#الكاتبة_حوراء_الحسيناوي
#رواية_برائة_وجشع
#البارت_3
علقن بين الفقرات + دوسن ؏ النجمة + سون مشاركة
"قرائة مُمتعة"
~~~~~~~~~~~~~~~~~~~~~~~~
صبا:- عبرته ومشيت بدون ما احجي، شفت زينب من بعيد تمشي علكيف متوترة تمشي وتفر براسها لورا شافتني سرعت بالمشي
ركضت وراها حيل وسحلت ايدها طخت بيه، حجيت
- انتِ ويا تلعبون عليه؟؟ ماتحجين تضحكون عليه؟؟ احجييي زينب تلعبين من ورا ضهري شجان يحجي حسين يهدد.......
بعدني ماكملت جمدت بمكاني من شفت اخوي الجبير قيس واكف بالباب مالنه
قيس:- شكو
زينب الحقيرة عبرتني وخلتني وحدي بالموقف، باوعت لوراي ورجعت باوعت عليه بدون ما ارد، حجه
- اييي لباجر نضل ساكتين؟؟
- شسمه هذا...... صديقتي...... اي شسمه صديقتي جانت يمي قصدي يمنه اني وزينب وراحت
- ياهيه نغم؟
- ها؟ لا لا مو نغم........ سكتت افكر بس نغم يعرفها ويعرف تربيتها ماتطلع بهيج وقت ماحجيت ضليت ساكته
سحبني من زندي حيل وطبك الباب وفوتني سحل للبيت لزمت ايده وحجيت بهدوء
- فدوة لا تصيح لا يكعد ابوي
- سكتتلج هواي لهنا وكافي طكت مرارتنا وملينه من سوالفج، كُلية ومشيناها الج مصروف وندفع قساط كليتج وساكتينن.... بس مال الكاج بنص اليل بالباب لا هاي ما ينسكت عنها وين ابوي
ركضت ورا لازمه ايده
- شبيك خل نحجي مو كلشي تخلي بنصنه ابوي غير اخوي وتفهمني ونتشارك بالهموم ليش بسرعة بعتني مو جنت يمك بكل حالاتك ليش هسه تريد تفتن عليه
- اخر مرة اسئلج المرة الثانيه الزك وجهج بالحايط شسوين برا البييييت، يلا جاوبي
ردت احجي مد اصبعه بوجهي
- جذب لا جذبين
صبا:- بس و......... ردت احجي ماكملت طلعت زينب وحجت
زينب:- جانت يم حسين
وسعت عيوني وفريت روحي، واكفه وراي منتجيه على الباب خزرتها بعصبية
زينب:- اي ليش جذب؟ كولي جذب
قيس:- كلام زينب صح؟
طلعت امي من غرفتها تحك بعيونها غميت گصتي، اكتملت السبحة
ام قيس:- ليش صوتكم طالع ماتولون تنامون
قيس:- اي يمه هوَ رايحين أنام مو صح صبا؟
صبا:- ها؟ اي اي صح
هزت ايدها وفاتت لغرفتها، سحبني قيس وفوتني لغرفتي وسد الباب
- كلام زينب صحيح؟؟
سكتت
- احجي وياج كلام نعال صح لو اجذب
أنت تقرأ
برائة وجشع
Misterio / Suspensoقُصة حقيقية لـ خمسَ صديقات، ولكُل صديقة قُصة مُختلفه عن الاخرى تأخذكم الى عالم الخيال والاثارة وما يُسمى بالصداقة الحقيقة لقد مَرت على صداقتنا 9 سنوات قابلة لـ 10 سنوات شـ:- صديقتي التي ضحت من اجلي هيَ فعلاً اكثرُ من صديقة عندما كان كُل شخص في عُتمت...
