ඉකිගහන මල් 🌸 තීර් 2 🌸♥️ [ COMPLETE ]

විසිපස්වැනි කොටස 🌸

බහුභූත හීන දැන් මට සාමාන්‍ය දෙයක් වෙලා. කොච්චර සාමාන්‍ය දෙයක් උණත් හැම වතාවෙම මන් කොල්ලෙක් මැරිල ඉන්නව දකිද්දි ඒක මට දරාගන්ඩ බෑ. හරියට මේ දැන් මන් ඒ මොහොත විදිනව වගේ පපුව ඇවිලුංකනවා.ඒකත් හපන් ඒ ආරෝන් වෙච්ච එක..මට මතක් උණා ඒකත් එක්කම මන් අකේශ මැරිල ඉන්නව හීනෙන් දැකපු හැටි. ඒ හීන දෙකේ සමාන කමක් තිබුණා. මොකද ඒ හැම වතාවෙම මන් හිටියෙ අහසෙ පාවි පාවි. ඒත් මන් දන්නෑ ඇයි ඒ විදියට මට මාව දැනෙන්නෙ කියලා.උදේ අම්මගෙ පිරිත් වල සද්දෙට මන් ඇහැරුණා. ඒ වෙද්දිත් 8 වෙලා තිබ්බ. මන් ඉක්මනට නැගිටල කාඹරේ හදල ලෑස්ති උණේ office එකට ගිහින් එන්ඩ කියල.

මෙච්චර කාලයක් මන් ඒ වැඩ ඔළුවට ගත්තෙ නෑ මොකද මන් කරන්ඩ ඕනෙ හැම එකම කළේ සිදත් අයියනෙ.ඒත් දැන් මට ඌ ඇවිල්ල මට උදව් කරනකං බලන් ඉන්ඩ බෑ. මොකද මන් දන්නවා ඌ එන්නෑ කියන්ඩ. මන් වෙනදට වඩා ටිකක් වැදගත් විදියට කලු ලැහැත්ති උණා. කළු කලිසමයි ලා නිල් පාට shirt එක ඇන්දම ඒ පෙනුමට මන් හෙන කැමතියි. මන් ලැහැත්ති වෙලා පල්ලෙහාට ආවා.

" අම්මේ....."

" ඕ මන් මෙහෙ"

අම්මා ඉදලත් අතේ තියාගෙනම දොරෙන් ඇතුළට එබුණා .

" මන් කිව්වනෙ අම්මට ගෙදරට වැඩට කෙනෙක් බලන්ඩ කියල"

මන් කමිසෙ නම නම කෑම මේසෙන් වාඩි වෙලා මේසෙ උඩ තිබ්බ පාන් පෙත්තක බටර් ටිකක් ගාගෙන කාල දැම්මා. අම්මා මොකුත් කිව්වෙ නෑ..මන් ගෙයින් එළියට බහිද්දිම සුදුමැණිකෙ ඇවිත් මගෙ අතින් අල්ලගත්ත. කවදාවත් නැතුව කොන්ඩෙ කරල් දෙකකුත් ගොතල..

" good morning සුදු මැණිකෙ.."

මන් ඒකිගෙ ඔළුවෙන් අත තියල කිව්වම ඒකි ඇස් දෙකත් පියාගෙනම හිනා උණා.

" අයියා කොහෙද යන්නෙ?"

" මන් අද office එකට යනවා..සිදත් අයියත් මෙහෙ නෑනෙ..මන් ආව එකේ එව්ව බලල කරන්ඩ එපැයි"

මන් යනව කිව්ව එකට සුදුමැණිකෙගෙ නම් මූණෙ හොදක් පේන්ඩ තිබ්බෙ නෑ. එන්ඩ එන්ඩ ඒකිගෙ මූණ අදුරු වේගෙන ආව හින්දා මන් ඒකිගෙ කම්මුල ටිකක් මිරිකුවා.

" මන් හවසට එනවනෙ.."

" මාත් අයියා එක්ක එන්නං"