ඉකිගහන මල් 🌸 තීර් 2 🌸♥️ [ COMPLETE ]

තිස් වන කොටස 🌸

හිතට වද දෙන කාරණා එමටයි අකේශ. උඹ නොදන්නව උණාට මන් උඹට ආදරෙයි. ඒත් හිතේ සැක ඇති උණාම ඒව විසදගනකල් හිතට නිවනක් නෑ. ඉතින් මන් ඉන්නෙත් එහෙව් තැනක. උඹ මට ආදරෙයි කියන්ඩ මන් දන්නවා. ඒත් මොකක් හරි හේතුවකට තාමත් මතකෙන් නොමැකුණ ආරොන්, මගෙ සුදුමැණිකෙ අස්සෙ මගෙ හිත එහෙ මෙහෙ යනවා. උඹ හැගීම්බරයි... ඔයට මේවා බැරෑරුම් වැඩියි....

මන් අතේ තිබ්බු කමිසෙ තුරුල් කරගෙන ඇදේ වාඩි වෙලා බලන් උන්නා...අනිවාරෙන් මන් අකේශයගෙ පස්සෙන් එයිකියල ඌ හිතාන ඉන්ඩ ඇති. ඒත් මට යන්ඩ ඕනෙ කමක් තිබ්බෙ නෑ. මන් නොගිය හින්දා ඌ ඇත්තෙ තරහෙන්. ඒත් මන් ඒ ඔක්කොම විසදනවා. උට පුළුවන් නං ඌ මට කාලෙ දෙයි... නැත්තන් උගෙ සතුට මගෙත් සතුට....

මන් අරක්කු හැලිල තිබ්බු කමිසෙ නහයට ලන් කරල බැලුවා..හ්ම් වස ගද.....ඒක එහෙම්ම ගලවල දාල මන් ඇග පත හෝදන් ඇද උඩ තිබ්බ ඇදුම ඇදගද්දිම මට ඇහුණා කාර් සද්දයක්. මන් එහෙම්ම ජනේලෙන් එබිලා බැලුවා. සිදත් අයියගෙ කාරෙක ගියේ. මන් එහෙම්ම කොරිඩෝවට දුවන් ගියා.

" අයේශ් මහත්තයා..."

මාව එකපාරම ගැස්සිලා ගියා සුමනෙ ගෙ කටහඩට..

" අයියා කොහෙද ගියෙ?"

" චූටි මහත්තයත් ගියා..."

" හහ්? දෙන්නම ඒ පාර තරහෙන්ද......? "

මන් එහෙම කියාන පුටුවෙ ඉදගත්තා. සුමනෙත් මට එහා පැත්තෙ පුටුවෙන් ඉදගෙන අතේ තිබ්බු තේ කෝප්පෙකුත් මගෙ අතට දික් කළා.

" මහත්තයා ඔව ගනන් ගන්ඩ එපා.........සිදත් මහත්තය නම් වැඩකට ගියෙ...චූටි මහත්තයත් ගියා පැනගෙන..මට ඒත් හිතුණා හිත් රිදීමක්වත් වෙලාද කියල"

මන් මොකුත් නොකියා කොරිඩෝවෙන් එහාට ඇස් යවාගෙන හිටියෙ..

" සිදත් අයියලෑ බාප්පා ආවෙ නෑ?"

" ආ ලොකු මහත්තයා දේශපාලනේට සම්බන්ධ වෙනවලුනෙ..... ඔන්න ඕවට දැන් දගලන්නෙ..අනේ මන්ද ඕවා කොහෙන් කෙළවර වෙයිද කියල"

" සුමනෙ ඕවට කටදාන්ඩ යන්ඩ එපා...අඩුම මා ගැනවත් සිදත් අයියල එක්ක කතා කරන්ඩ ඕන්නෑ..මන් මෙහෙ ඇවිත් කලේ මහ මෝඩ වැඩක් එක අතකට..මන් හිතුවා මන් එන එකෙන් අකේශටවත් හොදක් වෙයි කියල.. ඒත් උටත් ඒකෙන් හිත රිදෙන එක වෙන්නෙ.. අනික මන් දන්නවා මන් වැරදියි කියන්ඩත්"