វង្វេងស្នេហ៍ (Lost In Your EYES)

ភាគ១២

- MANOBAN GROUP

    នៅក្នុង studio ថត បុគ្គលិកប្រហែលជា១០នាក់ជាង រួមមានទាំងលីសា ដូហ្យុន និងមនុស្សប្រុសម្នាក់ទៀតរាងខ្ពស់សង្ហា ស្លៀកពាក់ឯកសណ្ឋានក្រហ្សេធ្វើការយ៉ាងទ្រនុយភ្លឹង កំពុងតែឈរមើលជេននីថតរូប។

«វ៉ាវ...នេះឬអ្នកនាងជេននី គីម? ខ្ញុំឮតែគេនិយាយពេលបានមកឃើញដោយផ្ទាល់ ពិតជាស្អាត ស្អាតខ្លាំង ហើយថែមពូកែទៀត អរគុណអ្នកនាង ម៉ាណូបាន ដែលអនុញ្ញាតអោយខ្ញុំមកមើលដោយផ្ទាល់បែបនេះ» កម្លោះសង្ហាសេហ៊ុន ឈរសម្លឹងមើលរាងតូចកំពុថត សរសើរនាងមិនដាច់ពីមាត់។
«មិនចាំបាច់គួរសមទេលោក អូ» លីសាឆ្លើយដោយទឹកមុខមាំ សម្លេងត្រជាក់ល្ហឹម នាងមិនសូវពេញចិត្តតែគេមិនហ៊ាននិយាយ តើអ្នកណាដែលពេញពេលដែលអ្នកផ្សេងមកសរសើរសង្សារខ្លួនឯងនៅនឹងមុខពេញៗមាត់បែបនេះនោះ? តែក៏គ្មានជម្រើស ព្រោះសេហ៊ុនម្នាក់នេះសុំអនុញ្ញាតនាង ចូលក្នុង studio ដើម្បីមកមើលជេននីថត ទោះនាងមានសិទ្ធប្រកែកតែធ្វើបែបនេះវាមិនសមហេតុផល ព្រោះនាយក៏មានភាគហ៊ុនមួយចំណែកលើប្រ៊ែននេះដែរ។
២០នាទីក្រោយជេននីក៏បានថតចប់ រួចនាងក៏ដើរមកកាន់កន្លែងដែលលីសានិងដូហ្យុនកំពុងឈរ
«អ្នកនាងជេននីពិតជាពូកែមែន ធ្វើបានល្អណាស់!» ដូហ្យុនបោះសម្តីសរសើរទៅកាន់រាងតូច។
«អរគុណលោកលី! ខ្ញុំមានកិត្តយសណាស់ដែល CEO ក្រុមហ៊ុន និងលោកលីមកមើលដោយផ្ទាល់បែបនេះ» រាងតូចញញឹម។
«សួស្តីអ្នកនាងគីម ខ្ញុំគឺអូ សេហ៊ុន ជាអ្នកវិនិយោគទន់ម្នាក់ជាមួយក្រុមហ៊ុន MANOBAN GROUP រីករាយដែលបានជួបអ្នកនាង» សេហ៊ុនណែនាំខ្លួនទៅកាន់ជេននី រួចក៏ហុចដៃម្ខាងសុំអនុញ្ញាតិរាងតូចចាប់ដៃដើម្បីជាការរាក់ទាក់។
«អូ...រីករាយដែលបានជួបលោក អូ» រាងតូចចាប់ដៃសេហ៊ុនទាំងញញឹមបែបមិនសូវសម។
«អឹម...អ្នកនាងជេននី សូមអញ្ជើញទៅកាន់បន្ទប់ អ្នកនាងតូចដើម្បីពិនិត្យមើលរូបភាពអំបាញ់មិញ ថាអ្នកនាងពេញចិត្តមួយណា រូបភាពមួយណាដែលអ្នកនាងជ្រើសរើស បាទ» ដូហ្យុន
«ហេតុអីក៏មិនមើលនៅទីនេះ?» សេហ៊ុន
«លោកមានបញ្ហាអីឬ?» លីសាបញ្ចេញទឹកមុខមាំដាក់សេហ៊ុន។
«អា៎...ខ្ញុំគ្មានបញ្ហាអីទេ!» នាយថាហើយក៏អោនខិតទៅកាន់ត្រចៀករបស់ជេននីរួចនិយាយ៖
«បើមានឪកាស លើកក្រោយខ្ញុំចង់បបួលអ្នកនាងទៅញុំាបាយខាងក្រៅជាមួយគ្នា» នាយអោនខ្សឹបទៅកាន់ត្រចៀករបស់ជេននី ហាក់គ្មានក្រែងចិត្តអ្នកដែលឈរនៅក្បែរៗនោះសោះ។ លីសាឈរសម្លឹងមើលសកម្មភាពគេ ចុងច្រមុះ ចុងត្រចៀក ឡើងពណ៌ក្រហម បញ្ចេញក្តៅពេញខ្លួនព្រោះតែនិយាយចេញមកក្រៅមិនបាន។ ដូហ្យុនឃើញអ្នកនាងរបស់ខ្លួនបែបនេះ នាយក៏ប្រញ៉ាប់ទាញសេហ៊ុនចេញ រួចនិយាយបង្វែរស្ថានការណ៍។
«លោកអូ ខ្ញុំមាន project ថ្មីមួយចង់ពិភាក្សាជាមួយលោកជាបន្ទាន់ ពួកយើងអាចទៅនិយាយកន្លែងផ្សេង តែពីរនាក់បានឬអត់?» នាយនិយាយបណ្តើរកៀកក.សេហ៊ុនចេញក្រៅបណ្តើរ ដោយមិនចាំអោយគេតបនោះទេ។
«អញ្ជើញមកតាមខ្ញុំ អ្នកនាងគីម!» ថាហើយលីសាក៏ដើរចេញទៅមុន ទុកអោយរាងតូចនៅឈរបញ្ចេញចម្ងល់លើផ្ទៃមុខ រួចនាងក៏ដើមតាមពីក្រោយ។