برائة وجشع

بارت هدية

بدون بدايات وتمضرط گبل ندخل بالبارت لان مستعجلة وراي بارتات للقصة الجديدة 😭😂.

ْ

ْ

«٠~«٠~«٠~«٠~«٠~«٠

- وألى هُنا تَنتهي حلقتنا لهذا اليوم نراكم في الحلقة القادمة، مع السلامة

- تصفيق... احسنتي ألاداء احسنتي، ضهورج وكلامج جداً رائع من دواعي سروري اطلب منج أن تأخذين استراحة في مكتبي
عن اذنج طبعاً

- جداً عادي ماكو مشكلة اتشرف بيك استاذ خالد

- تفضلي لطفاً

هزيت راسي وتحركت امشي كدامة بَعد ما انطيت لاقطة القناة للولد المُساعد خَلف الكواليس

كعدت على الكرسي، كعد مقابيلي يبتسم ويباوعلي كأني مراية وديباوع لنفسة شبي ماعرف...

خالد:- ماحب اطول بالحجي واصير من هذولة المراهقين اليلعبون على البنات
صبا انا نيتي صافية واريد اجيكم من الباب اتقدملج على سنة الله ورسولة

صدمني الصراحة
اني اعرف عندة حجي ومن اول يوم عرفتة حباني بس كلت يجوز اتوهم بس هسه تأكدت من احساسي

صفنت بوجهه ابلع بريجي بدون ما احجي..

خالد:- عادي اخذي راحتج مو هسة تنطين أجابة شوكت ماتحبين انا موجود واسمع ردج برحابة صدر

صبا:- ءءشسمه ءاستاذ اني ... أني شسمه أني متزوجة

- مُطلقة
- ءايي اي مُطلقة وانتَ اعزب
- بس فهميني ناوية ترجعين لزوجج؟
- ايع ل.. قصدي لا بس عبالي متعرف

- شلون ما اعرف جا والاوراق والسجل مالتج... غير مكتوب على الاتفاق مالنة لو نسيتي

- ءءماعرف ن.. نسيت

- هههههه، لا تتوترين والله عادي اعتبريني اي شي يريحج المهم اخذي راحتج

- اكدر اروح؟
- وين ماشربتي جايج
- للمرة الثانية
- ابيتكم انشاء الله

ابتسمت ضاهرات اسناني من التوتر وهوَ عبالة موافقة من ابتسمت وهزيت راسي.. طلعت من مكتبة أجرت تكسي وانصدمت من التكسي وگف مقابيل بيت نغم..

صبا:- شكو وكفت هنا؟

::- خوية انتِ انطيتيني هذا العنوان
- والله؟
- اي والله
- ها العفو..

انطيتة الكروة ونزلت اعصر بدية وافر براسي بدون لا ادك الباب ولا حتى تحركت من مكاني
نزلت من التكسي و وكفت، بس شكلها الملعونة شافتني بالكامرات وفتحتلي الباب

نغم:- تعااااي شبيج جنج مخطوفة، تعااي ولج لا يجيني سيييف اركضي

دخلت للبيت سدت الباب تضحك بوجهي
:- شبيج لونج مخطوف!!