الكاتبة: حوراء الحسيناوي
#برائة_وجشع
#البارت_18
لا تنسن التصويت + التعاليق بين الفقرات + قَراءة مُمتعة 💖....
_____________♡_____________
بس نزلنه من السيارة تلكانه الدخان والحر من شدة النار العالية، لهل درجة محترك البيت....
لزم كتفي وعينه على البيت
- لا تلحكيني ارجعي للسيارة
- لا لا مستحيل ماعوفك وين تريد
ضل يتلفت ويحجي ويباوعلي
- شذى ماريد احد يشوفج وياي ويعرفج كتلج ضلي بالسيارة بس اشوف شحركه واجي والله ماعوفج شبيج حاولي تفهميني
- بس....
- اروحلج فدوه روحي للسيارة
هزيت راسي واني امشي باتجاه السيارة وعيني عليه، بس صعدت وسديت الباب فر راسة وركض بنص الوادم للبيت
والوادم تركض ومحد يدري الصاير واني اعصر بيدي من التوتر وخايفه....
ماكدرت اتحمل لان تأخر مارجع والناس تروح وترجع تهز بديها، فتحت السيارة ونزلت شفت ثنين عيونهم على السيارة بأتجاهي يمشون ويسولفون بهمس وكفت وكلتلهم...
- فدوة بس سؤال، هذا البيت شحركه شنو سبب الحرك؟
- محد يدري ناس تكول حرك متعمد وناس تكول ناسين الطباخ واحترك
كال الثاني وهو يأشر على سيارة نور الدين..
- هاي مو سيارة نور الدين؟؟
خرب يومج شذى رحتي بيها المن نزلتي هسه يعرفوني
- شسوين بسيارته؟ تعوديله انتِ؟؟
ماحجيت
- لا يمعود شتعودله غير ماعنده اهل
صحت بيهم بعصبيه
- كااافي عاد شبيكم ماتستحون شنو هذا كلامكم مايخصكم بي عنده اهل لو ماعنده خوووشش
هزو اديهم وراحوا وهمه يحجون:- خبله هاي؟
- اكيد جابها من الملاهي مثل كل مرة
هذوله شجاي يحجووننن، مثل كل مره شنوو؟؟؟؟ احتركت ودويت احتاريت شسوي و وين اروح ضليت افتر بصف والناس تباوعلي لان اني الوحيده البنية بنص الشباب والهوسه مدري يتسائلون على سيارة نور
فجأة وصار صوت صياح شباب وهوسه كلش صارت قوية فزعت بخوف من سمعت واحد يصيح:- الزموا لا يفوتتت
أنت تقرأ
برائة وجشع
Misterio / Suspensoقُصة حقيقية لـ خمسَ صديقات، ولكُل صديقة قُصة مُختلفه عن الاخرى تأخذكم الى عالم الخيال والاثارة وما يُسمى بالصداقة الحقيقة لقد مَرت على صداقتنا 9 سنوات قابلة لـ 10 سنوات شـ:- صديقتي التي ضحت من اجلي هيَ فعلاً اكثرُ من صديقة عندما كان كُل شخص في عُتمت...
