برائة وجشع

البارت التاسع

#الكاتبة_حوراء_الحسيناوي

#برائة_وجشع
#بارت_9

صوتن + دوسن ؏ النجمة + علقن بين الفقرات

" قَراءة مُمتعة عيني وماﻲ عيني.. "

__________________♡___________________

اتصل عليه واني ارضع بـ بدر باوعت لـ علي نايم وخرت بدر عن حضني وركضت للطارمة

- اني شكم مره اكلك لا تتصل لا تخابرني بعد

- هاي شنو متغيره والله ماعرفتج

- شتريد مني شتريييد تريد تهجم بيتي

- افا هذا انا الاهجم البيوت مو؟ يعني طلعتي برائة عبالج اذا عزلتي ابيت وحدج اعوفج؟

- ياخي فك عني عوفني عوفني تريد اهلي يذبحوني يلا ترتاح شلون بلوة هاي

- ومن جنتي تتبجبجين يمي من زوجج وماريده وازوجته غصب واريد اطلكه، وانتَ طلك مرتك وانا اطلك علي ونزوج وننهزم شو من صارت صدك شردتي ها

- شهاب الله يخليك عوفني عوفني

- لا والله ماحزرتي طلكت مرتي علمودج واتعاركت وي اخوها علمودج وهسه تكليلي عوفني خوش نشوف

- اوكف اوكف فدوة لا تسوي شي فدوه ابوس ايدك شتريد اسويلك بس لا يسمعون اهلي والله ابوي يذبحني وما يكول لا

- ازوجج متعة لعد

- ها؟

- هذا اخر كلام عندي

نزيت من شفت بدر يلعب وراي عبالي علي حذفت المحادثة وسجلت رقمة بأسم ام عباس الحفافة خاف يدك عليه مرة ثانية ويشوفه علي

رجعت نيمت بدر وكعدت علي يروح للدوام يبيع مخضر عنده ستوتة

- شبيج خايفة وعينج ع التلفون

- ها؟ لا مابيه شي هيج، دير بالك على نفسك من الطريق

باسني بگصتي مبستم
- والله اعوضج بس خل اجمع جم فلس واشتري كل التحتاجينة اطيني مهلة بس هذا الشهر ويطوني السلفة

- لا عادي ماعندي شي

- ايات اعرفج انا تعلميني بيج دارسج وادري بيج تشوفين نسوان اخواني وكلشي بنفسج وانتِ تعرفين حالتنه والله بس هل شهر واخليج ابطن عيني

- تمام حبيبي دير بالك على نفسك

باسني مرة ثانية وراح....

حتى مالي واهس انضف والخوف والتوتر احتل تفكيري، صحيح اني كلتله هيج من جنت بـ بداية حملي واني كرهته لزوجي بسبب اهماله الي وهماله لنفسه يخلص كل الوقت يشتغل وعايفني وحدي

صح تصرفي غلط والسويته ابشع شي وهيَ الخيانة لكن هو الجبرني

مو زوجي.... لا شهاب