برائة وجشع

البارت السابع

#الكاتبة_حوراء_الحسيناوي

#برائة_وجشع
#البارت_7

لا تنسن التصويت + والتعاليق بين الفقرات

قراءة مُمتعة ي عُمࢪي انتً
~٠~٠~٠~٠~٠~٠~٠~٠~٠~٠~٠~٠~٠~٠~٠~٠~

" شذى "

ضليت اصيح اني مخطوفة خطفوني، لحد مافزيت من انفتح الباب، يوسف فات طبك الباب واجه بأتجاهي بعد مارجعت لورا بخوف ضربني راشدي حسيت اذني فقدت حاسة السمع

خليت ايدي على خدي مصدومة وعيني عليه

حجه وهو يحذرني ماد اصبعه بوجهي
- كتلج اكعدي عاقلة و صمي نعالج ولا تسمعيني صوتج لا والله العظيم اموتج من الجوع والعطش واخليج تتمنين الموت، وهسه رايح افتح الباب اذا سمعتلج حس اوديج لـ زهراء اخليها تسويج مخلمة

شذى:- كال هيج وطلع وطبك ورا الباب حيل فززني من صدمتي مسحت دموعي واني ارجف متحلفه بي اذا مالعبت بيك جولة لان مديت ايدك عليه فلا اسمي شذى خوش اني الك القرءان بكبره شهد على كيدي، بسيطة

وكفت ع المراية شفت عضتها الحقيرة جنها عظة جلب سنونها الخايسات طابعات بزندي وزندي احمممممرر

من الخوف حتى ماحسيت بالوجع جنت بس اريد اطلع من جواها كتلتني ريحتها خاايسة

رجعت للشباك اباوع
الولد راح وعينه تتلفت على البيت مديت ايدي اريد افتح الشباك سمعت صوت طكطكه يم الباب كمزت وسديت البردة

تربعت ع الجرباية واني مخليه اديه بحضني واعصر بيهن وعيني تفتر بين الشباك وبينه هوَ

انصدم من كعدتي، ولان على جربايتة انصدم اكثر

- شسوين كاعدة فوك

مديت اديه احجي و اأشر بيهن مادري عليمن اأشر و وين اوديهن بس احركهن بدون معنى

- ءء شسمه هذا، ه هيج، هيج ماكو شي

كال ها، مامصدكني واجه بأتجاهي للجرباية كمزت ونزلت من الجرباية ضحك وهز ايده

من شفته راح للكنتور ارتاحيت

فتحه ويختار قمصان وبناطير

حجيت بتوتر
- شنو معنى وجودي هنا بغرفتك وحدنه

- ابوج كال امانة يمك ماريدج تموتين وتورطيني

- واني مو طفلة حتى بهل سرعة اموت

فر راسة وكال:- ها

حجيت بجدية وصوت مسموع شوية عالي
:- اكول ترا اني اكدر هسه اروح للباب وافتحه واطلع بس ماندل وين اروح لهل سبب واكفه

- واني ماسئلتج ليش واكفة

- انزين خليني اروح يم البنات شكو باقيه يمك ترا حرام ومايصير عيب