වෙලාව හවස හයටත් කිට්ටු ඇති , මමත් පොඩි එකා එක්ක ආවේ ගෝල්ෆේස් එකට වෙද්දී ... ඉරත් මහන්සි නිවා ගන්න ... මුහුද එක්ක හාද වෙවී හිටියේ ... මුහුද එක්ක මනුස්සයන්ට තියෙන්නෙ මොන වගෙ බැදීමක්ද කියලා ඇත්තට ම තාමත් මට හිතාගන්න බෑ... උදේ වරුව ලා මීදුමකුත් එක්කලා , දවල්ට , හවසට ඉර එළිය එක්කලා රැල්ලේ ගහන වතුර දිලිසෙනවා හරියට නිකම් දිලිසෙන රත්තරං පාට රෙද්දක් එළලා වගේ...එතකොට රෑට මං හිතන්නෙ දවසෙම වෙච්ච දේවල් හදට කියනවා ඇති ...
ඉතිං කොච්චර බලා හිටියත් ඇති වෙන්නෙම නෑ... මුහුද ලගටම ගිහින් එන හුලගත් ඇගේ වැදීගෙන යන අතරෙම ලොකු හුස්මක් අතෑරියම ... හිතට සැනසීමක් ... සමහර මිනිස්සු ඒ විනාඩි ගානක සැනසීමට ඇබ්බැහි වෙනවා....දන්නවද ?
මාත් එහෙම මනුස්සයෙක් ... මුට්ට කරගහගෙන යන මිනිහෙක්ට ඒක බිමින් තිබ්බාම දැනෙන විනාඩි ගානක නිදහස වගේ ... මමත් විනාඩි ගානකට වගකීම් කියන දේ බිමින් තිබ්බා...හුස්ම ගත්තා...
" ලොකූ..."
මුහුද ඉස්සරහ තිබ්බ බැම්මේ ඉදගෙන කල්පනා ලෝකෙ හිටපු මම භූමි දිහා බැලුවේ ඌත් මෙච්චර වෙලා මොකුත් කතා නොකර ඉදල කතා කරපු නිසා.
" ම්ම් "
" ලොකූ කාලේ ආපස්සට යවන්න පුළුවන් උනා නං ඔයා මොනවද ඉල්ලන්නෙ ... "
" මං .."
" ඔව් .. "
" මං දන්නෑ "
කිව්ව මං ආයත් ඉස්සරහ බලාගත්තේ... ඇස් වලට උනපු කදුලු බිංදු ටික හුලගත් එක්කලාම වේලිලා ගියේ .... මේපාර මගෙ කම්මුල් තෙමා නොගද්දි...
" ඇත්තට ම ඉල්ලන්නෙ මොකක්ද ලොකූ..."
" ඔයා මොකක්ද ඉල්ලන්නේ ? "
" ඔයා ප්‍රශ්නෙන් පැනල යනවා ලොකු... හරි, මං ඉල්ලන්නේ ... අකේන් මගෙ ජීවිතේට එන එකයි ඔයාගෙ තාත්තා ට මගෙ අම්මව හම්බවෙන එකයි මම නවත්තනවා "
" ම්ම් හැබැයි දේවල් වෙන්ස් කරනවට වඩා ... ඒවා ඒ විදිහට ම වෙන එක තමා හොද..."
" ඇයි ඒ "
" ඔයා අතීතේ වෙනස් කරන්න ගියොත් සුද්දෝ...ඔයාගෙ මුළු වර්තමානෙ විතරක් නෙවෙයි අනාගතෙත් වෙනස් වෙනවා ...හරි "
YOU ARE READING
💜️💚 ගිම්හාන තුහින ❤️💚 ( Taekook /Yizhan)
Fanfiction" ආකාශ් දෙනුවන් විජේවර්ධන " එලඹෙන 24 වන සදු දින තම පෙම්වතිය ඝාතනය කිරීමේ වරද හේතු කොට ගෙන එල්ලා මැරීමට නියෝග කරමි...." " ආදම්ටත් තහනම් ගහෙ ගෙඩි කන්න හයිය තිබ්බ නම්...මටත් පුළුවන් සම්මතේට පිටින් යන්න ... .." 💚❤️ " සුදු බෝලේ... වතුසුද්ද ගහක උනත් පිපෙ...
