كاتبة: حوراء الحسيناوي
#برائة_وجشع
#البارت_16
لا تنسن التصويت + علقن بين الفقرات + مُتابعة للحساب فضلاً وليس أمراً عيوني انتن 💖...
قَراءة مُمتعة گلبي ودكاته يالماتستاهلن💔
___________________♡_________________
من صدمة السمعته طلعت وكفت كدامه وصحت
- وينهن؟؟...
طلعت نغم من ورا ضهره بس شافتني بجت وخلت ايدها على حلكها بجيت وركضت حضنتها حيل وابجي، وثنيناتنه نبجي
ضحكت وهيَ تبجي وكالت
- حقيرة جلبه
شذى:- مطيه ليش ماعفتيني، هههه احبج
ورجعت حضنتها واضحك وابجي جنه مخبلات، اجاني صوت رغد نززني ماشفتها وخرت عن نغم وحضنتها اضحك حضنتني وتباركلي
رغد:- كلجن عرستن يبوووويي
ريهام:- مايصلح بنيتي يجيج الدور هههه
شذى:- لعد صبا وين؟ ميسم وين؟
ضلن وحده تباوع للثانية قطع سكوتنه نور الدين يستعجلنه كعدني بالصالة على كرسي وهنه واكفات ويصفكن ويركصن وصوت الديجي يمنه اصدقائة مخلينه بالباب كلش
نغم جابت قران تريد تخلي بيدي كلتلها مو نضيفه رجعته وخلت بس طاسة ماي وفتحت ايدي خلت بيهن هيل وبقيتهن مفتوحات
ريهام خلت البركع على راسي وكالت
- تفضل شيخ
فات الشيخ يسلم ويهلل واني من الرجفه والتوتر عوزي شوية وابجي نغم وكفت فوك راسي وتعصر بزندي
كعدو يمي نور الدين من جهه والشيخ من جهه وبده يحجي كلام من القران وطلب موافقتي بلكوه طلعت مني نعم وانتَ وكيلي والبنات طرشن اذني بالهلاهل البرابيك
النوب رجع لنور الدين انطا الموافقة وكام راح ونور راد يطلع جلبت بي ريهام
- وين وين والحلقات؟
حك راسة خجلان
- والله نسيتهن بالسيارة
نغم:- يا امداني، روحي خاله ودي واحد من الولد يجيبهن
نور الدين:- لا انا اروح المفتاح عندي
راح يجيبهن واحنه وحده تباوع للثانية
رغد:- انتِ امه؟
أنت تقرأ
برائة وجشع
Mystery / Thrillerقُصة حقيقية لـ خمسَ صديقات، ولكُل صديقة قُصة مُختلفه عن الاخرى تأخذكم الى عالم الخيال والاثارة وما يُسمى بالصداقة الحقيقة لقد مَرت على صداقتنا 9 سنوات قابلة لـ 10 سنوات شـ:- صديقتي التي ضحت من اجلي هيَ فعلاً اكثرُ من صديقة عندما كان كُل شخص في عُتمت...
