الكاتبة : حوراء الحسيناوي
#برائة_وجشع
#البارت_24
لا تنسن التصويت + التعاليق بين الفقࢪات + مُتابعة للحساب فضلاً وليس أمراً يࢪوحي انتن💖...
~٠«~٠«~٠«~٠«~٠«~٠«~٠«~٠«~٠«~٠«~٠«
بدلت وأخذت ألاوراق الاحتاچهن وأجرت تگسي ورحت لمركز المدينة لان أبوي ماقبل يروح وياي وگال....
::- ماگدر اخذچ واضل وياچ لان لزمت بيت مقاول، اذا تࢪدين بس اوصلچ واࢪوح للشغل
::- لا لا لاتتأخر على شغلڪ روح أني اروح وحدي عادي
::- هذهو، واذا تحتاجين شي خابريني
وصلت للمكان وأنطيتهم كافة المعلومات وبقيت أنتظر الاستمارة وادعي بداخلي يارب يطلع اسمي هنا
ماخليت امام ولا سيد اليعتب عليه مانخيته بس حتى يطلع اسمي هنا
فز گل شي بجسمي من صاحوا بأسمي...
::- رغـد واثق عبدالعزيز
- اني
- هاي أوراقچ
اخذتهن وطلعت واني لازمه گلبي بيدي وادعي بداخلي ماعندي الچرئة اشوفها وعيني ضلت تحوم بالمگان
ترددت افتحها وگلت من اوصل لبيتنا حتى اسيطر على ردة فعلي بس ماگدرت وفتحتها....
::- ها شلونج
:- يُماااا
:- ههههه شبيج
:- نزيت
- ها استلمتي المعاملة؟ وين طلعتي؟
دنكت راسي للاوراق وحجيت
- بعدني هستوني اريد افتحها ونززتني
- يلا لعد نشوفها سوه
- اخاف يطلع مو هنا
- ميخالف اني اصير الشوفير مالتچ واخذچ وارجعج
- يااا هيَ مو ع التگسي لعد والتعب
- دفتحيها يمعودة
فتحتها ومديت ايدي واطيته الاوراق، ضحك وخذاهن مني يقرا بيهن وعاقج حواجبة
رغد:- ها شنو؟
علاء:- مو هنا
- لااااااا !!! تشاقة صح!!.... شو بلاا
- اشاقة اشاقة
- شنو؟
اخذتهن منه وقريتهن، ويااااربي صدك فرحتتت ودي اگمز وابوسه بس الناس ضلت تباوعلي من صحت....
- اييييي الحمدلله ربييييي
- صوتج صوتج
- هههههه فرحااانة فرحانة وأخيراً طلع هناااا ياربي الحمدلله والشكر الحمدلله
- الحمدلله
- اف والله على هاي الفرحه اله اعزمك
- اااا؟؟
أنت تقرأ
برائة وجشع
Mystery / Thrillerقُصة حقيقية لـ خمسَ صديقات، ولكُل صديقة قُصة مُختلفه عن الاخرى تأخذكم الى عالم الخيال والاثارة وما يُسمى بالصداقة الحقيقة لقد مَرت على صداقتنا 9 سنوات قابلة لـ 10 سنوات شـ:- صديقتي التي ضحت من اجلي هيَ فعلاً اكثرُ من صديقة عندما كان كُل شخص في عُتمت...
