Can I borrow 1500?

9

ကန်တင်းသွားဖို့ ဂွန်းနု လာအ​ခေါ်ကို ​
စောင့်​နေတုန်း အခန်း​ရှေ့က အစ်ကိုတို့
သူငယ်ချင်း​တွေဖြတ်​လျှောက်သွားတာကို
မြင်လိုက်​တော့ ချွမ်း​ရွေ့ ​ခေါင်းကိုခုံ​ပေါ်​မှောက်ပြီး မျက်နှာကိုလည်း ​ဘေးကိုလှည့်ထားလိုက်သည်။
ဘာလို့လည်းမသိ ဒီရက်ပိုင်းအတွင်း
ချွမ်း​ရွေ့သည် အစ်ကိုကို့မ​တွေ့ချင်၊​
ရှောင်​နေတယ်လို့ဆိုရင်လည်း ​ရှောင်​နေတယ်ပေါ့။
အစ်ကိုကလည်း အရင်ဆက်သွယ်တာမျိုးလည်း
မလုပ်​တော့ ပိုပြီး​တောင် စိတ်ထဲအလိုမကျ။

ဖုန်းထဲ စာ၀င်လာလို့ ကြည့်လိုက်​တော့ ဂွန်းနုက
သူလည်းထွက်လာ​နေပြီမို့လို့ ​ဟျောင်းလည်း
ထွက်လာ​တော့ ​ဆိုပြီးပို့ထားတာဖြစ်​နေသည်။
အရင်တစ်​ခေါက်က အစား​သောက်​တွေ​
မှောက်ကျတဲ့အ​ကြောင်း ဂွန်းနုကို ​ပြောပြလိုက်​တော့ ​နောက်ဆို သူနဲ့မှ အတူတူသွားမယ်ဆိုပြီး ​
ပြောလာ​သည်။ ချွမ်း​ရွေ့ကလည်း ဒီစကားကို​တော့ သ​ဘောတူသည်၊မဟုတ်ရင် သူတစ်​ယောက်တည်း
မလုပ်တတ်၊ မကိုင်တတ်နဲ့
အူ​ကြောင်​ကြောင်​လေးဖြစ်​နေမှာ။

အခန်းထဲကမထွက်ခင် ဟိုကြည့်၊ဒီကြည့်
အရင်ကြည့်လိုက်​တော့ မြင်ကွင်းကရှင်းသည်၊
အစ်ကိုကို့ မ​တွေ့။ ​ခြေလှမ်း​တွေကို
ခပ်သွက်သွက်လှမ်းပြီး မ​ပြေးရုံတမယ်​​
လျှောက်သွားလိုက်သည်။​လှေကား​နားမ​ရောက်ခင်မှာ အစ်ကိုကို့လှမ်းမြင်လိုက်​တော့
​ပြေးပုန်းမယ်အလုပ် အစ်ကို​ဘေးမှာ
​ကောင်မ​လေးတစ်​ယောက်။ စာအုပ်​တွေကိုလည်း
ကူသယ်​ပေးထား​သေးသည်။ ချွမ်း​ရွေ့က
ဒါကိုမြင်​တော့ ရင်ထဲမှာ ငိုချင်လာသလို၊
ဘာဖြစ်မှန်းမသိ။

အစ်ကိုက သူ့ကိုမြင်​တော့ ပြုံးပြလာလို့
ချွမ်း​ရွေ့က တစ်ချက်ခပ်မြန်မြန်ပြုံးပြပြီး
ကန်တင်းကိုသာ သွားလိုက်​တော့သည်။
.
.
"​ဟျောင်း ဘာမှမစားဘူးလား"

ကန်တင်းကို​လာ​တော့လည်း ဆူပုတ်​နေပြီး
အခုလည်း အရိုးမရှိတဲ့လူလို ကုန်းကုန်း​လေး
ထိုင်​နေသည်။ ချွမ်း​ရွေ့ကိုကြည့်ပြီး ဂွန်းနု​တောင်
ဘာမှစားချင်စိတ်မရှိ​တော့။
မ​ကောင်းတဲ့ energy ​တွေဆိုတာ တကယ့်ကို
ကူးစက်တတ်တယ်ဆိုတာ ဂွန်းနု လက်ခံသွားပြီ။