برائة وجشع

البارت الخامس

#الكاتبة_حوراء_الحسيناوي

#رواية_برائة_وجشع
#بارت_5

بناتي علقن بين الفقرات + صوتن، دوسن ؏ النجمة + سون سكرين واخذن لقطة حلوة وانشرنها للمساعدة + مو بس احبجن اموت عليجننن اني🤍🤍.

*" وَ قَراءة مُمتعة ي دگات گلبي انتً "*
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

نغم::-
عبرو من يم بابنه شباب ما انتبهت الهم منو لان ماشوف عدل
مادام عبرو بابنه وغيث ما اجه للبيت عرفته ماهو وياهم نفخت نفس بملل وكعدت بالمرجوحة رافعه راسي لفوك ومغمضه عيوني اريد الوجع يخف

واني مغمضه واهز بروحي علكيف حسيت واحد واكف يباوعلي فتحت عيني الي مابيها شي والثانية مغمضتها

كمزتلي كمزة من شفته لدرجة وكعت من المرجوحة، دنك يريد يكومني سحبت روحي منه وحجيت بهدوء وتحذير:- شدااسوييي هنااا امشي اطلع برا

سيف:- افا اطردين ابن عمج

- سيف امشي اطلع برا لا تخليني اصيح واكعد اهلي، روح

- والله وحليانه عكس من عفتج، صايره اجيبين العين

- استغفرالله استغفرالله ياربي، احجي عدل لا والله اكسر راسك

- شعدج واكفه بالباب بنص اليل وتباوعين للوِلد، سكت يباوعلي شوية وكال شو بلا باوعيلي

جنت احوس براسي اباوع منا ومنا ماخلي يركز بوجهي وهم لان ليل كلت ما ينتبه بس الضاهر عنده عيون صگر

كمت وحجيت

نغم::- لا تدخل بشي مايخصك، كلت هيج وعبرته لزم زندي حيل بيده اليمنى وفراني اله
مخلي ايده الثانية على وجهي وفر وجهي بوجهه يباوع بعيني

غمضت عيوني وحجيت بتحذير
:- هدني لا والله اصيحح

اجانه صوت ابوي:- شجاي يصيررر

مانز ولا وخر عني عكسي اني، يباوع بوجهي ويحجي وي ابوي بدون ما يلتفت ويحجي بوجه ابوي

:- هاي بتك مدري شبيها عينها

اجه ابوي ركض سحله و وخر ايده عن ايدي وخدي وخلاني كدامه يباوعلي، دنكت راسي

حجه:- ارفعي راسج شبيها عينج

- شبيها بابا مابيها شي طبت بيها طابوكه

- شو بلا

رفع راسي من حنجي باوع بعيني عقج حواجبة وبسرعة صاح
:- هاي شمسوي لبتي

سيف:- دخيل بختك انا شعليه ابتك اجيت وشفتها هجي

- بابا مو هوَ، هوَ ماله دخل كتلك طبت بيها طابوكه

- شتحجين انتِ يا طابوكه الطابوكه هجي تسوي دشوفها شلون مجمره دم

- اي عمي اي شفتها لازملها دكتور امي ناخذها هاي سيارتي طابكها بالباب