برائة وجشع

البارت الخامس عشر

الكاتبة: حوراء الحسيناوي

#برائة_وجشع
#البارت_15

علقن بين الفقرات + دوسن ؏ النجمة + حساب الانستا Haore_Neaim + احبجن حُمب قَلبي💖..

يلا لملمن الحبشكلات والنمنميات واكعدن وحدجن بغرفة واقرن بهدوووء اشردن من هوسة الجهال وعرك الجناين وتعالن نعيش سوه 🥺🤍.

قَراءة مُمتعة عيوني....

__________________♡__________________

" انتَ شجاي تحجي شبيك هرموناتك گبن؟

" وروح امي ماجاي اطلعين من بالي وروح ابوي گلبي يوجعني وحق دم الحسين

" وشسوي اني يعني اني شدخلني

" احتاجج بس اسمع صوتج واشم عطرج احس گلبي يوجعني وحق هوَ الله

" سيف خوفتني شبيك

" نغم والله فرفحتي گلبي عليج وافقي وخلينه نخلص من هذا العذاب

" أنُ عذاب؟ عذابك وحدك اني مالي دخل خوش وبعد لا تراسلني

دزيتله هاي الرسالة وسديت التلفون واني ارجف وامسح بدموعي كرهت روحي لان سويت هذا التصرف ومافهمت منه شبي حيل كرهت روحي بس ماكدر اتعمق ويا بالحجي واني اذكر الماضي ماجاي اكدر اتخيله سيف الجديد مو القديم

بلكوه نمت وغمضت عيوني ماطلعت مراسلة طلعت جحيم عليه وحتى كوابيس شفت ومرتين فزيت والمره الثالثة فزيت بالصلاة وبعد مانمت ضليت اكنك واني متمدده على الجرباية واشاهد الصور مالاتنه مال التخرج والمقاطع واضحك على عفوية امهاتنه

لفت انتباهي بالتصوير علاء واكف على المسطبه ويباوع لرغد عدلت كعدتي وسويت سكرين وقربت الشاشة على وجهه حتى اتأكد

وطلع صحيح هوَ نفسه..!!!

عدت التصوير وشفته طلع من النادي و وكف ورا الطلاب يباوعلها ويبتسم عقجت حواجبي وحكيت راسي بثول شجاي يصير معقولة يحبها؟؟؟

لعد ليش مايعترف الها مايخطبها؟؟

مستحيل اسويها واكول لـ رغد ماكدر هيَ هم تعوفني مثل ميسم ما اتحمل والشباب مابيهم امان ومن جهه ثانية خفت عليها

وخوفني اكثر اجتني رسالة من يقين

" بربوك وعاهر مرضتي اخوي ونقلو للمستشفى بسببج ياجلبه شمسويتله هااا احجي
" احجي شمسويتله ساحرته؟
" اذا ماكلت لاهلي عليج واكلهم ساحرته تشوفي

هاي شبيها اسم الله دخيل علي بسرعة خابرتها ثواني ماتأخرت وفتحت خط تزمخ بوجهي

- والج عين بعد تخابرين يا ماتستحين و....

- كاااففي عاااد صرعتي راسي من صباح الله خير سيف شبي؟

- والله جان سئلتي روحج شمسويلته