"ကိုကို မင်္ဂလာပါ"
Fan letter ဖတ်နေရင်း မြန်မာလို နှုတ်ဆက်သံကြောင့် ကျွန်တော်မော့ကြည့်လိုက်တော့ ချစ်စရာကောင်းတဲ့ ကလေးမလေးတစ်ယောက်က အရှေ့မှာ မတ်တပ်ရပ်လို့နေတယ်။
Korea မှာ အနေကြာလာလိုက်တာ မြန်မာလိုနှုတ်ဆက်သံကို သေချာမကြားရတာပဲ ဘယ်လောက်တောင်ကြာလှပြီလဲ။ လုံးဝကြီးမကြားရတာတော့မဟုတ်ဘဲ ဒီမှာလည်း မြန်မာတွေ ရှိနေတာမို့ ပွဲတွေတက်တိုင်း နှုတ်ဆက်တတ်ကြသည့်တိုင် ဒီတလော မကြားရတာ တကယ်ကြာနေပြီ။
မနွယ်နဲ့ ယုကီကတော့ ပြောပေမယ့် တခြားတစ်ယောက်ဆီက မြန်မာစကားကို ကြားရတာ သူ့နှုတ်ခမ်းတွေကို ပြုံးမိစေတော့တာပါပဲ။
"မင်္ဂလာပါဗျာ ... မြန်မာလိုတတ်တာလား"
"မီးက မြန်မာပါ ဒီမှာ ကျောင်းလာတက်တာ"
"Awwn ဟုတ်ပါပြီ ထိုင်ပါဦး။ ဒီမှာ ရေသောက်နော်"
ကျစ်ဆံမြီးနှစ်ဖက်ကျစ်ထားပြီး ပန်းပွင့်ဂါဝန်ဝတ်ကာ မျက်မှန်အဝိုင်းတပ်ထားတဲ့ ပြည့်ပြည့်ဖူးဖူး ကလေးမလေးက ကျွန်တော့်မျက်လုံးထဲမှာ အင်မတန် ချစ်စရာကောင်းနေသလို။
Fan sign လုပ်ရင်းနဲ့ 15 မိနစ် စကားပြောနိုင်တဲ့ fan service မဲကို ပေါက်လာဟန်တူပါတယ်။ ကိုယ့်ရှေ့က လူက မြန်မာလို့ စဉ်းစားလိုက်ရုံနဲ့ စိတ်ထဲကိုနွေးသွားရတဲ့အထိ။
"ကျောင်းကလာခဲ့တာ အပြန်ကျရင် ပွဲတစ်ခု သွားစရာရှိတယ် ကိုကိုလိုက်ခဲ့မှ ရမယ်"
"ကျွန်တော် လိုက်ခဲ့ရမယ့်ပွဲလား ဘာလို့လဲ"
"အင်း ကိုကိုနဲ့ မင်္ဂလာပွဲလေး နွှဲမလို့လေ"
ပြုံးစိစိနဲ့ ပြောရင်း မျက်စိတစ်ဖက်မှိတ်ပြလာပြန်တော့ သူ့မှာ သဘောတကျ ရယ်မောရတော့တာပါပဲ။ မကြာခဏဆိုသလို fan တွေဆီက flirt တာကို ကြုံနေကျဆိုပေမယ့် ဒီကလေးမ သေးသေးလေးကတော့ ချစ်ဖို့ကောင်းလွန်းပြီး အူယားစရာလေး ဖြစ်လို့နေတယ်။
သူစကားပြောပုံက ပုံမှန်မြင်နေကျ ဆယ်ကျော်သက်လေးတွေလိုမဟုတ်ဘဲ ကလေးဆန်ဆန်နဲ့ ပီဘိကလေးတစ်ယောက်လိုမို့ ညီမလေးတွေဆို ချစ်တတ်တဲ့ ကျွန်တော့်မှာ ယုကီကို လုပ်နေကျလို ခေါင်းမပုတ်မိဖို့ စိတ်ထိန်းနေရတယ်။
YOU ARE READING
ဒီဇင်ဘာမှသည် (Starting in December Season II)
Roman d'amourအဲဒီတုန်းက တကယ်ပျော်ခဲ့ရလို့ဖြစ်မယ် ငါ့အရင်နှစ်တွေမှာတုန်းက မင်းကိုတွေ့ခဲ့ရသလိုမျိုး နောက်ဘယ်တော့မှ ပြန်မတွေ့တော့ဘူး ငါ့ကိုယ်ငါရော မင်းကိုရော ... ။ ။
