ඉකිගහන මල් 🌸 තීර් 2 🌸♥️ [ COMPLETE ]

හතරවන කොටස 🌸

සිදත් අයියා කාමරේට ආවෙ හිනාවෙන් මූණ පුරෝගෙන. මාත් හිනාවෙලා සිදත් අයියගෙ දවසට සුභපැතුවා.

" නෑ අයියෙ මේ අයේශ් අයිය මාව දැකල පුරුදුයි කියල කියන්නෙ"

අකේශ ට්‍රේ එක අතේ තියාගෙන හිනාවෙවී සිදත් අයියා දිහා බැලුවා. මන් බැල්කනියෙන් එලිය බලාගෙන ඈතට විහිදිලා තිබ්බ ලස්සන පරිසරය වින්දා

" සිදත් අයියෙ අපි අද site එකට යනවද?"

මන් ඉක්මනට වෙන ප්‍රශ්නයක් ඇදල අරන් කතාව මාරු කලේ තවත් ඒ කතාව ඉස්සරහට ඇදගෙන යන එකේ තේරුමක් නැති හින්දා. අකේශ දත් නොපෙනෙන විදියට හිනාවීගෙන බිම බලාගෙන හිටියා.

" ම්ම්ම්ම්ම් ඔව් මල්ලිට මහන්සියක් නැත්තන් අපි යන්.. නැත්තන් හෙට උනත් ගියැකි"

" බෑ බෑ අයියෙ මේව එහෙම කල්දාන්ඩ පුලුවන් වැඩ නෙමේනෙ... ඒ හන්දා පුලුවන් ඉක්මනට මේ වැඩ ටික අපි බලල කරල දාන්ඩ ඕනෙ"

මන් තේ කෝප්පෙ අන්තිම උගුරත් බීලා කෝප්පෙ අකේශ දිහාවට දික් කලා. ඌ බය වෙලා වගේ එකපාරම ට්‍රේ එක මගෙ දිහාවට දික් කරද්දි මම කෝප්පෙ ට්‍රේ එක උඩින් තියල අහක බලාගත්‍තා.

"එහෙනම් මල්ලි අපි site එකට යන්ඩ කලින් මාළිගාවටත් ගිහින්ම යන්"

" මාළිගාවට?"

ඒක ඇහෙද්දිත් මගෙ පපුව හෝස් ගාල ගියා.

" ඔව් මල්ලි... මේ වගේ වැදගත් කටයුත්තක් කරන්ඩ කලින් ඒ වගේ තැනකට ගිහින් වැදල පුදල වැඩ පටන් ගන්න එක හොදයි"

" යන්ඩ අකමැත්තකට නෙමේ ඒත් මන් මීටකලින් ගිහින් නෑ ඒක හින්දද කොහෙද හිතට මහ අමුත්තක් දැයෙනවා"

" ආ එහෙනම් ඒක හොද අවස්ථාවක් නෙ මල්ලිට... මල්ලි එහෙනං ලෑස්ති වෙලා එහෙම පහලට එන්ඩකො මන් සුමනෙට කිව්ව උදේ කෑම ලෑස්ති කරන්ඩ කියල. මල්ලි කන්ඩ කැමති විශේෂ දෙයක් හෙම තියෙනවද?"

" නෑ නෑ අයියෙ එහෙම මොකුත් නැ ඔය ඕනෙ දෙයක් ඔට්ටුයි මට. එහෙ ඉන්න කාලෙ බත් විතරයි තුන්වේලම කෑවෙ "

" අයියෙ අයේශ් අයියා බය වෙලාද කොහෙද අපි බත් විතරක් දෙයි කියල"