"ဘာဖြစ်နေတာလဲ သား ၊နေမကောင်းဘူးလား"
ဒီရက်ပိုင်းမျက်နှာမကောင်းသည့်
သားလေးကိုကြည့်ပြီစိတ်မသက်မသာ။
"နေကောင်းတယ် ဒီတိုင်းပျင်းလို့"
မားမားက သူ့ကို အကဲခတ်နေတာမို့လို့
ချွမ်းရွေ့က မလိမ်တတ်၊လိမ်တတ်နဲ့
လိမ်ပြောလိုက်သည်။မားမားကို ပြောလိုက်လို့
အဆူခံရမှာလည်း ချွမ်းရွေ့က
ကြောက်ပါသေးသည်။
"တက္ကသိုလ်ကျောင်းသားတောင်ဖြစ်နေပြီ
ပျင်းရင် သူငယ်ချင်းတွေနဲ့ လျှောက်လည်တာလေး ဘာလေးလုပ်ပေါ့ မား သားကို အချိန်ပိုင်း
အလုပ်လေးဘာလေးလည်း လုပ်စေချင်တယ် "
ကိုယ်ဘာကိုယ်စိတ်ညစ်နေရတဲ့ကြားထဲ
အလုပ်ပါလာလုပ်ခိုင်းနေသည့် မားမားကြောင့်
ချွမ်းရွေ့ ပိုပြီးတောင် ဆူပုတ်သွားရသည်။
"ဂွန်းနု ဆီဘဲသွားတော့မယ်"
ဆူပုတ် ဆောင့်အောင့်ပြီးထွက်သွားသည့်
သားလေးကို မနိုင်သလိုကြည့်မိသည်။
တစ်ယောက်တည်းရှိတဲ့ သားလေးမို့လို့
အမှီအခိုကင်းကင်းနဲ့
သွက်သွက်လက်လက်လေးဖြစ်စေချင်တာ
ချွမ်းရွေ့ကပဲ ကလေးစိတ်လေးလား၊
သူမတို့လင်မယားနှစ်ယောက်ပဲ
အလိုလိုက်တာ များသွားလို့လား မသိ
တကယ့်ကို နှေးနှေးကွေးကွေးလေးနဲ့
ရွယ်တူကလေးတွေလို ဆိုးတာ၊ဆော့တာလည်းမရှိ။လိမ္မာတာလေးကတော့ကောင်းပေမဲ့ ကလေးကို သွက်သွက်လေးဖြစ်စေချင်သည်။
.
.
မားမား ဆူနေလို့သာ ချွမ်းရွေ့က ထွက်လာပေမဲ့
ဂွန်းနုအိမ်လည်းမသွားချင်၊ စိတ်ညစ်နေတာကိုလည်း ဘယ်သူကို ဘယ်လိုပြောပြရမလဲမသိ။
ပိတ်ရက်နှစ်ရက်လုံး အိမ်မှာ ခွေနေလို့
မားမားကတောင် နေမကောင်းဘူးထင်ရင် ချွမ်းရွေ့
မူပျက်နေတာ ပြင်းထန်လို့ဆိုတာ သတိထားမိသည်။
အခုနေများ အစ်ကိုကို့တွေ့လိုက်ရင် ချွမ်းရွေ့
စိတ်လေးတွေ နည်းနည်းပျော်သွားမည်ထင်သည်။
စိတ်ထဲမှာလစ်ဟာနေတော့ လူက
ဗိုက်ဆာလာသလိုလို၊လမ်းဘေးလက်တွန်းလှည်းဆိုင်လေးထဲ၀င်ပြီး တော့ပိုကီ
တစ်ပွဲစားဖို့လုပ်လိုက်သည်။တကယ်ဆို
ချွမ်းရွေ့က အစပ်သိပ်မစားနိုင်။ဒီနေ့တော့
ထူးထူးဆန်းဆန်း အစပ်စားချင်နေသလိုလို။ မှာ
လိုက်ပေမဲ့လည်း သုံး၊လေးခုလောက်စားပြီးနောက် ပါးစပ်တစ်ခုလုံးပူထူလာပြီး၊
မျက်ရည်တွေလည်းကျလာတာမို့လို့
ဆက်တောင်မစားနိုင်။မှာထားတာကို
မကုန်ရင်လည်း နှမြောစရာကြီးမို့လို့
သည်းခံပြီးသာ အကုန်ကုန်အောင် စားလိုက်သည်။ စိတ်ညစ်ပြေသွားပေမဲ့ ပိုက်ဆံကတော့
အတော်လေးကိုကုန်သွားသည်။
စပ်လည်းစပ်၊ပူလည်းပူလွန်းလို့ ချွမ်းရွေ့
ချွေးတွေရော၊မျက်ရည်တွေရောနဲ့ ဘေးကကားမှန်မှာပေါ်နေသည့် သူ့ပုံရိပ်သည် မြောင်းထဲကကြောင်လေးသာသာ ပေကျံနေသည်။
