my little alien : our home

My little alien 2.4

" စေ့စပ်တာကို ဖျက်ချင်တယ် ? ဟုတ်လား.."

အဖွားက ဝှီးချဲပေါ်တွင် ထိုင်ရင်း ဆောင်းဟွန်း
၏ စကားကို မယုံကြည်နိုင်သလို ပြန်မေးလာ
၏။ သူ့ရဲ့ မျက်နှာချင်းဆိုင်တွင်ထိုင်နေသော
ယူဂျင်းမှာလည်း ဆောင်းဟွန်းကို စူးစိုက်စွာ
ကြည့်လာလေ၏။ ဟန်ဘင်းက ဘယ်သူ့မှမ
မြင်ခင် ခိုးရယ်လိုက် မိပြီး ယူရာကလည်း အံ့
ဩသွားပေမယ့် ပြုံးချင်နေသည့် နှုတ်ခမ်းတွေ
ကို ထိန်းလိုက်၏။

ယူဂျင်းရဲ့မိဘတွေဖြစ်သည့် ဦးလေးနှင့်အန်တီ
က ဆောင်းဟွန်းအပေါ် ခက်ထန်နေတော့သည်။

" မဟုတ်သေးဘူး။ အဲ့တာ ဘာစကားလဲ.."

" ကျွန်တော် သဘောကျတဲ့လူတွေရင် အဲ့လူကို
ရွေးချယ်လို့ရတယ်လို့ အဖွားပြောခဲ့တယ်.."

" အဲ့တာက.. ဒီအတိုင်း စကားအဖြစ်.. "

ဆောင်းဟွန်းက အလွန်အနေအေးသည့်သူ။ သူ
သဘောကျတဲ့လူဆိုတာမျိုး ဘယ်တော့မှရှာတွေ့
လာမှာ မဟုတ်သောကြောင့် ထိုအချိန်က စေ့စပ်
တာကို သဘောတူရန်သာ စကားအဖြစ်ပြောခဲ့
ခြင်းဖြစ်လေသည်။

" အဲ့တော့ ဘယ်သူလဲ။ ဘယ်အိမ်ကလဲ။ ဘာ
လုပ်တဲ့လူတဲ့လဲ.."

ဆောင်းဟွန်းက တည်ငြိမ်သည့်မျက်နှာကိုသာဆက်ထိန်းထားရင်း..

" အဲ့တာတော့.. အခု ပြောပြလို့မရသေးပါဘူး။
ဘာပဲဖြစ်ဖြစ် ကျွန်တော် သူနဲ့ အမြန်ဆုံးလက်
ထက် မှာမို့လို့ အဲ့တာလေးတော့ သိထားပေးပါ"

ဆောင်းဟွန်းနေရာမှ ထကာ အဖွားကိုအရိုအသေ
ပေးလိုက်သည်။

" စိတ်ပျက်စေမိလို့တောင်းပန်ပါတယ်.."

ဆောင်းဟွန်း ခါးကိုပြန်မတ်လိုက်ပြီး လျှောက်
ထွက်လာတော့ ဂိုယူရာက ဆောင်းဟွန်းကိုပဲ
လိုက်ကြည့်နေမိပြီး.. " အိုပါး...." ဟု တိုးတိုးလေး
ခေါ်လိုက် မိပေမယ့် တစ်ဝမ်းကွဲအစ်မဖြစ်သူက
သူမရှေ့က ဖြတ်ကာ ဆောင်းဟွန်းနောက်ကို
လိုက်နှင့်နေပြီး ဖြစ်လေသည်။

" ဆောင်းဟွန်းနား.. ခဏလေး.."

သူမရဲ့ ‌သက်တောင့်သက်သာမဖြစ်သည့်ဒေါက်
ဖိနပ်ဖြင့် ဆောင်းဟွန်းနောက်ကို ပြေးလိုက်နေ
သည်ကို သိရတော့ ဆောင်းဟွန်း လမ်းတစ်ဝက်
တွင် ရပ်ကာ လှည့်ကြည့်လိုက်သည်။ ယူဂျင်းက
သူ့ဆီလျှောက်လာကာ သူ့ရှေ့တွင် ခြေစုံရပ်
လျက် ပြောလာလေ၏။