ်
ယူကာ ထိုသူ့ရှေ့တိုးပေးလိုက်၏။

" နည်းတယ်များတယ် သဘောမထားပါနဲ့။
ဧည့်တော့မခံတော့ဘူး.. အခု ပြောပြလို့ရပြီ
လား.."

ထိုသူက စာအိတ်ကို ကြည့်လိုက်ပြီးနောက်..
ဖြည်းဖြည်းချင်း ပြောလာ၏။

" လူနာရဲ့ အမေက စည်းရုံးခဲ့တာပါ။ ကျွန်တော်
လည်း  အဲ့တုန်းက   ခက်ခဲတဲ့အချိန်ဖြစ်နေတာကြောင့်ရော၊ ဘာပဲဖြစ်ဖြစ် ရောဂါဖြစ်နေတဲ့သူ
ပဲဟာကို.. အစကတည်းက ဒါသူနဲ့သက်ဆိုင်တဲ့
နေရာပဲလို့တွေးခဲ့တာကြောင့်ရော လူနာကိုလက်
ခံထားဖို့ ဆုံးဖြတ်လိုက်ပါတယ်.."

လက်ပိုက်ကာ နားထောင်နေသည့် ဆောင်းဟွန်း
၏မျက်နှာမှာ အနည်းငယ် ဒေါသထွက်သယောင်
ပေါ်လာသော်လည်း သူ့စိတ်ကို အမြန်ပင်ချုပ်
တည်း လိုက်ပါ၏။