الكاتبة: حوراء الحسيناوي
#برائة_وجشع
#البارت_21
عيوني انتن لا تنسن التصويت + التعاليق بين الفقرات + قَراءة مُمتعة 💖...
٠~٠~٠~٠~٠~٠~٠~٠~•♡•~٠~٠~٠~٠~٠~٠~٠~٠
- ماسمع اله الطفرات وصوت رجلين تركض ثواني ولكيت القوات الأمنية الخاصة فوك راسي ومحتلين البيت ويصيحون
- لحد تتحرك لحد تتحرك
حتى مالحكت استوعب شجاي يصير وهذوله منووو!!! لبسهم كله سواد بسواد وملثمين والاسلحة بديهم ويفرون براسهم طبيعي
اله واحد بيهم بس شافني انصدم و وسع عيونة وضل يباوعلي اني من الهبطه رجليه خدرن وماعاد ضليت احس بيهن ونور نام بالحمام مايدري طبولنه مُداهمه.....
ريهام:- انتم منو وشتردون!!!
- عدنه بلاغ ألقاء القبض على المُتهم نور الدين بالخطف وتجارة مخدرات، يلا فتشوا البيت كله
فاتو للغرف يدفرون بـ البيبان وهوَ بالحمام... صارت عيني على باب الحمام يارب مايطلع يارب مايطلع بس لا... طلع
انصدم وعقج حواجبة صفن شوية ثواني وفز مثل التذكر شي
نور الدين:- استريحوا ليش واكفين
المسؤول عليهم مـد ايده على نور وكال
- اعتقلوا
نور الدين:- افا مو احنه ربع ليش تخونون الملح والـزاد
ضربه بوكسي ابطنه حتى يسكت شهكت وصحت بي بخوف بدون ما انتبه
نور الدين:- شذى روحي
شذى:- نور شجاي يصيررر!! انتم شـبيڪم عوفو وين ماخذينه شمسوييي؟؟ ومنو القدم عليه بلاااغغ!!
نور الدين:- شـــــــــذى كتلج فوووتييي لجوه
الولد اليباوعلي مثل المصدوم كـال..
- ابوچ المشتگي
باوعله واحد وخزره وصاح بيهم يطلعون واخذوا نور وياهم واني ركضت للغرفة اخذت فلوس ولحكتهم بتكسي
خلوا بالمركز بالسجن الأنفرادي ويحققون ويا واني منتضره برا والوقت متأخر وبس الجنود تفتر وصوت التلفونات مالاتهم ما وكفت ولا ثانية راسي انسطر سطر
واني واگفه اجه واحد نفسه الجان يباوعلي مبدل من هذنيج ملابسة ولابس ملابس عادية وكف يمي وحجه
- ࢪوحي ماراح تـستفادين شي بـس الناس تباوعلج
- انتَ منو؟ مدري وين شايفتك
- انا اخو صاحبتج رغد
- حسن!
- امم، يلا خوية روحي ارجعي للبيت
- ماريد
- خوية الوقت متأخر والناس تفهم غلط ارجوج اࢪجعي ومن تطلع الشمس تعالي
أنت تقرأ
برائة وجشع
Misterio / Suspensoقُصة حقيقية لـ خمسَ صديقات، ولكُل صديقة قُصة مُختلفه عن الاخرى تأخذكم الى عالم الخيال والاثارة وما يُسمى بالصداقة الحقيقة لقد مَرت على صداقتنا 9 سنوات قابلة لـ 10 سنوات شـ:- صديقتي التي ضحت من اجلي هيَ فعلاً اكثرُ من صديقة عندما كان كُل شخص في عُتمت...
