برائة وجشع

البارت التاسع عشر

" تم التعديل...

الكاتبة: حوراء الحسيناوي

#برائة_وجشع
#البارت_19

لا تنسن التصويت والمهم والاهم التعاليق بين الفقرات ليش بس تشاهدن بدون تعاليق🤔...

قَراءة مُمتعة عيني وماي عيني💖....
_______________♡____________

من الهبطه الصارت بيه طفرت لنص الغرفة وايدي على گلبي ورجليه صارن سعفه من الخوف

اندك الشباج مرة ثانية صحت بصوت
- منوووو؟؟

- انا، هذا انا شبيج نغمتي

من عرفته سيف غمضت عيوني وعضيت شفتي متحلفه بي رحت وخرت البرده وفتحت الشباج وصحت بصوت ناصي يوحي للعصبية

نغم:- انتَ شبيك خبل تتطفر بنصاص الليالي بلا شافك واحد؟؟ امشي روح شتريد؟

- فكيلي باب الحديقة بروح الحسين

- شنو يمه شنو من كل عقلك داتحجي؟؟؟ روح بابا روح لا والله اكعد ابوي

- وحق الله اعدمج افتحي وسوي زين يلا اتانيج بالباب

كالها وراح للباب يأشرلي بيده يلا يلا استغفرت بصوت وسديت الشباج ورجعت البرده ورحت افتح الباب

بس فتحته فات لجوه علكيف وسد الباب ورا وركض لغرفتي على روس اصابيعه وعافني واكفه!!!!

ضليت اتلفت بالبيت خاف امي تصلي صلاة الليل لو اخواني كاعدين بس ماكو ولا واحد كاعد شعجب مروة وغيث نايمين

لحكته للغرفة وسحلته من زنده اكومه من جربايتي

- كوم كوم

- اففييشش عطرج يرد العافيه

- استغفرالله شلون يخليني اصيح واكعد اهلي واسويله سالفة شكبرها

- سويها اذا بطلة

- اسويها والله

- اشوف بلا

فتحت حلكي وصحت:- يماااااااا

وسع عيونة وطفر من الجرباية مخلي ايده على حلكي والثانية ورا راسي

عينه صارت للباب، باوعلي وهمس
- كاعدين؟؟

دفعته ومسحت حلكي
- ادبسز ماتستحي جايني بهيج وقت وتريدني اسكتتت، امشي اطلع برا

- دخيل محمد اسكتي تورطت على عمري من حبيتج خرب صفحتي

- لا صفحتك ولا حسابك اتكفه الشر وراجع لهلك

- شسوي ماكدر ارتاح اله اشوفج ساحرتني نغم احجي الصراحه

- اي ساحرتك مثل سحر نسوان اخوانك

- اعوذ بالله من الشيطان الرجيم شني ذكرج بيهن