برائة وجشع

البارت الثامن

برائة وجشع

الكاتبة: حوراء الحسيناوي

لا تنسن التصويت + التعاليق بين الفقرات + متابعة لـ حسابي فضلاً وليس أمراً 🤍...

قَراءة مُمتعة ي عيوني...
__________________♡_________________

- عووووفنييي وخر عني وخررر الله ياخذككك

- صووتجج بتلخراا نصيي صوتج

- والعباس افضحك اذا ماعفتنيي

- ههههههه ايي بلا شلون تفضحيني تنشرين صوري لو شنو

- حسين عوفني الله يخليك تورطت من دزيتلك، والله عبالي تحبني ماعبالي تحب اختي اذا تحبها شكو تفتر ورااايي شتريد منيي

حسين- اريد اخذج نقطة ضعف الها ادري بيها ماتحبني

- ان تدري بيها ماتحبك شكوو لازلك الها خاف ربك

- اكوللل لا دوخيني هسه انا رايح واذا مارحتي وجبرتيها توافق تلكين صورج بكل مكان زين لو لا

ابتعد عني، كمت لزمت ايده

زينب بترجي:- بس اني احبك

سحب ايده حيل....

- بس انا ماحبج احب صبا

- جا ليش سويتلي كل هذااا لييش عيشتني احلااام وردية وبعدين نكرتنيي للييشش

- والله محد كلج انزعيلي بحجة تحبيني

عافني وراح وخلاني اكل بروحي واعض اصابيعي ندم لان سمحتله يتقربلي ويصورني بدون علمي.....

مرن كم يوم هدوء الى أن راسلني....

" حسين "
( الج مُهله منا لباجر اذا مارحتي لختج وقنعتيها توافق وتنزل من المهر ماكو داعي اكول شسوي مو!!)

دزيتله بصمة

( لا تخوفني ولا تهز مني شعره لا عبالك اخاف ، لا لا صح خفت بما فيه الكفايه بس لحد هنا وخلص بعد ماخاف أن جنت تهددني اني هم اهدد وعندي كل بصماتك التهددني بيهن اكدر اشوفهن لابوي وساعتها نفكر شنرد عليك)

كتب رسالة

(خلص شغلي وياج ست زينب اجه شغل الشرف)

مافهمت قصده بس غلست عندي شي ابالي حالياً وهوَ اريده بس يعوفني ولا يلعب بشرفي ويهدد تعبت حرفياً تعبت

شكد حاولت احجيلها واكلها يهددني وجان واعدني يزوجني ويحبني بس ردة فعلها تخوفني من تصيح وتتنرفز بس تريد تعرف شنو نوع الصور والمقاطع مايهمها مشاعري الي حطمهن

كلما اوصل للصفر واقرر احجي اتردد وابطل ما احجي افكر شلون جان يستغلني ويخليني ادزله صور علساس يحبني ويجي يخطبني.. لكن طلع مستعملني كـ اداة حتى يضغط على صبا عن طريقي