برائة وجشع

البارت الثاني عشر

الكاتبة: حوراء الحسيناوي

#برائة_وجشع
#البارت_١٢

لا تنسن التصويت + التعاليق بين الفقرات + متابعة للحساب وتوجيه للرواية + شكر خاص للمُعلقات💖..

قَراءة مُمتعة عيوني.... "

__________________♡___________________

- ليش خوية، متأكد هوَ الكالك؟، زين ليش ما خابرني وكالي بنفسه، هذهو براحتكم، لا لا شني السالفة ماصار شي، مع السلامه

ام غيث:- ها شكو منو الخابرك ريحت گلوبنه

كعد وباوعلي بضوجة

ابو غيث:- سيف كايل لـ ابو لكه مره وكاله اتعذر من عمي نيابة عني

الكل ضل يباوعلي غصيت وردت ابجي بلكوه لزمت روحي وضحكت على اعصابي

نغم:- خفتاً وراحه يمه توني ارتاحيت

ابو غيث:- نغم شحجيتي وي الولد

- شحجيت يابه ماحجيت شي

- نغم لا اجذبين الولد خابرني الصبح واخذج للجامعة وهوَ الممنون ورجع جابج وفرحان ليش بهل سهولة غير رأيه

- شمدريني يابه قابل اشم ايدي اكيد عرفني ماريده وماحبه وبطل مني

- شايفه لو طلعتي حاجيه شي كدامه و صحتي بوجهه الجامعة بعد ما تشوفينها

- شنو شنو؟ الجامعة شعليها فدوة لا ادخلها بالنص عوفها على صفحه

- تعبت منج هذا رابع واحد يجي ويبطل شسويله وشتكليله ويبطل غير اريد اعرف السببب شكووو شتحجين وياااهم

- بابا اني شعليه همَ يبطلون قابل اني....

- ايي انتِ انتُ صار هذا سيف الخامس ويبطل غير اكو سبب يعني من تكعدين وياهم شتحجين؟

اي صحيح يجون يتقدون الي ومن يصير وقت الشوفه الشرعية احجي وي الولد وافهمه أنُ اني ما وافقة واهلي جبروني واكله انتَ ارفضني من طرفكم
اكو بيهم ضاجوا وعارضوا بس اكيد محد ياخذ وحده مجبورة وثاني يوم يردون الرفض

اني ما مستعده ازوج واخرب مستقبل الي راح يزوجني واعيشه بوهم على أنُ لابد يجي يوم واحبه، ماكدر اخطي هيج خطوه جريئة 

واني اخاف من شي اسمه رجال واخاف من شخص يتقربلي مثل ماجان سيف يتقربلي وخله عندي خوفه من هل شي جاي احاول بكل ماعندي اقوي نفسي وافكر علما اتخرج واتعين بعدين الله يسهلها الي